December 11, 2021

 

Fernando in Pasian masak ding Khentat

 Dr Fernando in Brazil khuapi Brasilia khuapi ah siavuan khat hi. Mongolia gama Adventist missionary nasemte video a etkhakna tungtawnin pawlpi thu hong thei hi. Amah mah in missionary ding ut a, ahi zongin Brazil gama a nasepna hangin hamsa sa hi.

A zi tawh kikum uh a, a zi in sumpi khiat khan ding kithukim uh hi. Tua bangin sumpi piak ngei sangin tam a piak zawk manun hamsat tuamtuam thuak uh hi. Ahi zongin a sawt lo-in nuamna tawh kidim uh hi.

Kha 6 khit ciangin Mongolia gam pan video kikhak enkhawm uh hi. Fernandote nupa kipiakna hangin a lungdamna thu uh pulaak amuh uh ciangin lungdamna lian semsem hi.

Ellen White in hih bangin gelh hi:  “Neih leh lamh, sum zatna i khiap hun hong tung ding hi. Vantung sumkholna sungah sum khol na hat nading hi. Ngah nopna lungsim tawh pia hi lo-in piak nopna lungsim tawh piakna kisam hi. Pasian in hong kepsak nate Topa aa dingin zangsiam in. Na khempeuh sangin Pasian itna lianpen a, nang na ki-it bangin midangte a it na hihleh Pasian nasepna-ah kihel ding a hamsa a hi kei hi. A mangthang mi tampi in hotkhiatna ngah ding a, Jesuh tawh nasemkhawm na hi ding hi.

          Pasian min a thangsak dingin Ama thupha tampi na ngah hi. Kha Siangtho in hong makaih henla, Topa Kammal itin, a hong makaih ding hi. Kha Siangtho hong makaihna na mu ding hi. Tu hun biakna in khe bai bang hi. Bang hang hiam cihleh si le sa deihna nial nuam lo uh hi. Topa tungah ki-ap nuam lo uh hi  (Counsels on Stewardship, 51).

          Fernando leh a innkuanpihte in na khempeuh tungah Pasian masak hi. Jesuh in eite a hong hotkhiat nadingin  na khempeuh nusia hi. Ama hong itna  in Amah masak ding hongkai hi.