John Andrews in na khempeuhah Pasian a
masak manin
John Andrews in siamna nei khat hi-in neih le lamh hau, huzaap nei mahmah khat hi. Leitung nopsak nading sangin Pasian masak zaw ahih manin “ Tulai Thuman” nasepna-ah kipiakkhiatna tawh nasem hi. Ama nunzia i etteh ding tampi om hi.
John Andrews siamna tuamtuam nei hi.
Kum 13 a phakin kikhelin Jesuh Honpa-in sang hi. A neutung a kipan Lai Siangtho
itin amah leh amah in hanciam tawmin Greek, Hebrew leh Latin sin hi. Sabbath
thuman amuh ciangnin hih thuman hilh ding hanciam hi.
Seventh-day Adventist Pawlpi upna
guipite kaikhopna nei hi. Pasian masak
ahih manin a siamnate a cianlai pawlpi
aa ding leh genkholhna thute pulaak kawikawi hi. Pawlpi in Europe gamah
missionary dingin amah paisak hi. A zi in nusia taleh Pasian sapna nial lo-in
Europe gamah va pai hi. Gentheihna, natna thuak ding kihta lo hi. Bang bang
hamsatna om taleh mainawt hi.
1874 kum ciangin a tate nih Charles leh
Mary tawh Europe gamah hong pai uh hi. A tate in mi tampi pahtak ngahin
Switzerland ah laihawm tuamtuam endiksepna, laitei-na leh leitung mun
tuamtuamah missionary journal, Les Signes des Temps—The Signs
of the Times, cih hawmkhia hi.
1878 kum ciangin John Andrews in Mary
tawh General Conference khawmpi vasiim a, Mary in awm nat nei ahih manin Battle Creek
zato ah va kilak uh a, TB nei hi sam lo hi. Amah kia bek Europe ah om in a pa
Charles laikhak gelh a, “I kikhen hun pen tomno khat sungin hong bei ding a, a
sawt lo-in i kimu kik ding hi; tua hi-in lungkia kei in. Thungetna ah ka hong
phawk hi, ci-in lai kikhak uh hi.
John Andrews in Mary lupna gei-ah cina
khoi-in om a, kum 17 a phakin a pa nusia
hi. Tua khit ciangin Andrews in Europe
ah va pai kik hi. Amah zong a sawt lo-in TB natna tawh si hi.
John
Andrews pen Adventist pawlpi sungah mipil masa khat hi. Ama nasepna hangin
pawlpi nasepna in tangzai mahmah hi. Tu-in SDA pawlpi in gam 207 valah om a,
pawlpi 162000 val pha hi. John Andrews nasepna hangin lungdamna lian hi. Tua
bangin nasep lianpipi a sep theihna a hangin na khempeuhah Pasian masak tawntung
hi.
Jesuh
in eite a hong hotkhiat nadingin na
khempeuh nusia hi. Ama hong itna in Amah masak dingin hongkai hi.