Sabbath
Ni-a Mawtaw Tuahsia
RUSSIA
| February 20
Anna
Khizhnyakova, 32
Kum (16) a pha Anna in Russia gam khuaneu khat pan a khangkhia hi-in, a inn ah internet neihzawh ding lunggulh mahmah hi.Tua sangin a deihzawk om lo hi. 2003 kum hi-in leitung thupiangte thei nuamina pa le nu kiangah pulaakin amau zong internet leisakdingin pai uh hi. Tua ni pen Sabbath ni khat hi. Amau pen Adventist hi lo uh hi. Ahi zongin Anna in ahihleh a pi tung panin Jesuh thute thei-in Sabbath ni-in van lei ding pen mawhna hi, cih thei hi. Ahi zongin internet deihlua ahih manin internet modem lei dingin mawtaw tuangin pai khia uh hi. Lampi-ah a pa in mawtaw hatsak lua banah vukkhia-in lampi nal ahih manin mawtaw khat tawh kitaih kha uh hi. Tua munah a nu le pa in nusia hi. Anna in liamna tawh zato kipuak hi. Mawtaw hawlpa zong si hi. Anna liamna lian lua ahih manin siavuante in lamet omsa lo uh hi. A pi in antang a thungen hi. Pawlpi mite in zong thungen uh hi.
Siavuante
lamet bang lo-in Anna in ni thum khit ciangin khua hong phawk kik thei hi. Kha
nih khit ciangin sangkah zo hi. Tua kum mahin Tan 10 ong hi.
Anna in a pi tawh khuano Novoshatinsk
ah kituah dingin va pai uh hi. Anna in a nu le pa nusiatna a ngaihsut khak
ciangin kisuang mahmah hi. Ama na deih khat lei dingin a pai na uh hangin tua
bangin mawtaw tuahsiatna hangin a lungnuam thei lo hi. Pasian mawhsak tuan lo
hi. Hih sihna a piangsak pen Pasian hi
lo hi, cih pen Anna thei tel hi. Anna in Sabbath ni a van lei pen mawhna hi,
cih theitel hi. A taktakin Sabbath ni tum khitteh va lei thei uh hi. Anna in
ama hangin a nu le pa sihna thuak hi, cih phawk hi.
Annan
in khua khat Vladivostok ah kituah a,
University sangkah hi. Hih khua ah a om sungin zong a khialhnate
mangngilh thei lo hi. A sangkahna hih khua-ah Sabbath ni ciangin biakinn ah
kikhawm dingin va pai thei zel hi. Sabbath nisim bel pai zo lo hi. A pi lungdam
nading bekin tua bangin kikhawm hi. Anna in nisim in a pi hopih hi; a pi in ama
a ding thungetsak hi.
A
pi in, “Tuni Lai Siangtho na sim hiam?
ci-in dong hi. Sim mah ing ci-in a dawn kik ciangin bang mun hiam bang thu sim
kha na hiam ci-in a pi in Anna dong thei zel hi. “ Tuni thu na ngen hiam?,
Thunget ding mangngilh kei in,”ci-in a pi in hanthawn tawntung hi.
Anna
in a sangkahna-ah a tuah hamsatnate a pi kiang ah pukaakin a pi in thungetsakna
nei h i. Hih a sangkahna-ah Anna in Adventist sia khat tawh hong kimu uh
hi. Hih siapa in zong Anna adingin thungen
hi. Anna in a kituiphumna phawk kikin, mawh mai ding thungen den hi.
“
Ka nuntakna sungah a kitangsam khat om hi, cih pen pulaak thei zelzel hi. Lamet bei-in khuamial sungah ka nungta hi.
Lawm le gual ka neih nading, lametna tawh kalsuanin ka nuntak nadingin thu hong
ngetsak in, ci-in a pi ahi a, a sia pa tungah zong ngen hi.
Anna
in nisimin Pasian tawh kiho den hi. Ellen G White gelh “ Kidona Lianpi” zong
sim hi. Hih laibu a simna tungtawnin Marthin Luther leh pawlpi puahphate tuah
khak thute a ngaihsut ciangin Pasian in mawh lian penpen zong maisak thei hi,
cihpen lametna thak tawh hong nungta hi. A zongsat hoih lohnate khempeuh nusia hi.
Sabbath
ni hong tun ciangin biakinn ah pai-in Pasian maipha zong hi. Pasian in mawhna
khempeuh maisak hi, cih Anna in theitel hi. A kisuanna khempeuh zong tu-in
beisiang khin hi.
Tu-in
Anna in kum 32 cingkhin hi. University khatah laihil hi. Pathfinder makai khat
leh pawlpi lai-at sem hi. Banghangin
mawtaw tuahsiatna tawh a nu le pa in nusia hi ding hiam cihpen thei zo lo hi
taleh a nu le pa sihna hangin bangmah
kisuanna lungsim nei nawn lo hi. Bang hang cih a thei kei zongin, tua
tuahsiatna panin Anna nunzia kikhel hi.
Anna
in a pi thungetsakna leh a pantahnate hangin Topa tungah lungdam tawntung hi.
Pawlpi
mite thungetsakna hangin Anna in hamsatna tampi nawktan zo ahihna pulaak hi. Pasian kihel lo hi leh na khempeuh in a
mawkna pi hi.
Tu
quarter Sabbath School 13na sumpi in Anna omna khua Vladivostok ah biakinn thak
lam nadingin kipuak ding hi.
MUC
in Rakhine gam, Lanmadaw khua a pawlpi huang puah nadingin kipuak ding hi.
