January
16, 2021
Mi
Thak
Andrei
Abramyan, 22
Kum
15 ka phakin khal sungin boxing ka kisin hi. Ni khat inn ka ciahna lampi ah “
na ci dam kei,” cih ngaihsutna khat hong lut hi. Tua ngaihsutna kitheihmawh bawlin ka om
hi. Inn ka tun a kipan lungkiatna tawh
ka kidim hi. Zato siavuante bawl ding ka
lunggulh hi. Tua bangin va kimuh leh lungsim man lo nei pa ci-in sangpan a
kihawlkhiat ding lau zel hi.
Kaal nih khit ciangin a lungsim sungah “ kha khat khitteh na si ding hi,’ cih ngaihsutna bekbek hong lut hi. A lungkia semsem hi. Lamet bei-in om hi. Bang hang hi ding hiam cih ka thei zo peuhmah kei hi. Ka lunggim mahmah hi. Kha bei ciangin ka pi in ka sam hong metsak hi. Tua bangin ka sam a met ciangin ka kap hi. Ka pi in lamdangsa-in a kisam khat om hi ding hi, cih ngaihsun hi. Ka pi kiangah “a si ka hi ta hi,” ci-in ka dawngkik hi.
Ka
pi in zong lamdangsa-in mi lungsim ka zawh nading a tua bangin a kampau in hong
ngaihsun uh hi. Kei le kei kithah ding
bek ka ngaihsun hi. Ka sam met khit
ciangin ka ngei ah ka gei ah ka nu zong om a,
innkhum lam ento-in thu ka ngen hi. “ Topa aw, om takpi na hihleh hong
huh in, ci-in thungen hi.
Kilamdanna
bangmah ka thei tuan kei hi. Tuibuk
sungah pai-in kei le kei kithah ding bek ka ngaihsun hi. Tua bang laitakin
innkhum tung pan hong tuak suk khuavak dan khat ka mu hi. Ka awm ka lawng
a, ka gen dan ding zong ka thei kei hi.
Lungnopna tawh ka kidim vat hi. Thakhat
thu-in ka tutna mun pan ka dingkhia vat
a, “ Pasian min thang ta hen, ka natna pan damna ka ngah hi,” ci-in ka awngkhia
hi.
Ka
nu leh ka pi in lamdangsa uh hi. Ka
pi in a bangci, lungnuam in. Na khempeuh
hong hoih ding hi, ci-in hong hopihi hi.
“
Pasian in hong damsak hi,” ci-in ka pulaak hi. A peeng ka sanggamte Vadim in
computer tawh kimawl ka mu hi. Tua bangin ka pulaak pen aman um lo hi. Na zuau
hi, hong cihsan hi. Ka pi in lungsim man lo-in hong ngaihsun hi.
A
tatkakin kei le kei kithah nopna lungsim kidim tawntungin tua bang ngaihsut
hoihlohna panin Pasian in hong honkhia hi. Pasian om takpi ahihilam ka um hi.
Tua ni a kipan Jesuh tawh a nungta khawm ka hi hi.
Tu-in
pastor sem dingin Zaoksky Adventist
University ah Lai Siangtho sin ing. Mi thak ka hihna tungtawnin ka innkuanpihte
zong lungdam mahmah uh hi. Pasian in ka nuntakna sungah damna hong pia hi.
Nidang bangin a nungta ka hi nawn kei hi. Topa in ka thungetna hong za-in hong
dawng hi. Ama min ka phat tawntung hi.
Tu
quarter Sabbath School 13na sumpi in Zaoksky Adventist University puah nadingin
kipuak ding hi.
MUC
in Rakhine gam, Lanmadaw khua-a pawlpi huang phuah nadingin kipuak ding hi.
