Ivan
ading Ni Lian Pen
RUSSIA
| January 30
Ivan
Sharonov, 27
Ivan
in kum 22 a phak masiah a nuntakna nuamsa hi. Ahi zongin kum 22 a phak ciangin
a nu tawh a pianna khua Kozan va hawh uh a, tua akipan a nu tawh a kizopzia uh
hong kilamdang hi. Nidang bang nawn lo-in kamtamna hong om hi.
Ivan in Kazan khua a om university khat ah sangkah hi-in innsap a tua panin sangkah hi. A innsapna inn nei pa in mundangah kituah dingin gen hi. Tua thu a zak kipan a lai zong limtak sim thei nawn lo, lai kia hi. Inn ciahna lampi ah cycle hat hawl lua ahih manin police man a, sum piak kul lo, thukhen zum ah na pai kul hi, ci uh hi. Thukhen zum va pai a, thukhen mangpi pa in liau sum pia ding maw, ahih keileh ni 15 sung thongkia zaw ding maw, na deih zawk tel in, ci-in gen hi.
Ivan
in lungkham hi. A cih nading thei lo hi. Tua bangin thukhen mangpa thugen a zak ciangin ka nuntakna a bei hi
mawk veh ee, ci-in Vantung Thukhen Mangpa thukhenna hong ngaihsun hi. Tu-in ka
mawhna kisik kei leng, Vantung Thukhen Mangpa in thu hong khen ding a, tawntung
sihna sung a tung ding ka hi mawk a, ci-in a nunzia kikhel ding kitangsap
ahihlam hong phawk hi.
Ivan
in Christian innkuan sung panin a khangkhia khangno hi lo hi. Ahi zongin Pasian
pen um hi. A nu pen Seventh-day Adventist pawlpi sungah tui kiphum khin hi-in
university sang a kah ciangin ama ut bangin gamta-in Pasian phawk nawn lo hi.
Tu-in
thukhen zum tung, liau sum piak ding nei ahih manin sumpia-in kidawm takin
innlam zuanin ciah thei hi. A nu kiang a
tun khit a zingciangin cisa nat hi. Ni thum sung lumcip hi. Lupna tungah Lai
Siangtho sim a, Matthew 6:33 Pasian gam
leh Ama dikna zong masa un. Tua hileh na
kitangsapna om khempeuh a hong pia ding hi, cih a sim ciangin, Jesuh
kammalte in a lungsim lawngkha hi. A
nunzia hong kikhel hi. Cikmah hunin a ngaihsut khak ngei lo thute hong ngaihsun
thei hi. A sangkahna leh leitung vai tuamtuamte thupi sakin Pasian mangngilhin
nungta ahihlam hong kiphawk hi. Dam lo ahih hangin gamdaihna mun khatah pai-in
thungen dingin hong kithawi hi. Gun gei gamdaihna mun khat va tung hi. Hih
munah a dahna om khempeuh a lunghimawhna khempeuh pulaak khia hi. “ Topa aw,
nang kiang hong ciah kik nuam ing. Kei tawh hong om in,” ci-in khitui luangin
thungen hi.
Tua
hun a kipan Ivan in na khempeuhah Pasian masak tawntung hi. Nisim thungenin Lai
Siangtho sim nuamsa mahmah hi. Ellen G. White laibu “Early Writings” leh a
dangte zong sim hi. Pawl sungah nuamsa-in khangno makai khatin kikoih hi.
Topa
tungah a kipiak ma-in Ivan in fitness club khat nei a, lawhcing mahmah hi. Ama
nasepna picing mahmah ahihlam khua sung makaite in zong thei uh a, kumpi zumkhak ciangin khua sung mun tuamtuam
ah thugenna nei-in kisam kawikawi hi. News paper sungah zong ama min hong
dawkin mi tampi theih khat hong suak hi.
Tu-in
tua nasep nusia-in naupang pantahna khat hong kipan hi. Naupangte in ama
makaihna nuamsa uh a, Ivan in Jesuh it takpi-in khangnote in zong Pasian itna
thei thei uh hi. Kum 16 a pha nungak no khat in biakinn aho hong kikhawm hi.
Engineering
sangkah zo khin a, Ivan in pastor suak
dingin Lai Siangtho sin ding khentatna hong nei hi. Tua dingin Zaoksky
Adventist University sangpi va zuan hi. Khal sangkhak sungin Kazan khua-ah
ciahin naupangte pantahna nei hi. Khua sung lampite hahsiang cih bangin khua
sung khantoh nading nasem hi. Hun khatlai-a a thuak thute phawkin nei lo-in
Topa hotkkhiatna hangin lungdamna tawh kidim hi.
Tu
quarter Sabbath School 13na sumpi in Zaoksky Christian Sanginn aa ding kipuak
ding hi.
MUC in Rakhine gam, Lanmadaw khua a
pawlpi huang puah nadingin kipuak ding hi.
