January
9, 2021
Anatoly
in a cina mahmah hi; a dam ciangin
Pasian na sem dingin kamciam pia hi. Lai
Siangtho sangkah hi-in, sangkah kik ding lamet om nawn lo hi. Amah pen nektawm
zong innkuan sung a khangkhia ahih manin sangkah nading sum nei lo uh hi.
Sangkah nuam pipi kah lo-in nasep zong dingin Russia gam va pai hi.
Anatoly in,“ Topa aw bang sem dingin hong deih na hiam, ci-in nisimin thungen den hi. Tua bangin a thungetna-ah Pasian hopihna thei hi. “ Namdang pau sin ding hong ngaihsun hi. Anatoly in piang zo taktak ding hiam cih ngaihsun hi. Bang hang hiam cihleh namdang pau sin ding cih pen khuak hoih kisam hi. Amah leh a khuak hoih lo ahih manin a nuih za kik hi. Amau innkuan sungah engineer nasem uh hi. Kuamah in namdang pau sin om lo hi. Namdang pau sin ding ngaihsutna nei kawmsa-in a nu kiang Ushtobe, Kazakhstan ah hong ciah hi.
Inn
a tunteh a nu kiangah, ‘ Nu aw, namdang pau ka sin nuam hi,’ ci-in a pulaak teh
a nu in, hi thei ding hiam, Russian leh Kazakh pau bek thei hi ven in, ci-in
dawng kik hi. Namdang pau na sin ding
pen piang thei kei venteh aw, ci-in kiho uh hi. Ahi zongin Anatoly lungsim ah
namdang pau kisin ding bei thei lo hi. A sawtteh amau teenna tawh kinai pen Taldikurga
ah Manglai sin dingin va pai hi.
Sanglut
ding ciangin lai kisitna khat om a, tua-ah Anatoly kia pah malam hi. Lungkia-sa
in a nu tawh inn hong ciah kik uh hi. Ahi zongin Anatoly in khat vei teitei
ciangin namdang pau sin ding ngaihsun tawntung hi.
Ni
khat Lai Siangtho a simna panin Kha Siangtho piak thupha, namdang pau theihna
thu hong sim kha hi. “ Kha Siangtho in mi khat tungah namdang pau theihna leh
siamna guan a, khat tungah a khiatna gentheihna siamna pia hi, cih hong mu hi (1
Corinthians 12:8, 10).
Anatoly
in a lu kunin, “ Topa aw, namdang pau theihna hong pia in, ci-in thungen hi. Kha
khat khit ciangin meileng lampi gei-ah a pai-na mun khatah Mangpau kisinna
laibu neu khat mu hi. Tua laibu in Russia pau leh Mangpau tawh kigelh mangpau
sinna laibu hii-in inn a tun ciangin tua laibu sim hi. A sim kammal khempeuh limtak ciamteh hi. Nisimin
sin sin a, hih bang tawh kithei zo ding hiam cih ngaihsun hi. Tua laibu mai 10
val bang a sim khit ciangin a nu pia hi.
A nu kiangah nang hong sim dih ci in sawl hi.
A
nu in tampi simpih a, a khiatnate Mangkam tawh gen kik hi. Kha Siangtho piak
namdang pau theihna ngah hi dingin kingaihsun hi. Anatoly in kha nih sung
Mangpau sin a, intermediate level dong tungto hi. Kha nih khit ciangin a ciin
uh dawnpawlte , water melon, lak hun ahih manin
a nute nasep huh phot hi. A sum ngahteng tawh laptop khat lei hi.
Internet leh phone tawh thuahkhawmin online panin Mangpau sin thei hi
A
maikum ciangin college kah dingin va pai kik hi. Sangkah theih nadingin lai
sittelna, entrance exam, khia ngei ahih hangin tu-in hoih takin va zo thei hi.
A sang uh panin Manglai kidemna-ah zong kihelin, ahi zongin laivuan ni ding pen
Sabbath ni tawh hong kituak ahih manin Anatoly in laiphi lo hi. A siapipa
hehlua-in han-gawp hi. Gambup kidemna-ah a nihna ngahin US $ 200 letsong zong
ngah hi. A sia pa in lamdangsa-in kei zong na biakinn ah hong kikhawm ning
ci-in gen hi. Anatoly in a sangkahna-ah Mangpau leh Turkish subject tawh
pahtawi-na zong ngah hi. Russian, Kazakh, Manglai leh Turkish pau zong sin hi.
Kyrgyzstan sangah kha 4 a om sungin Spanish pau zong sin hi. Argentina gamah nasem dingin kipaisak a, hih munah
Spanish pau thei-in tua banah Portuguese pau zong sinbeh hi. A ciahkik
takciangin Kazakhstan gamah kum 3 sung kamphen leh lailet in om hi. Hun
khatlai-a a lunggulh tangtung takpi hi. Kum 9 sung tua bangin a nasepna panin Zaoksky
Adventist University pastor sem dingin sapna ngah hi.
Anatoly
in Kha Siangtho lo-in tua bangin namdang pau tuamtuam thei lo ding ahihna
pulaak phapha hi. Sawltakte hun lai a nasem Kha Siangtho in tu-in zong pawl
sungah nasemlai hi, cih phawk pha sansan hi.
Kha
Siangtho ngen lehang Pasian pia ding hi; bang hangin Kha Siangtho ngen lo
ihiam? A lawmte khat in Anatoly tungah Kha Siangtho letsong ka ngah ngei kei
hi, ci-in a pulaak takteh, Anatoly in
Kha Siangtho ngah ding ngen nei hiam, ci-in a, “ Ka ngen ngei kei hi,” ci a
lawmpa in dawngkik hi.
Anatoly
in Kazakhstan gamah ciahkik a, a sangzawh khitteh Pasian nasem dingin geelna
nei hi. Khuano khat panin khangkhia-in bangmah hi lo khangno khat in Kha
Siangtho ompihna hangin namdang pau tampi pau thei hi.
Tu
quarter leitungbup Sabbath School 13na sumpi in Zaoksky Christian Sanginn puah
nadingin kipuak ding hi.
MUC
in Rakhine gam, Lanmadaw khua-a pawlpi huang puah nadingin kipuak ding hi.
