Tuikhuk
Sung pan Suakta
November
7, 2020
Sheelamma pasal in gilpi natna hangin kum 30 a phakin a zi sihsan hi. Sheelamma in kum 20 pha panin a tapa kum 5 hi pan hi . Hihte nuta in Bengaluru khuapi pan tai 185 kigamla khuano Bellary ah teeng uh hi. Cimawh genthei lua ahih manin a sanggamnu tungah a bilbah, zungbulhte pia hi. “ Mi khat kiangah va hawh dih ning. Kong din kik mateng ka tapa na kepsak in” ci hi. A taktakin Sheelmamma in ciahkik a sawm nawn lo hi gige hi. A khuavengte khatah va pai-in, tuikhuk khat sungah tuahsuk dingin ngimna nei hi. Ahi zongin tua tuikhukah tuitawi ding mi khat hong pai-in, tuikhuk sungah om va mu uh hi. Khuapihte samin kaikhia uh hi. Mi khat in khau khia sukin kaito thei sam uh hi. Meigei-ah a ci lumsak kik in puan silhsak uh hi. Tawl khat khit ciangin hong khanglo kik hi. A khua phawk ciangin a gei a om mite hehlua uh ahih manin tai gawp uh hi. “ Bang hangin ka khua uhah hih bangin gamta na hiam? ci-in dong uh hi. “ Na khua-ah si zaw lecin hoih zaw ding hi” cihsan uh hi. Tua mite in Sheelamma thu thei-in tapa khat nei ahihlam thei uh hi.
“ Tapa khat nei-in bang hangin nang le
nang kithahsawm na hiam, nek ding na neih keilehzong khutdawh ngenin ka kivaak
thei hi, ci-in gen uh hi. Tua khua mite
in Sheelamma khua-ah va ciahpih kikin a
sanggam nu innah va tun uh hi. Sheelamma in tua munah om nuam lo hi. Nuntakna thak khat lunggulh hi, ci. Kha khat khit ciangin Bengaaluru ah meileng
tawh khual va zin khia hi. Hih khuapi sungah kuamah theih nei lo hi. Meileng
khawlna panin mite in ciah kik dingin gen uh hi. “ Khangno lai hiteh, tapa zong
nei, Bengaluru pen lauhuai hi, migilo tam hi” ci-in a khua ah ciah kik dingin
hanthawn uh hi. Sheelamma in a khua-ah ciah kik ding pen ngaihsun thei lo hi. “
Ka ciah kik kei ding hi, ci hi. Tua leh
auto-rickshaw hawl khat in cathedral, RC biakinn khatah va puak hi. Sheelamma in
tua biakinn mai-ah kapin a pasian tungah kiko-in thungen hi. A gei khatah postcard
khat mu-in tua tungah Topa Jesuh lim tuang hi. Sheelamma pen Khristian thu-um
mi hi lo hi. Ahi zongin Jesuh mel thei hi.
Tua amuh Jesuh lim hopihin “ Nong huhkul ding hi,” ci-in pulaak hi. Tawl khat khit ciangin tua biakinn huang sung
pan nupi khat hong pusuak khia-in annek ding hong tawi hi.
“Na khua ah va ciah kik in,” ci-in kisawl
taleh, “ Kei pen meigong khat hing, tapa khat nei ing, nasep ding khat hong
guan in,” ci-in ngen hi. Mi tampi hong
pai-in huhna hong ngen uh hi. Hong huh zo kei nung,ci-in dong kik uh hi.
Sheelamma leh tua nupi nu a kiho kawm
laitakin a gei a pai mi khat in za-in, Shelamma tungah “ Bang hangin kap na
hiam,” ci-in dong hi. Hih nu in Shelamma tangthu a zak ciangin hehpihhuai sa
ahih manin a inn ah samin nasep ding pia hi. Tua bangin a nasepna inn khat in
SDA pastor innkuan khatah va sem kha hi. Ni khat pastor in laigelh thei hiam?
dong hi. Laipai thei lo ahih manin
pastor in Shelamma laipai hilh hi. Damdamin Shelamma in Lai Siangtho sim thei
a, Sabbath ni ciangin biakinn ah kikhawm uh hi. Jesuh thu um khat hong suak hi.
Tua pastor pen Mumbai ah kituah dingin
hong pai khia uh hi. A dang pastor khat hong tungin pastor thakpa in zong
Sheellamma Spencer sanginn ah nasep khat
guan hi. Shelamma in hih sangah kum 34 sung nasemin 2004 kum ciangin nasep
khawl hi. Bangmah lo panin Pasian in hong lamto-in pawlpi hong guan hi. Topa
tungah ka lungdam hi, ci-in Pasian min phat hi.
Tu quarter Sabbath School 13na sumpi
in Bengaluru khuapi-ah biakinn nih kilam nadingin kipuak ding hi.
MUC in Tuikhal
sanginn puah nadingin kipuak ding hi.
