Beidongin
Om Laitak
RUSSIA
| February 6
Olga
Noshin, 34
Mawtaw
tuahsiatna hangin Olga lungkiatna piangsak hi. Amau pen Roman Black Tuipi ah
khualzin a pai uh hi. A zi tawh kiteen uh kum 3 hi pan a, tuipi gei khua
tuamtuamah khualzin khawm uh hi. Lam kawi mun khatah mawtaw tuahsia uh hi. Mawtaw kongkhakte kitam khin, mawtaw sung pan
hong pusuak khia uh hi.
Roman
leh Olga in a mawtaw Mercedes kisia amuh uhteh mawtaw hawl pa bangmah ci lo
ahih manin lamdangsa uh hi. Police hong pai-in Roman in police en nuam lo-in a
mai hum hi. Mercedes mawtaw hangin i hun kum tampi a mawkna suak hi, ci-in pulaak hi.
Tua laitakin Olga in mawtaw tuahsiatna hangin supna tawh kidim hi. Roman in insurance ah sum tam nei lo hi. Tua mun panin Olga pai khia-in lamgei leenggah huan sung khatah khukdinin thungen hi. Bang mah kilamdanna om lo hi, mawtaw kisia bek mah mu hi. Mawtaw hawl Musa in Roman gei ah pai-in na laidal puakteng hong pia in; kong pia kik ding hi, ci hi. Roman in a driving license pia-in police ten zong en uh a, a den lamteh police khat hong pai-in, Roman leh Olga in khualzin thei nawn lo ding hong suak uh hi.
Mawtaw
kai khia ding mawtawpi truck ngak uh a, lungkhamna tawh kidim uh hi. A nupa-un
kisel sel uh a, kikhen ding dinmun dong tung uh hi. Tua nitak in Topa tungah mawhmai-na ngen uh
hi. Tua zan pen tuipi gei –ah giak uh hi. Zingsang ciangin Musa in amaute sam
a, ama mawtaw khat zang dingin gen hi. Kaal thum bang hun sawt ding ahih manin
insurance vai sian mateng a mawtaw zang dingin pulaak hi. Hih nupate in sa ne
lo, zu dawn lo uh hi, cih Musa in a theih ciangin lamdangsa hi.
“No kua na vua,” ci-in dong a, “ Ko pen Seventh-day
Adventists,” hi ung. No pen Adventist tuam deuh hi uhteh, Adventist hi napi zu
dawn, sa ne om hi, ci-in kidawng uh hi.
Musa
pen Christian hi lo, zi nih nei hi. Tua ma 2, 3 lai-in a zi neu in naupaai a,
nau tolhsak ding sawl hi. Tua hangin Pasian thukhenna thuak hi ding hi, ci-in
ngaihsun hi. Mercedes it mahmah in mawtaw tuahsiat madeuh kaal khatlai-a a lei
thak hi; mawtaw lei nadingin sum a lakkholhte piak kik kul hi. A kikholhpih a lawm a gualte in hopih mahmah
lo, bangci cih khat zong om lo hi; ahi zongin SDA sung a a lawmte in bangmah
nei lo uh hi taleh a neih bangbang uh kikaikhawm uh a, ni thum sungin a kisam
zah sum ngah kik hi.
Sum
a piak khit uh ciangin Mursa in Roman driving license ap kik a, khua dang khatah pai nading om ahih manin paisuak hi.
Olga zong khualzin ahih manin kei tawh nong giak uh diam ci-in a zot ciangin
Roman leh Olga in Mursa inn ah giak suak uh hi. Tawl khat khit ciangin meileng
tawh Zoaoksky lamzuanin pai suak uh hi.
A
maikum ciangin leiba loh kik uh ahih manin sum hamsatna tuak uh hi. Ahi zongin
Olga in mawtaw tuahsiatna taleh Topa tungah lungdamna ko veve thei hi. Bang
hang hiam cihleh amau nupa kikal thubuai hangin nupa kikhen ding dinmun panin
tua mawtaw tuahsiatna hangin tu-in a nupa un lungdam takin om suak thei uh hi. A
nasepna uh panin zong kha sum khang ngah uh a, kum khat sungin leiba khempeuh
pia kik zo uh hi.
“Kitangsap bangmah ka nei ngei kei uh hi.
Pasian in kote kitangsapna khempeuh hong sik tawntung hi, ci-in teci pulaak hi.
Olga in Zaoksky Christian Sang ah
naupang masate lakah kihel hi. Tu-in Zaoksky Adventist University ah pilna sin
hi.
Tu
quarter Sabbath School 13na sumpi in Zaoksky Christian Sang puah nadingin
kipuak ding hi.
MUC in Rakhine gam, Lanmadaw khua a
pawlpi huang puah nadingin kipuak ding hi.
