“Na
Damkik Nawn Kei Ding Hi”
October 10, 2020
Kubera,
31
Ka nulepa in India gam khuano khat pan khangkhia uh hi. Anihun Khristian innkuan sung pan khangkhia hi lo uh hi. A kiteen khit uh ciangin a nihun Bengaluru khuapi-ah kituah uh hi. Ka pa in hih khua-ah palik bu nasep sem hi. Ka nu in a naupaai cil lel mahmah hi. Ki-atin nausuak a, ka nu nungta zo nawn lo dingin siavuanpa in gen hi. Ka vekun ka dah uh hi. Tapa khat hong suakin amah ahihleh melhoihin a cidam hi. Zato lum khatin na “Tapa a meel hoih lua,” ci-in pulaak hi. Kei man ka na kem ding hiam, ci-in dong hi. Siavuanpa in “ Kei man kemning ci hi” “Nang pen nungta nawn lo ding hiteh”.
Khristian thu-um nurse Sarala in a nu
tungah na lungkia sak kei in. A vanglian Pasian khat om hi; Amah in nang hong
huh ding hi; Ama min Jesuh kici hi, ci-in thapia hi. “ Jesuh na up leh na
khempeuh a hong zawhpih ding hi.” “ Ken tua Pasian thei kha keng, nong huh thei
ding hiam? ci-in dong kik hi.
A nu in limtakin ihmu hithiat thei hi.
A ihmut sungin a lutungah Sarala in a khutnga-in thungen hi. Kuama lamet ngam het lo-in a nu in cidam
takin ni thum khitteh zato pan innlam zuan thei hi. A nu in Sarala thungetna
limtak ngaihsun kikin, Jesuh in ka nuntakna hong honkhia hi, ci-in a lungdamna
pulaak hi. Tua akipan Jesuh bek bia dingin khentat hi. Ahi zongin a kikhop nading biakinn mun mu zo
lo hi. A pa in Seventh-day biakinn ah va paipih hi. Amah pen Khristian thu-um
mi ahih loh hangin tua khua sung leh a kimlepaam a Khristian pawlpi tampi thei
hi. Tua leh a lawmte khat in Seventh-day Adventist pawlpi simloh pawlpi
man om lo hi. Amau bangin Lai Siangtho a zui pawlpi om lo hi,” ci-in pulaak
hi. Hih biakinn in Jesuh a kibiak nading
mun hi, ci-in pulaak hi.
Tua khit kum 14 sungin a nu in ta
sagih neihbeh hi. Tu-in a ta u pen in
India union khatah president sem hi. A
tapa nihna in Ireland gamah pastor sem hi. A tapa thumna pa in Bengaluru
khuapi-ah pastor sem hi. A tanu thumte in biakna sangah sangsia sem uh hi. Aneu
pente gel pawlpi mi citak mahmah suak uh
hi.Kei pen a tum pen ka hi hi.
Ka nu in ta a neihcilin siavuante in a
nungta nawn lo dingin pulaak uh hangin, ka nu in Jesuh umin a thungetna hangin
ta giat bang Pasian in pia-in tuni dongin Adventist thuman sungah nungta hi.
Tu-in ka nu in kum 72 pha-in cidam mahmah hi. Tu giat bang nei hi.Ka neutung a
kipan ka nu in Pasian kammal hong hilh
den hi. “ Nu in a nawine naungek mangngilh zo ding ahi hiam? Mangngilh kha ding hi; ahi zongin keimah in
note ka hong mangngilh ngei kei ding hi.” ( Isaiah 49: 15). Ka nu in upna kip
nei ahih manin ka innkuan buppi-in Jesuh tawh kalsuankhawm thei hi.
Tu quarter leitungbup Sabbath School 13na sumpi in Bengaluru
khuapi sungah biakinn nih kilam nadingin kipuak ding hi. Hih khuapi-ah Kubera
leh a nu teeng uh hi.
India
gam pen leitungah mangpau kizatna mun lian pen nihna gam hi. Kizopna communication ah khangto mahmahin
2017 kum in leitungah smartphone a zang kitampenna mun hong suak hi. India pen
leitungah democracies gam lian pen hi. India gam sungah Muslim biakinn 300000 val om
hi. Leitungah m uslim
biakinn a tampenna gam hi.
Bengaluru khuapi sung mimal 2500000
val teeng hi.
