Joshua in Pasian a Masak Manin
Joshua
in Egypt gamah saltang mi khat hi ngei hi.
Sila nunzia thei mahmah hi; tote
in silate vun kolh liangin a bawlnate uh a mit kha-ah mang lo hi. Tua
leh ni khat, khangham khat mi khat in Pharoah kumpi innah hong pai hi; hih mipa
in Israel mite saltanna pan khahkhia dingin va pulaak hi. Joshua in a nungta Jehovah in Egypt pasiante a
nuaikoihna tampi mu khin hi. Tua khit a sawt lo-in Joshua in tuipi tungah
lampai-in tuipi a kantan hi.
A sawt lo-in Joshua in Moses nungzui
khat hong suak hi. Moses in Sinai Mual panin Pasian in Moses tungah thukham
sawm piak hunlai-in zong Mual bulah
Joshua in ngak hi.
Pasian in thukhamte hong pia hi. A
nungciangin Pasian khapsa gam a va en
dingin a mipihte in Joshua paisak uh hi. Joshua in lau-na leh lawpna tawh kidim
kha ding hi. Gam en a lawmte va pai uh
a, Joshua in tua khua mite leitang
hoihna amuh ciangin a mipihte teen nadingin lunggulh mahmah hi.
Ahi zongin a sawt lo-in Joshua in tua
gam va luah ding lawpna thute za lo-in a
paipih a lawmte lau-na leh kihtakna thute bek za hi. Gam en a pai mi sawmte in Joshua tawh amuh uh
kibang hi. Ahi zongin a thu khupna- a ngimna uh kibang lo hi. Canaan mite in amaute langdo-in susia ding cih
thei uh hi.Joshua in Pasian kamciam masak in, do ding ngaihsun hi.
A tawpna-ah kum 40 khit ciangin Joshua
in khapsa gam sungah a mipihte lutpih hi.Tua bangin a mipihte a makaih thu-ol
hi lo hi. Ahi zongin Joshua in khutlet khat nei tawntung hi; bangbang piang
taleh Josuah in ahihna khempeuhah Pasian masak hi.
Joshua in a mipihte tungah bang pulaak
hiam cihleh Joshua 24:15:
“Tuni in teel un; kua na sem ding na hi
uh hiam? Na pupate uh pasian nasem ding maw, Gun galah om Amorite pasian na sem
ding maw? Ahi zongin kei leh ka innkuanpih in Topa n aka sem ding uh hi” ci-in
a mipihte to-na pia hi.
Joshua
in Pasian masak hi; ahihna khempeuhah Pasian in ompih hi. Joshua bangin eite in
zong na khempeuhah Pasian i koih masak ding kisam hi.
