February 13 Yelena, 16

 

Sangkah pelhin Biakinn ah kikhawm

RUSSIA |  February 13

Yelena, 16

 Kum ( 11) a pha khin Yelena in a inn panin khe tawh pai-in Dmitrovgrad khua-ah sang va kah hi. Tua bangin a sangkah Saturday nitak lam khatin Sabbath ni hi-in biakinn ah kikhawm ding hun ahihlam phawk vat  hi.

A lungsim ah biakinn cih pen a ngaihsut khak loh sawt pianta hi.  Bang thu hangin tua ni-in biakinn ngaihsun kha hiam cih thei zo lo hi.  A lungsim in biakinn lunggulh hi. Phone tawh a nu hopih hi; Sabbath nisialin biakinn ah kikhawm i pai khop ka phawk hi, ci-in gen hi.

Tu-in zong ka pai thei diam, ci-in a nu galdot hi. A nu in dot kul kei ee, na pai ve, ci-in sawl hi.

Thugen kipat madeuhin Yelena hong tung hi. A nunggual lamah tu-in thugenpa thugen ngai hi. Tawlkhat khit ciangin a neulai-a Sabbath School sianu tawh kimu hi. Yelena maizum kawmin nuisan hi. Hih biakinn ah kikhawm kik nuam hi.

Yelena naupaanlai-in a nu le a pa kikhen uh hi. Kum (5) a phak ciangin biakinn ah paipih pan uh hi. Tua khit zawh biakinn pai nuam nawn lo uh hi. Yelena in kumpi sangah kahin  a sangkahna-ah Monday ni pan Saturday dong sangkah uh hi.

Saturday ni a sangkahna-ah nitak nai (1) in sangtuak uh hi; inn a tun ciangin biakinn ah pai suak hi. Thu kigente a tel loh hangin a theihzawh nadingin hanciam hi. A neulai-in zong Sabbath ni kikhawm den ahih manin kikhop pen nuamsa mahmah hi.

Kikhawm nuam ahih manin a sang pai lo zel hi.  Kha khat khit ciangin amah sangin a u zaw kum 13 a pha khin Oksana zong kikhawm dingin va zawn hi.  Oksanna zong thukimin a nihun kikhawm dingin biakinn hong pai uh hi.

 A nu in a tate kikhawm amuh ama’n zong va zui nuam hi.  Naupang dangte in kikhawm pai nawn lo ahih man in a nu zong kikhawm nawn lo hi.  Pawlpi mi kimkhat in Yelena hong kikhopna lohna thu hong phawk hi.  

Yelena in “ Kidona Lianpi Laibu” sim tawntung hi. Yelena in lawmnei-in biakinn ah kikhop pen nuamsa mahmah hi

Sabbath ni khat nekkhawm nei uh a, a nu in Yelena kiangah hong pai-in thudot khat nei hi.

 “Nang kituiphum khin maw,” ci-in va dong hi. Yelena in kituiphum ding a ngaihsut sawt mahmah khin a, Jesuh tungah a nuntakna buppi ki-ap dingin ngaihsun hi. Tui kiphum ni ding hong tungin tui kiphum ding hi tal hi. A kituiphumin ah a tui vot mahmah hi. A kituiphum a kipan Sabbath ni sangkah nawn lo hi. A nu in sangsiapa kiangah laikhak a, Yelena in biakinn ah kikhawm a Pasian a bia dingin ngen hi. Sangsiapa in phal a, ahi zongin Yelena in a lawmte laisinte a nungzuih kik kul ding hi.

Tu-in Yelena in Sabbath ni a sangkah ding buaina nei nawn lo hi. A khua panin tai 600 bang a gamlatna Zaoksky ah Adventist pawl sang khat om hi. Hih sangah sangkah hi; sangsap ding nei lo a, pawlpi mite khat in a sangsap ding huh hi. Tu-in Yelena in kum 16 cingkhin a, Tan 10 sim hi. Hih Adventist sangah pilsin pen nuamsa mahmah hi.

Sangsiate in thudikin sangnaupangte hehpih uh hi.

 Tu quarter Sabbath School 13na sumpi in Zaoksky Christian Sang puah nadingin kipuak ding hi. MUC in Rakhine gam, Lanmadaw khua a pawlpi huang puah nadingin kipuak ding hi.