January
2, 2021
Memory
Stick Tawh Pasian nasepna
Alyona
Alyona
in a lawmte tawh lasa-in a zin kawikawi uh
hi-in, mun khatah mawtaw uh kisia hi. Hih bangte kawmkalah Alyona in
Zaoksky Adventist University ah sangkah kik ding lunggulh hi. Lasa a lawmte’n zong
tua bangmahin lunggulh ciat uh hi. Gimin tawl uh a, mawtaw a kibawl kik thei diam, ci-in lunghimawh uh
hi. Mawtaw sungah mi 10 tuang uh a,
Zaoksky panin nai 12 val bang mawtaw tuangin Minsk, Belarus khuapi manawhin
khualzin uh hi.
Sangnaupangte in Alyona’ pa sam dingin ngaihsun uh hi. Alyona’ pa in mawtaw bawl thei khat hi. Nai 4 sung ngak uh a, Alyona’ pa hong tung hi. Nai 2 sung a bawl khit ciangin hong man hi. Datsi zuakna (filling station) ngei khatah a mawtaw uh kibawl a ngak laitakun pasal khat a tha sang khat hong pai hi; hih pa pen datsi zuakna munah nasem hi; hih pa in niangtui dawn ding hong tawi hi.
Mawtaw
bawl kizo ahih manin pai khia ding uh hi ta hi. Alyona pa huhna tawh Minsk ah
khualzin kik thei uh hi. Nai lang khit ciangin
Alyona in datsi zuakna munah kilehkik dinig lunggulh vingveng hi. Amah
in Kidopna Lianpi, memory stick sungah kikoih pia ding lunggulh hi. Hih memory
stick pia kawikawi-in tua bangin Pasian aa ding tecipang hi.
“Datsi thunna munah i kileh kik kul ding hi,”
ci-in a genteh a lawmte ut lo uh hi. Ahi zongin aman mawtaw hawlpa tungah gen
teitei hi. “ A lawmte khat Nikita in hi mah eei, kilehkik ni.
“
Pai kik lo ding” a ci tawh minutes 10
bang kinial ngeingai uh hi. Kileh kik lo ding a ci te’n zong, kilehkik
ni, ci-in a pulaak kik uhteh, a lawm dangte’n lamdangsa uh hi.
“ Ka phone mangngilh ing, kilehkik kul ding
hi,” ci-in khat in pulaak hi.
Mawtaw
zong kileh kik hi. A vekun lungdam mahmah uh hi. Alyona pen lungdam pha diak
hi. Tua mun a tun kik uhteh tua nasempa
pen tha gol mahmah hi a, i memory stick piak pen hong sang nuam ding hiam,
ci-in ngaihsun uh hi. Amah pen Khristian
thu-um mi hih tuak kei, i omlai-in zong zatep hi, ci in kikum uh hi. Pawl khat in hong sang nuam kenteh, ci.
Pawlkhat in hong sang mah inteh, ci-in
kinial ngeingai uh hi.
Datsi
tunna ( filling station) hong tung kik uh hi. Alyona in a lawmte aa ding
thungen hi. Kong it Jesuh aw, nasempa lungsim hong honsak in. Ka piak ding uh
memory stick a hong sangsan nading a lungsim hong honsak in. Hih sunga om thute
a sim nadingin zong thu kong ngen hi, ci-in thungen hi. Filling station a tun
uhteh nasemte khat hong pusuakin Nikita phone hong pusuahpih hi. Alyona zong va
pai-in, a ip sung pan memory stick la khia-in tua pa pia hi.. Hih na en in. Ko
ppen Christian hi ung, Jesuh um hi ung, na sim in. Thupha na ngah ding hi,
ci-in hanthawn hi. Mawtaw sunga sangnaupang khempeuh in tua mipa en ngeingai uh
hi. Amau lamet bang lo-in tua mipa in lungdam takin a memory stick la hi. “ Aw
leh na sim ning, ci-in kikhen uh hi.
Alyona lunghimawh den hi. A na sim takpi ding hia cih pen thei lo hi. A
sim thu a up theih nading Kha Siangtho in nasem dingin lamen hi. Jesuh thu mite
tungah gen ding pen lau a kihtak ding hi lo hi.
I
upmawh bang lo-in mi tampi in Jesuh thu za nuam thei nuam uh hi.
Tu quarter Sabbath School 13na sumpi
in Alyona sangkahna sanginn puah nadingin kipuak ding hi. MUC in Rakhine,
Lanmadaw ah pawlpi huang phuah nadingin kipuak ding hi.
