Na khempeuh tungah Pasian na Masak
Manin
Lauhuai-na, lunghimawhna om taleh na khempeuhah Pasian na masak hiam? Pasian na masakna hangin Pasian hong makaihna na phawk hiam? Jesuh na muh masakin na tuah thute na phawk hiam?
Jesuh
i theih masakin Amah itna lianpi i nei hi.
Bangbang piang taleh Ama nungzui a, na Kumpi dingin na koih hi. Sabbath
siangtho takin na zat nadingin nangma deih na nial kul hi. Na upna tawh kizui-in annek tuidawn, laisim a
kipan, video etna, la ngaihna khempeuh in Pasian thuzuihna tawh kituak ding
kisam hi. Internet hoih lote na nial kul hi. Thunget hun tampi na lak kul
hi. Leitung i nuntak hun sung in sawt lo
hi. Topa na itna a kiam ciangin mawhna in hong susia ding a, mawhna hangin
kisuanna tawh na kidim ding hi.
Na itna masa na ngah kik ding hiam?
Pasian leh Ama aa dingin na sum, na hunte na zat ciangin, tuate in a manpha hi
bek a, Jesuh tungah na ki-ap keileh tua nate in a mawkna suak lel ding hi. Koi
bangin na lungsim khempeuh Topa tungah ap ding na hiam? Jesuh in hih bangin
hong hilh hi: “Nget in a nek theihna mun, gutate in a buluh theihna munah na
sum na paaite uh koih kei un. Vantungah na neih,na lamhte uh khol zaw un. Tua
munah ngetin nei thei lo, guta in gu thei lo hi” (Matthew 6:19–21).
Hollywood in hong huzaap manin eima
deihna i masak kha zel hi. Tua ahih manin na hoih thei napi-in kisem lo kha zel
hi. I lungsim khempeuh inm, vantung
vankholna, Pasian leh Ama gam aa dingin kipia hileh sawmah khat leh sumpi piak hamsa ngaihsut a om kei
ding hi. Itna masa i neih kiknop leh tuni-in Topa tungah sawmah khat leh
sumpite amah ap kik in. Topa tungah citak in. Ama kammal simna hun zang in. Ama
nasepna-ah kihel in. Cimawh gentheite huh, panpih in. Tu mahmahin kipan in. A
sawt lo-in Topa na itna hong khang ding a,
Jesuh nung na zuih hamsa na sa kei ding hi.
“
Na sum omna munah na lungsim zong a om ding hi. Na dangte sangin Pasian masak
zaw in. Jesuh in eite a hong hotkhiat
nadingin na khempeuh nusia hi. Ama hong itna in Amah i masak ding hongkai hi.
