Abram La Rue in Pasian a Masak Manin
Abram La Rue in teek khin taleh Pasian masak ahih manin missionar dingin kuankhia zo veve hi. Pasian i masak zawh nadingin ama tung pan etteh ding thu om hi lo hiam?
1883 kumin Abram La Rue in kum 65
cingkhinin tuucing nasep leh singat nasep sem hi. Ama teenna California panin
hotkhiatna thu puak dingin China va pai hi. General Conference tungah phalna
lai a gelh ciangin teekta lua teh,ci-in kidawng kik hi. Tham lo-in
sum om kei ci uh hi. Ahih hangin La Rue
in pai veve ding ngaihsun a, tembaw tuangin zin khia hi. 1888 kumin Hongkong va
tung hi. Kum 14 sung laibu zuak hi. 1888 panin 1902 ciang dong LaRue in amah
kia-in nasem hi. February 2, 1902
ciangin Brother and Sister J. N. Anderson leh Miss Ida Thompson hong tungin
nasep huh thei uh hi. A sawt lo-in La Rue nasepna tungtawnin mi 9 kituiphum hi.
Tua kipan China gam sungah Tulai Thuman kizelh kipan hi.
LaRue pen Khrih nungzui kician khat hi.
Thungetna leh biakpiakna citak mahmah hi. A lungduai-in mi hehpih hi. Amah
kia-in kum 14 sung nasemin kuama huhna ngah lo hi. Hamsatna thuak taleh LaRue
masak tawntung hi. A sihma deuhin a nasep khempeuh China gamah Pasian nasep
nadingin pia khia ding cih pulaak hi. Itna nei ahih manin na khempeuh pia hi. A
sih ciangin kum 15 sung a nasepna khuapi Hong Kong kivui hi. China gam a va pak
ngei loh hangin ama nasepna panin a gahte
in China gam nasepna dingin lampi honsak hi.
Jesuh
in hong it manin na khempeuh hong pia hi. Ama hong itna in Amah masak dingin
hongkai hi.
