Ruth In Pasian a Masak Manin
Pasian masak cih pen a hamsa khat hi. Ruth nunzia tungtawnin i nuntakna-ah Pasian masak zia ding ettehhuai a om diam?
Ruth pen Israel minam hi lo hi. Amah
pen Moab minam hi-in, Chemosh, ngasa pasian bia mi khat hi ding hi. Chemosh
pasian pen a nusia pasian khatin minthang hi.
2 Kum. 3:27 sungah Moab kumpipa in ama kumpi tokhom a luah ding a tapa
pen Chemosh pasian bia nadingin sisan tawh biakna-in pia hi.
Ahi zongin Ruth teeknu, Naomi in
Jehovah, itna nei Israel mite Pasian in
saltanna pan suahtakna pia-in khat le khat ki-it dingin sawl hi. Hih thu a
pianma pekin Ruth in Jehovah Pasian bia khin kha thei hi. Lungmanna khat hong
tuak kha hi; kum 10 sungin Noami pasal leh a tate nih si uh hi. A monu Ruth leh
Orpah in lamet bei uh hi. A pasalte uh nuntaklai-in inn sung nunzia in hamsa
khin hi. Tu-in hong hamsa zaw ta hi.
Noami in Israel gamah ciah kik dinging eel a, a mote gel ciahkik dingin
pulaak hi. Orpah in thukim pah hi. Ahi zongin Ruth in nial hi. Tua bangin lamet
bei-in a om laitak Ruth in ama phutkhak thute hangin Pasian tungah lungkimlohna
bangmah nei lo hi. Ahi zongin Ruth in Pasian masak ahih manin Noami tawh
kibangin Jehovah bia uh hi. Ruth in hih bangin pulaak hi: " Ciah kik
dingin hong sawlsawl nawn kei in. Na paipai-na munah ka hong zui ding hi.
Nangma mite in keima mi hi ding uh hi a, na piak Pasian in keima Pasian hi ding
hi, ci-in a teeknu a khahnuam kei hi” Ruth 1:16.
Tulaitakin nuntak hamsa nasa kha ding
hi. Pasian masakna hangin na khempeuh in lungnopna tawh kidim ding cih pen
kamciam om lo hi. Ahi zongin lungnopna
leh hotkhatna i ngah thei hi. Ruth in itna tawh kidim pasal nei a, Pasian mite
tawh hong nungta khawm hi. Ama khanggui sung pan leitung Honpa, Jesuh a hong
khangkhia, hamphatna nei hi.
Ruth in Pasian masak hi. Amah bangin
eite in zong na khempeuhah Pasian i masak ding hi.
