Pasian
tawh Nasem Khawm
RUSSIA |
January 23
Masha,
17
Masha
in kum 5 a phakin a u nu in Russia gam Siberian khuapi-ah tui kiphum hi. Masha in a u nu tui sungah pai-in tui sungah
a kiphum mangngilh ngei lo hi.
A kituiphum khit ciangin pastor leh pawlpi mite in lungdam ko-in a nuamnate uh a mit kha panin mangngei lo hi. Kituiphumna thu kum khat sung bang ngaihsunsun hi.
Kum 6 a phak ciangin tui kiphum dingin
ngaihsun hi. A nu kiangah tui ka kiphum nuam hi, ci-in pulaak hi. A nu in
bangmah dawng kik lo hi. Kum 6 bel neu lua lai, kum 10 bang cing phot in ci hi
kha ding hi. Masha zong kum 10 a cin dong kituiphum lo hi.
Kum
10 hong cin ciangin pastor kiang ah va pai-in “ Tui ka kiphum nuam hi,” ci-in
va pulaak hi. Pastor in zong pakta-in
Lai Siangtho thusinna ah kihel dingin vaikhak hi. Midang 9 tawh Lai Siangtho
thusinna nei khawm uh hi. A thusinte uh zaknopsa mahmah hi. Kum khat khit
ciangin a pastor uh in mundangah kituah hi. Pastor dang khat hong tungin pastor
thakpa in Masha tuiphum ding phal lo hi.
Na kum tawmlai lua, neu lua laiteh, ci hi. Masha in tua thu a zak
ciangin a lungkia mahmah hi. Pastor thak pa hopih nuam nawn lo hi.
Kum
12 a phak ciangin kituiphum dingin pulaak leuleu hi. Pastor zong
thukimin kha 4 sung Lai Siangtho thusinna nei masa phot dingin geel uh hi. Masha in a thusinte uh lunglut nawn lo hi. A
lungsimah kituiphum ding bek om, kum tampi ngak khin, cih thu bekbek om hi. Lai
Siangtho thusinna ah kihel nawnlo-in
pawlpi nusia dingin ngaihsun hi.
Pawl
pua ah lawm le gual zong nei lo-in nuamsa lo hi. Lamet bei kisa-in a om laitak ni khat a nu in
Zaoksky Christian School, Seventh-day
Adventist sangah sangkah ding na ut hiam ci-in dong hi. Masha in zong thukim
pah hi. Hih sangah lawm le gual zong tampi nei-in a sangkahna-ah kituiphum
hi. A kituiphum ciangin kum 16 bang
cingkhin hi. A kituiphum khit hangin a nunzia bangmah kilamdanna om lo cih
kiphawk hi.
Zaoksky
a tuncilin Masha in lawm le gual tam nei lo hi. Koi bangin mite tawh kipawl
ding, kikhawl thei ding cih ngaihsun thei lo hi; dah hi. A lawmte khat in ama
omzia thei-in na hehpih a, amah lawm dingin na zawn hi. Pasian in eite
kitangsapna khempeuh thei hi; amah in ei tawh hong om hi. Ama tungah i
kitangsapnate pulaak thei hi hang; Amah in eite lawm hoih, ci-in hopih hi.
Masha
in lawm le gual hau lo hi. Topa tungah thungen ding kipan hi. Gamdaihna
mun khatah pai-in a lungsim a om
khempeuh va sung khia hi.
“Topa
aw, nangma tungah ka hamsatnate kong puak khak loh hong maisak in, ci-in pulaak
hi. Tui hong phum nuam lo ka pastor tungah ka hehsuak kha hi. Lungkhamnate
Nangmah ka hong puak kei kha, ci-in a khialhnate hangin khitui luangin Topa in
a maisak ding ngen hi. Tua bang khit ciangin a sungah lungnopna khat hong lut
hi. Cikmah hunin a ngah ngei lo lungnopna, Topa ompihna phawk hi. Ka
lungkhamnate ka koh nading ka kuppih ding lawm ka deih tawntung a, tu-in Topa
aw,nang kong muh khak manin, ka lungdam hi. Ka hamsatnate khempeuh a hong
puakpih ding, hong hehnem ding Nangmah ka lawm na hi hi, ci-in Topa tungah lungdamna
ko hi.
Tu
quarter Sabbath School 13na sumpi in Masha sangkahna sanginnpi puah nadingin kipuak ding hi.
MUC in Rakhine gam, Lanmadaw khua-a
pawlpi huang puah nadingin kipuak ding hi.
