LESSON 6 Oct 31–Nov 6

37

LESSON 6       Oct 31–Nov 6 

A LIANPEN LAIHILHSIA TUNG PAN KA SIN DINGTE

 

Sabbbath Nitak

Tu Kaal sung sim ding: Pian. 3:1–11;Rom. 5:11–19; Pian. 28:10–17, John 1:1–14, Matt. 15:21–28, Mark 10:46–13 52.

KAMNGAH: “ Tua ciangin Jesuh in, “ Na ciah thei ta ding hi; na upna in nang hong damsakzo hi,” a cihkhit phetin amah in khua mukik theipah a, tua a pai-na lampi-ah Jesuh nung a zui hi.” Mark 10: 52.

A maizum ngei lo i om hiam? Mi hong theih ding na deihloh nangma khialhna nangmah in gimna na thuak a om ngei hiam? Mi a tam zaw in tua bang i tuakkha zel hi. Adam leh Eve in nek dingin kiphal lo singgah a nek uhteh bang thu ngaihsunin na um hiam?

Ahihkeileh Jacob in a u pa ngah ding thupha a deih manin a pa khembawl-in, a sanggampa kiang pan kihemkhia-in taimang hi. Koi bangin zan khuamial sungah ihmu hiam? A mawh laitakin kaihkhiat thuak numei nu lungsimah bang a om diam? (John 8:4). David in zong tua bang khialhna sung tung ngei hi. A lunggimna leh mawhmai a lunggulhna Late 32 sung thu in a dinmun ngaihsut in. Khrih hong sihna leh hotkhiat lungdamna thu in mi khempeuh aa        ding hi. Mi khempeuh in bangbangin kilamdanna nei ciat hi mah taleh mi khempeuh i kibatna khat in mawhna nei vive ihi hi. Tua hi-in Khristian pilsinna mantakin mawhna panin suahtakna lampi a hong hilh tawntung hi. A Lianpen Laihilhsia, Topa bek in mawhna sung pan suahtakna hi, cih tu kaal sung thusinna hi ding hi.

SUNDAY         November 1

BUCIP LO ZAW 

Pian. 3:1–11 sim in. Bang hangin Pasian in Adam tungah “Koi-ah om na hiam” ci-in dong hi ding hiam?

_______________________________________________________

________________________________________________________

Mawhna kipatna tangthu a gen kimkhat in tua singgah in apple hi, ci uh hi. Ahi zongin Lai Siangtho singgah min pulaak lo hi (Pian. 3:3). Bangbang singgah hi taleh tua in a thupi hi lo-hi. Nekloh ding singgah nekna in khiatna nei hi. Pasian leh a thupiak langpanna hi-in tua in: “Kei le kei nungta thei ning. Kei le kei mah in Pasian hi-in, Pasian Kammal tungah thuneihna ka nei hi,” cih limcing hi. Adam leh Eve in “Gulpi’ sawl bangin tua singgah a nek uhteh amau nunzia a ngei bang nawn lo hi. Amaute lam zuan in Pasian a hong pai takteh Adam leh Eve in huansung singkungte lakah bucip uh hi (Pian. 3:8)

Pasian in Adam aw “ koi ah om na hiam” ci-in a dot pen tuampiak hi. Pasian in Adam omna mun thei hi. Adam leh Eve in nek loh ding a kikoih singgah a nekna hangun tu-in a dinmun a phawk nading deihna-in thudong hi.

Romans 5:11–19 sim in. Paul in Adam thupalsatna leh singlamteh tungah Jesuh a hong sihna in a thu kizom ahihna bangzah vei pulaak kikkik hiam? Jesuh in Adam thuman lohna a beisak dingin a hong pai ahihlam bang hong hilh hiam?

 ______________________________________________________

_______________________________________________________

 

Pasian hotkhiatna in mimawh Adam leh Eve suahtakna hong suak hi. Amaute mawhna hangin Pasian mai-ah a zumsel nadingun bucip uh a, Pasian in amaute zumna pan-in honkhia hi. Eima deihna zui-in kalsuan ciangin Pasian tawh kigamla hi lo i hiam?Amah tawh a nungta khawm dingin Jesuh in tua mawhna sung pan eite a hong honkhia hi. Koi-ah om na hi uh hiam, cih dotna in mimal khat tungah zong a hong kidong dotna khat hi. Mawhna, maizumna sung pan a hong hotkhiat nading, Amah tawh kizop nadingin Jesuh in bang sem hiam?

Bang hangin Khristian pilsinna khempeuh in Pasian tawh kigamla-in, Amah kiang zuatkikna lampi Jesuh a hong hilh siksan ding kisam hiam?

 

MONDAY                November 

PASIAN KIANG PAN TAIKHIA

 

Pian. 28:10–17 sim in. Bang thu piang hiam? Mawhna sung a nungta mite adingin Pasian hehpihna bang hong hilh hiam?

Jacob in a nu panpihna hangin a innkuanpihte tawh kizopna-ah zuau thu tawh nungta hi. Tu-in a zuau khemna gah a ne hi ta hi. A sanggampa thaangpai-in a hehna hangin Jacob in a pu teenna Haran gam zuanin galtai mi khat hong suak hi. Buai-na tawh kidimin a lauhuai dinmun hong tung hi.

A khualzinna-ah ni khat gimin tawlin khuamialin khuazan ding hi ta hi. A zuatna mun tung nai lo-in gam simtham lakah om hi. A lukham ding suangtom khat zangin ihmu hi. Ihmucip thei lo ahih manin ak ihmu bang hi. A ihmut sungin mangmanin tua a mang sungah van le lei kikaalah kahlei khat mu hi. Tua kahlei tungah vantungmite a tuaksuk a kahto mu hi. Tua leh amah a hopih awging khat in “ Keimah in Abraham Pasian, Topa ka hi hi,” za hi. A aw zak in tua kamciamte pulaak kikkik hi. “ Na suan le khakte in minam lian suak ding uh hi. Amaute in leitung minamte adingin thupha hi ding uh hi. Nang ka hong ompihna thei in. Na paipai-na mun khempeuhah nang tawh ka hong omkhawm ding hi. Na tungah ka kamciamte a tangtun matengin nang ka hong nusia ngei kei ding hi,” ci hi(Pian. 28:15).

Hih thu Paul pulaak siksanin Ellen G. White in hih bangin hong hilh kik hi: “Jacob mangmatna sungah kahlei in Khrih limcing hi. Khrih in leitung leh vantung kizopna hong bawl, ciangtan nei mihingte leh ciangtan nei lo Pasian kizopna hong bawl hi. Jacob in amah a huh PA tungah Abraham a kipan kamsangte a kipiak thute a ngaihsut ciangin nuntakna a ngahna Pa tungah a upna hong hingkik hi. The Acts of the Apostles, p. 512.

Jacob in a ihmutna pan khanglo hi. Jacob in “ Ken ka theih khak loh hangin Topa in hih munah om taktak hi,” ci-in amah le amah kiho hi (Pian.

28:      16, 20). Hih munah thupiang in lamdang hi. Jacob in tua mun mangngilh ngei lo-in tua mun minphuah hi. Tua khit ciangin Pasian tungah a tawntungin citak dingin kamciam bawl hi.

Mawhna tawh kidim hi mah taleng Khrih sungah hotkhiatna a hong pia Pasian zia le tong ngaihsun in. Bang hangin hih thu Khristian pilsinna in siksan bulpi–in koih ding kisam hiam?

 

TUESDAY               November 

RABBI JESU

 

Thuciam Thak sungah John 1:1 “ A kipatcilin Thu a om hi. Thu in Pasian tawh a omkhawm hi. Tua Thu in Pasian ahi hi” cih thu sangin a kithei kim zaw a dang om lo hi. Tua ban zomah John in “Thu in mihing hong suak a, eite lakah hong teengin eite in am minthanna i mu hi. Tua in Pa in khat bek a neih a Tapa a piak minthanna hi a, hehpihna leh thuman thutak tawh a kidim hi” (John 1:14).

John 1:1–14 sim in. Jesuh in kua hi-in tu-in bang sem hiam cih hong hilh hiam? Jesuh in laihilhsia khempeuhte etteh thamcing ahihna bang hong hilh hiam?

Eden huan a Adam leh Eve a hopih Pasian mah in a cimawh galtai Jacob hopih hi. Tu-in tua Pasian in mihingin hong piang hi. Thuciam Thak sungah Pasian in Jesuhin hong piang hi, ci hi (God was personified in Jesus) Jesuh tungtawnin Pasian deihna leh Ama lampi i theithei hi. Banghang hiam cihleh Jesuh in Pasian hi. Tuiphum John in vanglian takin thuhilh ahih manin Jerusalem pan biakna makaipite in a lamdang honkhia pa dingin ngaihsun uh hi. Ahi zongin John in kei sangin a zaw mipa pai nadingin lampi bawlkhol ka hi hi, ci-in dawng hi. Tua zahin mihonpi in lamdangsa-in amuh uhteh Tuiphum John in Ama khedap khau sutsak ding nangawn-in zong ka kilawm kei hi,” ci-in pulaak hi (John 1:27). A zingsang ciangin John in Jesuh hong pai mu-in “ En un Amah in Pasian Tapa hi, ci-in pulaakin tua ni leh tua ni khit ciangin, “Jesuh in Pasian tuuno hi, ci-in pulaak hi. Tua banah Tuiphum John nungzui nihte in Jesuh nungzui ding khentat uh a, Jesuh in amau tungah “ note in kua mu dingin zong na hi uh hiam,” ci-in a dot ciangin amaute Jesuh pen “Rabbi” ci-in hopih uh hi. Rabbi a khiatna in Laihilhsia cihna hi (John 1:38).

Jesuh in Rabbi hi; Laihilhsia in Amah bangin laihilhsia kuamah om lo hi. Bang hang hiam cihleh Amah in Pasian hi. A tuamin genleng Pasian in mihingin hong piangin rabbi a hong om hi. “Leitung in amuh a lian penpen laihilhsia in Jesuh hi” (Ellen G. Q White Signs of the Times, June 23 10, 1886).

Jesuh in kua hi, cih ngaihsun kawm-in bang hangin Ama tung pan upna thuhilhsia a hoih pen kingah thei hi ding hiam? I gen thute in thuman hi a hi ding thupi banah i sep i bawl, i gamtatna khempeuh in thuman ahi ding thupi ahihna Jesuh in bang hong hilh hiam?

 

WEDNESDAY                         November 4

NUMEI KHAT IN DAWNGKI

Jesuh in A Lianpen Laihilhsia hi. Ama nunzia leh Ama thuhilhte in Pasian zia le tong mantakin hong hilh hi. Tua hi-in a lamdang mahmah hih Hotkhiatna tangthu-ah hotkhiatna kitaangko thute Jesuh in ngai veve hi.

Tyre leh Sidon pan a Gentile numei/ Canaan numei leh Jesuh kiho-na thupiang sim in (Matt. 11 15:21–28; Mark 7:24–30). Jesuh tawh a kituah zaw deuh nungzuite in tua numei thuak zo nawn lo uh hi. Jesuh hopihzia in Amah mah in zong ningh khin tawh kibang hi. Bang thu in tua numei maingalsak hi ding hiam? Hih thupiang in midangte tungah Jesuh in a thuhilhzia bang hong hilh hiam?

Jesuh in Tyre leh Sidon khua sung lut ding hi ta hi. Hih khua in khualmi tamna khua hi banah minam kilangneihna hat mahmah hi. Khuata a nasem Jew mite in hih khua hong tun uhteh Greek kampaute in nengniam uh hi. A sawtnai lo hun khat lai-in Jesuh khankhiatna Galilee gam uk mangpi Herod in Tuiphum John a awngtanna mun hi. John thupuak in Jesuh thupuak mah ahih manin John kithahna in Jesuh adingin zong a lauhuai dinmun hong tung hi. Jesuh a nasepna-ah lauhuai-na nawkkha ding a kipan hong hi ta hi. Tua bang lauhuai-na thupiang om laitak hi-in, Jesuh in kuama theih ding ut lo-in tua khua sungah va lut hi (Mark 7:24). Ahi zongin numei khat in Jesuh na thei kha hi.

Tua khua mite ngei-na ah numei in thunei lo hi; a lungsim ngaihsutna bangmah pulaak ding kiphal lo hi. Tham lo-in hih numei in mite nenniam Jew mite mah bangin hamphatna ngah lo numei khat sawnsawn hi. Hih numei tanu in a cina hi. Huhna kisam hi. A tanu in damna a ngah mateng huhna ngen ngen hi. Jesuh in “ Tate nek ding an uite piak ding kilawm lo hi,” ci-in numei kihemkhia dingin sawl hi (Matt. 20 15:26). Numei in na sa mahmah hi napi tua bang hi lo-in a lamdang thu khat hong piang hi. Numei in Jew mite bang lo-in innah ui khawi khat hi ding hi ven, ui omzia thei mahmah hi; “hi mah hi, Topa aw, ahi zongin uite in a topa sabuai tung pan a khia anneng khia ne buang hi ven,” ci-in dawng kik hi (Matt. 15:27). Hih dawnkikna in na khempeuh kilamdangsak hi.

Jesuh omkhong thei nawn lo-in a tanu damsak hi. “Na lunggulhna bangin piangta hen” (Matt. 15:28). Koi bangin hih kammal na tel hiam? Koi bangin eima deihna bangin nate a hong pianloh ciangin hamsatnate zo thei ding na hiam?

 

THURSDAY                    November 5

A DEIH NGAH SANGNAUPANG

Jesuh leh a nungzuite in Jerusalem lam manawh-in hong pai uh hi. Herod in Tuiphum John nopmawh a sak bangin tuin zong Jesuh nasep dongkholhsa hi. A nungzuite a kipan mizawng genthei mite in gam ki-ukna kikhel ding lamen mahmah uh hi. Jesuh in zong a lian mahmah lametna thu tangko hi. Ahi zongin kumpi thuneite leh ukna neite in Jesuh thupuak susia dingin hanciam uh hi, cih Jesuh in mukhol hi. Jesuh thupuak a tangko lo theithei dingin vaihawm uh hi. Jesuh tawh kithuah sangnaupangte, nungzui sawm le nihte in Jesuh lamah lim pan mahmah uh hi. Tua bangin Jesuh tawh kikhawl khawl uh hi napi a Siapa uh thupuak theithei lo uh hi (Mark 8:31–33). A Lianpen Laihilhsia in a sangnaupang in a hamsa thute a tel dong uh hanciam dingin makaih hi. Jesuh thupuak a thupi ngimna bulpi mu zo lo uh hi ( Mark 8:37).

Tua bang kawmkalah mittaw khat in nungzuite muhloh thu mu khia thei hi. Jesuh leh mittaw khutdawhngen Bartimaeus thu sim in ( Mark 10:46–52.) Jesuh hehpihna in lian mahmah hi. Mittaw-pa in Jesu in Jerusalem manawhin a pai-na-ah a nungzui dingin a lunggulh a khentat thu ngaihsun in. Nungzuite leh hih mittaw-pa enkak in. A Lianpen Laihilhsia nungzuihna in nang adingin bang hi ding hiam?

Bartimaeus in naupangno a kipan lolai-a buhkungte mu nuam hi. Ahi zongin muhna i cih in mit tawh muhna sangin thuk zaw hi. Bartimaeus in mit tawh a kimu thei lo thu leh nate mu hi. Tua thu muhna in a Lianpen Laihilhsia theihtelna hi. Mit tawh muhna in thupi mah hi. Jesuh in zong thei hi. Ahi zongin Jesuh in mimal khat ciat adingin nunna thak leh a hoih zaw hong deihsak hi. 

Hebrews 5:12–14 sim in. Pilsinna mantak bang pulaak hiam?

 

FRIDAY           November 6

Ngaihsutbeh Ding: Ellen G. White laibu Khristu Kiang Zuatna sungah “Nungzuih Sittelna” cih khawk sung sim in.

“Eite in a Lianpen Laihilhsia hong thuhilh bangin i nuntak ciangin Ama lim le meel a nei mi, a Kha Siangtho tawh kidimin, Ama deih bangin nasem, na khempeuhah Ama min phat ihi hi (Ellen G White, Steps to Christ, p. 58). Jesuh Khrih tawh kikholhkhopna in eite nopsakna hong suak hi (Steps to Christ, p. 59). Matthew 5–7 sung thu, Mualtung Thuhilhna in zong a Lianpen Laihilhsia in a sangnaupangte a hong hilhnop thu guipite leh Ama gam phut dingin a hong pai-na thu hong hilh hi.

KIKUP DING DOTNATE

1.    Pasian in Adam le Eve leh Jacob a hilh bangin eite zong hong hilh hi. Jesuh in Bartimaeus mah bangin eite kitangsapna khempeuh a hong pia nuam hi; kua i hi hiam, koi lam zuanin nungta i hiam, kisittel dingin hong hilh hi. Hih thute siksanin tate leh midangte tungah Lai Siangtho thu hilhzia ding bang hong hilh hiam? Kihilhna gina lo a kikhel ding, nunzia kikhel dingin deihsakna tawh kihilhna in hong khel hi lo hiam?

2.    Na nunzia in mimal aituam ading maw, ahihkeileh hih thu na muan mi khat tawh na kikum hiam? Koi bangin Khrih pumpi Pawlpi in midangte’n Khrih a theih nadingun mi tawh kizopzia a hong hilh thei ding hiam? (1Kor. 12:27)

3.  Mittaw Bartimaeus in mit khuamu bek hi lo-in Khrih muhna nei-in Jerusalem zuan-in Jesuh nungzui hi. Bartimaeus in hih lampi-ah nisim-in a Lianpen Laihilhsia pilna thute za den hi. Tu-in Bartimaeus in Jesuh lim le meel nei-in a Kha Siangtho tawh kidimin Ama deih bangin nungta hi. Khrih Kiang Zuatna Laibu sungah kigelh mah bangin nunzia dinmun sang a hong hilh Mualtung Thuhilhna bangin a nuam nuntakna tawh a nungta dingin bang in hong huh ding hiam?

4.   Thursday ni thusin ngaihsun kik in. Koi bangin a sia leh a pha khentel thei i hiam? Koi bangin bang in thu sia, bang in thu hoih hi, ci-in khentat i hiam? Bang hangin theihna bek lelsangin theihna nuntak pih in thupi zaw hiam?