December 4, 2021

 Junior leh Stephanie in Pasian Masak Ding Khentat

 Junior leh Stephanie Roberts  in Jamaica gamah teeng uh a, ansai nei uh hi. Pasian tungah a kipia mahmah nupa hi-in, a kiteen khit uh kha khat khit ciangin kituiphum uh hi. A nasepna uhah Pasian masak dingin khentat uh hi. Hih ansai ah shellfish leh zu khawng mahmah hi taleh sa siang lo leh zu zuak nawn lo dingin khentat uh hi. Sabbath  ni-in zong sai khak uh hi. A lawm a gualte un bangbang gen taleh Pasian mah masak dingin kalsuan uh hi.

Nasepna-ah Pasian a masakna uh hangin hamsatna lianpi thuak uh hi. Sum lut om mel lo hi. Zu zuak lo, sa siang lo zuak nawn lo ahih manun amau ansai ah mi kuamah pain awn lo hi. Tua banah Sabbath ni ansai khak uh hi. Ahi zongin lungkia lo, Pasian makaihna phawk uh hi. Tu-in nasepna mavangin innkuan nuamsa suak uh hi.

Ellen White in hih bangin gelh hi: “Leitung mi tampi leh pawlpi tampi in Pasian thukham palsat uh hi. Sapi bia-in ama ciaptehna nei mite tungah vau hilhna thu gen un. Mi khat peuh in ama tal tung ahih keileh a khut tungah sapi ciaptehna a neihleh  tua mi in Pasian hehna  hai a dawn mi hi ding hi” Pasian Sabbath siangtho a palsat mi in hamsiatna thuak ding hi. Tawmno sung nopsakna khenglah dingin bangin hong kai hiam? Nangma nopsakna in Jesuh kiang pan a hong khenkhia hiam? Leitung sum le paai in si le sa nopsakna sung a hong tunpih hiam? Mi tampi in Jesuh leh thuman thei lo-in a nuntakna uh bei hi. Hih in bang tanvei sawt ding hiam?

Mi khempeuh in a nungta upna kisam hi. Tua upna in itna tawh sepna hi ding a, a hong hahsiang hi. Mihing in ama si le sa deihna zui-in Jesuh aa dingin sepna nei mel lo uh hi. Siatna sung om mi tampi in thuman thei nuam uh hi. Counsels on Stewardship, 51).

Junior leh Stephanie in Pasian masak ding sittelna thuak uh a, na khempeuh tungah Pasian masak uh hi.  Jesuh in a hong hotkhiat nadingin na khempeuh nusia hi. Ama hong itna in Amah masak ding hongkai hi.