Judas in Pasian Masak Nuam Lo
Pasian i masak ding pen hamsa hi. Judas tungtawnin Pasian masakna leh a masak lo thu i et ding om hi.
Nungzui dangte in Judas pen nungzui
kicing khatin ngaihsun uh hi. Amah pen theihna kicing nei, siamna nei khat hi.
Amah in Jesuh pen kamsangte genkholh Messiah hi, cih um hi.
Ahi zongin Judas in Jesuh nungzui nuam
hi. Tua bangin Jesuh nungzui leh Pasian
gamah panmun sang khat ngah ding cih lametna nei hi.
Ellen White in hih bangin hong gen hi:
Honpa in laisim bangin Judas lungsim sim
hi. Pasian hehpihna in honkhia ding ahih
keileh Judas in siatna sungah kia ding hi. Jesuh in Judas tawh nisim a
kizopna-ah kal khat khit kal khat angsung nial itna tawh zol den hi. Judas in a lungsim kongkhak a hon hileh
angsung zonna nusia zo ding a,
vantunggam nasem khat hong suak ding hi. The Desire of Ages, page 294.
Pawlpi
khangtoh nading leh mimal khantoh nadingin mi tampi in siamna leh hihtheihna
tuamtuam tawh kidim uh hi. Judas bangin angsung deihna tawh kidimin Jesuh nung
a zuizui ihi kha thei hi. Judas in sumkem hi. A lamdangin kikhelna nei thei hi.
Sawmah khat leh sumpite-ah Pasian i masak ding kisam mahmah hi. Amah i masakna tungtawnin Pasian in i nunzia
a hong khel ding hi.
Judas bangin eite in zong Jesuh nung a
zui ihi hiam? Vantung hauhna luahnop manin Jesuh nungzui ihi hiam? Ahi zongin
Lai Siangtho in hauh nadingin vantung
deihna nei ding hong hanthawn lo hi. Judas in Jesuh nungzui dingin a kut
ciangin Jesuh in “Ngia in a giahna kua nei hi. Vasate in bu nei uh hi. Ahi
zongin Mihing Tapa in a lutang ngak
nading mun nei lo hi, ci-in dawng hi (Matthew 8:19, 20).
Judas in Jesuh a nial takteh amah leh
amah kigui-awk suak hi. Ama lungsim puak zo nawn lo ahih manin a nuntakna
beilawh hi. Sum in mannei lo ahihlam phawk hi. Dangka tang 30 in ama aa dingin
samsiatna hong suak hi.
Na khempeuhah Amah i masak dingin Pasian
in hong sam hi. Angsung deihna nialzo a,
sum itna zawh leh bek sum in Pasian
kiang pan thupha hi. Judas in Pasian a
masak ding nial hi. Pasian a masak lohna hangin a kibawl pha thei nawn lo
kisiatna ama tung leh a kim a paam mite tungah hong tung hi.
Pasian hong itna in Ama gam masak
dingin hong kai hi. Judas nunzia in tuni aa dingin vauhilhkholhna hong suak hi.
