Sabuai
Neihman a Topa Tungah Lungdamna
VEILED
COUNTRY | February 27
Dinara
Kum
(7) a cingkhin pan Dinara nitak an limsa lo hi ding hi ven, a nu tungah heh
mahmah hi. A kuang sunga om lo-thaangsan
tawh kikaang Macaroni sabuai nuai-ah koih suk hi. “ Mommy, Pasian in hih sabuai
hong pia hi, cih na thei hiam, ci-in a nu dong hi. A nu in lamdangsa vat hi.
“ Bang gen na hiam? ci-in dong kik hi.
Hih hamsa takin nasem a, a ngah sum tawh vanzuakna pan a va lei hi ven, mi hai
bangin kampau nawn ken,” ci-in a tanu haan hi.
Dinara
in a nu sel teitei hi. Hi lo hi. Pasian khat om hi, ci-in kigen hi.
“ Kua in tua bang hong gen hiam? ci-in a nu in dong kik hi. Russia gam ah Pasian om kei ci a, Pasian um lo mi tampi om uh hi. Bang hun a, koi teng pan Pasian in hih sabuai hong pia hiam?
Dinara
leh a lawmte in a sangkahna uh panin
hehpihna thute za za uh hi. A sia uh khat pen Advnentist thu-um mi khat hi-in,
laihilh kawmin Pasian thu hilh thei zel hi.
“I
neih na khempeuh in Pasian kiang pan hong pai hi. Ama tungah lungdam a ko
tawntung ding ihi hi, ci-in kihilh uh hi.
Dinara
in a nu tungah tua thute gensawn zel hi. A nu in tua bang thute a zak ciangin
lamdangsa-in theihbeh nopna lungsim nei semsem hi. Ahi zongin a pa in
hamsapi-in nasem a, a ngah sum tawh
sabuai lei ahih manin a pa zahtak lohna hi, ci-in ngaihsun hi.
“Zingciangin sangah pai-in bang hangin
naupangte tungah Pasian thu kihilh hi ding hiam ci-in va dong ning, ci-in a nu
in ngaihsun hi. A zingciangin a nu zong sangah va pai-in sangsiapipa tawh
kimu-in sangnaupangte tungah Pasian thu hilh nawn lo dingin kigen uh hi.
Tua
bang buai-na hangin Dinara in Pasian za thei nawn lo ahih manin lungkhamin
Pasian thu za nuam mahmah hi.
Kum
9 hong val khinin Dinara in kum 16 cingta hi. A innkuanun inn thak khatah
kituah uh hi. Hih munah naupang Lai Siangtho bu lui khat mu kha uh hi. A lang
phial bang kikhek khin hi taleh, Dinara in Pasian thu thei nuam lua ahih manin
a sim theih bangin simtoto hi. A sim
thute a theih loh hangin Pasian thu ahihlam phawk thei hi. Lai Siangtho buppi
khat deih mahmah hi.
Kum
thum hong cingto a, Dinara in Adventist sang khatah Manglai hong sin hi. Hih sanginn a siate in Sabbath ni ciangin
hong kikhawm in, ci-in zawn uh hi.
Dinara
in tua kikhopna ah va kihel hi. A kikhawmte in thungen, Lai Siangtho sim, lasa
cih bang amuh ciangin Dinara in lamdangsa-in hih kikhopna-ah kihel kik kik nuam
hi. Hih tengah hong kikhawm mi a tam zaw pen gamdangmi tampi om uh hi. Hih
kikhopna-ah hong pai den a, hih teng a kikhawm tangval tawh hong kiteeng thei
uh hi. Dinara in a pasal a neih ciangin biakinn ah kikhawm ahih manin, a
lungsimah “ Hih tengah bang hih ka hiam? Ka innkuan, ka beh ka phungte in
thu-um mi hi lo, cih ngaihsutna hangin biakinn ah kikhawm nawn lo hi. Va
kikhawm nuam hi, ahi zong lau hi. Tua bangin kikhawm lo in a om ciangin a pasal
Nikolai in bang hangin Sabbath ni kikhawm nawn lo na hiam, ci-in dong hi.
“ Ka nu le ka pa in Pasian um lo
uh hi,ci-in dawng kik hi. A pasal in, “
bang hangin lau na hiam? Pasian khat bek om hi. Lau na ding bangmah om lo hi,
ci-in hanthawn hi. Ka nu ka pate in amau
biakna lai siangtho bek sim ding ci uh hi.
Ahi zongin Dinara in Lai Siangtho sim nuam hi. A pasal in amau ngeina
biakna leh Christian Lai Siangtho kibatnate hilh hi.
Dinara mipihte in amau pasian biakna ah biakna
pia ding ci-in, ahi zongin Dinara in Adventist biakinn ah kikhawm nuam hi.A
mipihte in ngei-na zui a biakpiakna deih uh a, Dinara in Adventist biakinn ah
kikhawm nuam zaw hi.
“ Phamawh kei,’ pai in,”ci-in Nikolai in dawngkik hi.
“Na
ut utna munah pai theiteh, nangma utna kuamah in hong khaktan zo kenteh, ci hi.
Dinara
in Adventist biakinn ah pai-in biakpiakna nei hi; a nuntakna Topa tungah kipia
hi. Tu-in Lai Siangtho a sim ciangin lungdamna tawh kidim hi. Lai Siangtho a neihkhakna hangin Topa tungah
lungdamko hi. hun a ngahsialin Lai Siangtho sim den hi. Zingsang a thawhtung a kipan nitak a lup hun
dong, na khempeuhah Pasian tungah lungdamna tawh kidim hi. Annek, inn sung
sabuai-te a kipan Topa tungah lungdamko hi.
