James leh Ellen White in Pasian A Masak Manun
James leh Ellen White in khangno mahmah lai uh a, na khempeuhah Pasian masak uh hi. Tua bangin na khempeuhah Pasian a masakna hangun gentheihna tampi tuak uh a, ahi zongin nungkik lo uh hi. Amaute nunzia panin i nuntakpih ding bang thu a om hiam?
James White in 1843 kumin tuiphum
theihna kipia hi. Tua laitakin Kumkikna a lamen thu-um mi 1000 valbang pha uh
hi. 1844 kum ciangin Jesuh hong kumkik
ding hi, ci-in thu hilh kawikawi uh hi.
Ellen in a naupaanlai-in liamna khat
tuak ngei hi. A innkuan in ngeina sangin Lai Siangtho thuman up ding ngaihsun
zaw uh hi. Ellen White-te innkuan in Pasian masak ahih manin khua sung panin hawlkhiat thuak uh
hi. James leh Ellen in October 22, 1844 kum lungkiatpi khit 1846 kumin kiteeng uh hi. White in Pasian a
masakna hangin kum 6 sung inn nei lo uh hi. A nu le pa, a lawmte inn ah giak uh
hi.
November 1848 kum ciangin Ellen White tungah
mangmuhna khat kilaak a, tua thu James in lai tawh hawmkhia pah hi. Tua hunlai-in laihawm in sum tam bei mahmah
hi. Ahi zongin na dangdangte sangin
Pasian a masak zawkna uh hangin laihawm hanciam uh hi.
1849 kum kipat ciangin James in laihawm
khat nei a, “ Tulai Thuman” cih minvawh hi. 1850 kum ciangin Review and Herald
min tawh laih uh hi. Mi tawmno khat ahih hangun Lai Siangtho limtak kantel uh
hi. 1863 kum ciangin General Conference of Seventhday Adventists zumpi kipan uh
hi.
James White in na khempeuhah Pasian
masak hi. Tan 10 kah lo ahih hangin journal 4 bang hawmkhia a, laibawlna inn
nih leh college khat pankhia hi. Tu-in Andrews University hi. Amah in kipawlna pankhia a, pawlpi makai banah
Pasian phatna labu zong bawl hi. A hun
awng ngah sungin inn mun zuaksak nasep semin, nursery nei-in, la tung tuangin
Texas Ellen White in muhkholhna
tampi nei-in Lai Siangtho simna leh Adventist Pawlpi khantoh nading geel hi.
Tua bangi nasep a lawhcin nadingin kipiakkhiatna kisam hi. A tate nih in a
nusiat hangin James leh Ellen White in a nasep uh nusia lo hi.
James leh Ellen White in na khempeuhah Pasian masak
tawntung uh hi. Tua dingin kipiakkhiat
kisam hi. Amaute in ei tha hong gua hi. Jesuh in eite a hong hotkhiat nadingin
na khempeuh nusia hi. Ama hong itna in Amah masak dingin hongkai hi.
