Moses in Pasian a masak manin
Pasian masak ding cih pen a thubaih hi lo hi. I nuntakna-ah Pasian
masakna thu Moses tung panin etteh ding bang om hiam?
Moses in amah leh amahin a mipih khat
honkhia dingin hamciam hi. Ahi zongin
honkhia zo lo hi. Ahi zongin Egypt panin hawlkhiat thuak hi. Ama ngimnga
khempeuh beimang hi. Sehnel gamah kum
tampi sung tuucingin a omna panin a lamdang thu khat hong piang hi. Pasian in Moses a khangno hunlai a ngimna, saltang a mipihte
honkhia dingin mungtup thaksuaksakin a semkhia dingin samkhia hi.Pasian sawlna
bangin a sem dingin Moses in kiging lo hi. Amah in limtak pau thei lo hi.
Pharaoh tawh kimu dingin Moses in teek le guai khin hi. Moses in ama siamna leh
hihtheihna muang lo-in Pasian muang hileh a
nuntakna-ah Pasian a masakna hi. ding hi. Moses in ama kicinglohna tungah kinga lo-in Topa
vangliatna leh hatna muangin Ama tungah a nuntakna buppi a ki-ap ciangin na
khempeuhah Pasian a masak ahi hi. “ Topa in Moses tungah “ Topa aw, a beisa hun
ahi a, na nasempa nong hopih a kipan ahi zongin dangnal mi ka hi ngei kei
hi. Kei pen pau ol lei-awk mi ka hi hi,
a ci hi. Topa in ama kiangah “ Mihing
kam a pia kua ahi hiam? Kua in amah bengngong sakin pau thei sak ahi hiam? Tua
pen Keimah TOPA hi lo ka hi hiam? Tu-in pai in; na thugenna-ah kong huh ding a,
na gen ding kong hilh ding hi,” a ci hi. Pai. 4: 10-12.
Moses in Pasian masak ahih manin Israel
minam khempeuh in saltanna panin suahtakna ngah uh hi. Moses in mi kicinna nei
lo hi; eite’n zong kicinna i nei kei hi. Pasian in Moses a sap mah bangin tu-in
zong eite a hong sam hi. Pasian i
masakna tungtawnin nasep masuan khat ciat hong kipia-a i matut dong
kalsuan ding ihi hi. Tua bangin i kalsuan nading hamsa mahmah hi taleh ma i tuh
zawh nadingin Kha Siangtho in a hong huh ding hi. Moses in Pasian masak hi.
Amah bangin eite in zong Pasian i masak ding a hong hanthawn tangh tangh hi.
