LESSON 2 Oct 3-9
INNKUANTE
Sabbath
Nitak
Tu
Kaal Sung Sim Ding: Pian. 3:1–15, 2Kor. 4:6, 12;
Luke 1:26–38; Matt. 1:18–24; Eph. 4:15, 1John 3:18; Thkikna 6.
KAMNGAH: “Ka
ta aw, na pa hong thuhilhna hoihtakin zui inla, na nu hong thugente ngai in.”
Paunak 1:8
I
mihing hihna tawh kizui-in tatsat lo-in theihna a behlap tawntung ihi hi. A
taktakin nuntakna in pilsinna khat hi. Nidang Israelte in khangno pilsinna
thupi takin ngaihsun uh hi. Naungek hun sung panin Pasian hoihna, Ama
vangliatnate hilh dingin Pasian in thupia hi. A diakdiakin Israel tungah kipia
thukham limtak kihilh uh hi. Lasakna, thungetna leh Lai Siangtho simna cihte in
lungsim ngaihsutna hatsak hi. Nu le pa in tate tungah Pasian thukham in Ama zia
le tong pulaak hi; tua thupiakte in Pasian lim le meel a nei dingin a hong hilh
thu guipi hi, ci-in hilh uh hi. Tua bangin a kihilh uh ciangin kam tawh kihilh
uh hi; ahi zongin khangnote in Hebrew laigelhte sim thei uh a, savun tunga
kigelh Thuciam Lui thute sin thei uh hi.” Ellen G. White, The Desire of Ages,
p. 69.
A beisa hunin naupangte pilsinna mun a tam zaw in innkuan sung hi. Lai Siangtho in inn sung pilsinna tawh kisai bang gen a, innkuan khempeuh in a zat theih ding thu guipi bang hong hilh hiam?
SUNDAY October
4
INNKUAN
Lai
Siangtho in leitung hun masa sung a mite pilsinna tawh kisai thu kician takin a
hong hilh loh hangin innkuan kilamh zia in pilsinna khat hi pah hi, cih kimu
thei hi. Eden huan a pilsinna in innkuan bulphuh hi. “Adam in Pasian ta hi (Lk.
3:38), Sangpen Pa tate in Pa tung panin pilna sang penpen ngah uh hi. A
taktakin amau innkuan kipantahna mun hong suak hi.” Ellen G. White, Education,
p. 33.
Eden
huanah a sin uh thute i thei kei zongin piansak thute, mawhna leh hotkhiatna
thute sin ding uh hi. A nuai-a Lai Siangtho munte in Adam leh Eve in a tate uh
tungah bang pilna guan uh hi, cih hong hilh hiam? Pian. 1–2; 3:1–15, 2Kor. 21
4:6; Luke 10:27, Gal. 3:11; Mang. 22:12. 22, 23
“Leitung
piancil a kikoih pilsinna paizia in leitung mite etteh dingin a kikoih ahi hi.
I nu le pa masa pente teenna Eden huanah pilna ngah theihna thu bulpi kipia hi”
Ellen G. White, Education, p. 20.
Khristian
pilsinna in nu le pa, tate a kipan innkuan sungah upna thu, biakpiakna,
thuhilhna, khatlekhat kipawlna, hotkhiat nasepna leh Pasian na sepna-ah
kipiakkhiatna hi. Inn in Pasian hong itna leh Ama kamciamte kihilhna mun hi.
Inn panin tate tungah Jesuh in amaute Honpa leh lawm hi, cih kihilhna mun hi.
Inn in Lai Siangtho, Pasian Kammal kihilhna, kipantahna mun hi. Innkuan pen
tate in vantung i Pa tawh kizopna hoih a ngahna mun hi.
Pian.
4:1–4 sungah Cain leh Abel in Topa tungah meihal biakna pia uh hi. Tua bangin
amaute in inn sung panin biakpiakna tungtawnin hotkhiatna thu sinna, kihilhna
ngah uh hi. Ahi zongin hoih takin kihilh uh himah taleh Pasian lamet bangin
hoih zo lo uh hi.
Na
innkuan in bangbang dinmunah a om zongin thuman kihilhna mun, thuman tawh a
nungta innkuan hi dingin bang thu khentatna nei thei na hiam?
MONDAY October
5
JESUH NAUPANLAI
Lai
Siangtho in Jesuh naupanlai thute tam pulaak lo hi. A neulai nunzia-te i thei
kei hi. Ahi zongin a leitung nu le pa Mary leh Joseph in Pasian kihta mi ahih
manun Jesuh khuasakzia, Joseph leh Mary nunzia tungtawnin Jesuh neulai a nunzia
i ngaihsun thei hi.
A
nuai-a Lai Siangtho munte in Mar y leh Joseph nunzia bang pulaak uh hiam? Koi
bangin Jesuh pantah uh hi ding hiam?
Luke
1:26–38___________________________________________
Luke
1:46 55_____________________________________
Matt.
1:18–24________________________________________
Mary
leh Joseph in Jew thu-um mi citakte hi. Thupiakte leh Pasian thukham limtak a
zui mite hi. Tua hi-in Topa in amaute tungah a piang ding thute limtak hilhkhol
hi. A kihilh bangbangin amau zong nungta-in zui uh hi.
“Naupang
Jesuh in Jewte lai kihilhna mun synagogue ah pai-in thusinna nei ngei lo hi.
Jesuh aa dingin a nu Mary in a masa pen pilna a hilhsia hong suak hi. Jesuh in
a nu muk le kam panin kamsangte genkholhnate za za hi; a nu tung panin vantung
thute thei hi. Topa in Moses tungtawnin Israel mite a hilh thute tu-in a nu
Mary khephung panin Amah mah in thungai-in hong om hi. Naupangno pan a khangno
hun dongin Jesuh in rabbis sangah pilna sin ngei lo hi. Amaute tung pan a sin
ding bang mah om lo hi. Bang hang hiam cihleh Pasian in Ama laihilhsia Pa hi.”
Ellen G. White, The Desire of Ages, p. 70. Tua
hunlai-in laihilhsia hoih, a citak laihilhsiam tampi om hi. Ahi zongin a Tapa
uh gen thute amaute in telzo lo uh hi. Bang hang hiam cihleh Jesuh in vantung
Topa bek in a piak theih pilna leh theihna tawh kidim hi.
A
tungdeuh a i pulaak Ellen G. White laigelh sim kik in. Jesuh in a genkhiat
thute mah a nu Mary tung panin pilna ngahna nei kik hi, cih thu in bang hong
hilh hiam? Hih thu in a lamdang Pasian hong itna bang pulaak hiam? Koi bangin
mawhnei, siatna tawh kidim eite in Pasian hong itna thu thuk thei ding i hiam?
TUESDAY October
6
KIZOP KITHUZAKNA
A
taktakin thupi-in thupi kei taleh pilsinna khempeuh in kizop kithuzakna khat
hi. Laihilhsia in theihna, pilna, thu tuamtuam, nate thute thei-in tua thute
sangnaupangte hilhsawn hi. Theihna a nei mi khat in midang tungah hawmsawn ding
hi; tua lo-in ama theihna in bang mannei ding hiam?
Tua
banah laihilh siamna in theihna hawmsawnna sangin lian zaw hi. Laihilhna-ah
khat le khat kizopna in a bulpi khat hi. Laihilhsia khat in a manpha ama siamna
theihnate laisin mite tungah deihsakna tawh hawmsawn hi. Naupangte, khangnote
tungah hehpih itna i neih ciangin amau lungsim puak dongin theihtelna i nei
thei hi. Tua bangin amaute theihtelna in khatlekhat kizopna kipsak hi.” Ellen
18 G. White, Education, p. 212. English
Laihilh
siamna-ah lungsim ngaihsutna leh mimal kizopna kihel hi. Hih in pilsinna khat
mah ahi innkuan sung kipantahna-ah thupi mahmah hi. Laihilhsia leh sangnaupang
kikaal kizopna hoih kisam mahmah hi. Khatlekhat thukizakna tungtawnin
khatlekhat kizopna hoih hong piang hi. Khristian khat in Lai Siangtho simna,
thungetna cihte nei keileh Pasian tawh kizopna hoih nei thei lo ding hi.
Innkuan sungah zong Khrih hehpihna leh Ama thu theihna ah a khantoh nadingin
Pasian makaihna kisam hi.
A
nuai-a Lai Siangtho munte sim in. Innkuan sung a kipan khatlekhat kizopna hoih
nading bang hong hilh uh hiam? Late 37:7–9; Pau. 10:31, 32; 27:17; Eph. 4:15; 1
John 3:18; Titus 3:1, 2; James 12 4:11.
Neulai
mahin khatlekhat kizopna hoih tawh naupangte pantahna in Khrih tawh mimal
kizopna uh huh banah innkuan sung mimal khat leh mimal khat kizopna zong hoihsak
hi. A neulai-un tua bangin pantahna hoih tawh a kipantah ciangin a khangno,
nungak, tangval uh ciangin zong tate tawh kizopna hoih a nei toto nu le pa na
hi ding hi. Tanei lo nupa, innkuan na hi kha phial zongin, tua bangin
kipantahnate in mi tawh kizopna hoih hong neisak hi.
Bang
thu ka gen hiam , cih kisittel ding a thupi mah bangin koi bangin ka gen hiam,
cih in zong thupi hi. Na thugen khat pen hoih mah mah napi in ahi zongin a
gendan na siam loh manin siatna piangsakin mi muhkhialh na thuak ngei hiam?
WEDNESDAY October
7
NU
LEH PA-TE VAIPUAK
“Pate
aw, na tate uh hehtheih nadingin bawl kei unla, Khristiante ngei-na tawh
kituakin taii-in hilhin pantah un” Eph. 6:4. “Kua in zi hoih ngah zo ding hiam?
Zi hoih in suangmanpha sangin manpha zaw hi.” Pau. 31: 10
Nu
leh pate in masuan lianpi nei uh hi. Pa in innkuan aa dingin lutang hi. Innkuan
in sanginn, biakinn, khua kipatkhiatna phungpi hi. Pa in gina lo-in ama masuan
panla zo kei leh innkuan sung, pawl sung, khua sung in kisiatlawh hi. Pa in Kha
Siangtho gah – itna, nuamna, daihna, thuahzawh hatna, dikna, hoihna, upna,
migitna leh pumpi ki-ukzawhna kisam hi (Gal. 5:22, 23).
Nu
in zong tua bangmah hi. U sung nau sung, khua sung aa dingin nu in dinmun
lianpi nei hi. Naupangte gamtat zia le tong hoih tawh a khankhiat nadingun nu
in huzaap lianpi nei hi. Innkuan sung a nop nadingin nu huzaap in thupi hi.
Tate pantahna, pilna piakna-ah pa in nu tawh mapangkhawm ding uh hi.
A
nuai-a Lai Siangtho munte in nu leh pa bang hong hilh uh hiam? Eph. 5:22, 23,
25, 26; 1Kor. 11:3; 2Kor. 6:14; Rom. 13:13, 14; 2 Pet. 1:5–7; Phil. 4:8. 6
Khristian
thuzui nu le pa in tate etteh thamcing dingin Khrih etteh-in Ama zia le tong
kisam hi. Zi leh pasal kizopna in Khrih leh pawlpi kizopna limcing hi. Nu le pa
in tate pantah makaih lo-in, ahih keileh thatang zawhna tawh a makaih uh leh,
tate leh mite mai-ah Khrih zia le tong a lak khial suak uh hi. Thu mu khial
dingin lamlak suak uh hi. Pasian in nu le pa tungah lungduai kulhkal takin tate
pantah dingin thu hong pia hi (Thukikna. 6:7). Tate in a lungsim khempeuh uh
tawh Topa a it ding leh a thupiakte a zui dingun nu leh pa in masuan nei hi.
Tate in Topa a zahtak dingun, a thupiakte pan lampia lo-in Ama tungah a kipia
dingin nu le pa in hilh ding uh hi.
Pasian
in Israelte tungah ama bawl na lianpipite amaute in a tate uh tungah a hilh kik
dingun Pasian in amaute thupia hi. Tua bangin uhamte in khangnote tungah na
lianpipite pulaak uh ahih leh singlamteh tungah Khrih a hong sihkhit nung-a a
nungta eite in zong khangnote i theihsak ding thu tampi om lo ding hiam? Tua
hi-in tate tungah i pulaak, i hilh thute, tate in Topa thuman a theihtel nading
leh Khrih tawh mimal kizopna hoih dingin lampi a sialkholhsak, amaute a
kigingkholsak ihi hi. A tawpna-ah Pasian in mi khempeuh tungah deihteel theihna
hong pia khong hi. Tua hi-in tate in zong amau vawh bang mahin Pasian mai-ah
sittelna thuak ding uh hi.
THURSDAY October
8
NA
MANGNGILH LOH NADINGUN
Israelte
in Kamciam Gam a lut ma-un Moses in amaute tungah a lamdang Pasian ompihnate a
mangngih loh nadingun a beisa thute gen pha pha hi. Thuhilhkikna Bu in Moses
thu vaikhakna, ahih keileh a teci panna kici thei hi. Tua thute a kigelh khit
kum tul tampi pha khin hi. Ngei-na, mun le muan zong kibang lo, nuntak
khuasakna zong kibang lo, na khempeuh in kilamdang khin hi mah taleh a thu
guipi in tuni dongin mannei hi.
Thuhilhkikna
6 sim in. Khristian pilsinna tawh kisai thu guipi bang hong hilh hiam? Tate bek
hi lo-in Pasian leh Ama hong hotkhiatna thu a thei nai lote tungah bang thu
hilh dingin hong sawl hiam? Hilh ding thu a om mah bangin pelh ding vauhilhna
bang thu om hiam?
__________________________________________________________________
_________________________________________________________________
Tate
tungah hilh ding thu tampite lak pan Pasian in Israelte tungah a bawl
nalamdangte gen kik ding uh hi. Pasian in amaute aa ding asep abawl thute a
mangngilh loh nadingun kihilh phapha uh hi. Nu le pa in tate tungah Pasian thu
hilh ding masuan lianpi nei uh hi. Tua bangin tate a hilh nadingun nu le pa in
zong theihna kisam a, a hilh ding uh thute kiginkholh kul hi; tate aa ding hun
piak kisam hi.
Tate
sia masa pen in nu hi. Tate in theihna nei nai lo, a theihna uh neem mahmah
laitak leh na khempeuh a theihnop uh hun sung mahin nu in tate pilna guan ding
masuan lianpi nei hi.” Ellen G. 14 White, Education, p. 275.
Tua
bang hun mahin nu le pa in Pasian hong itna leh Ama kamciamte a hilh ding uh
kisam mahmah hi. Nu le pa in tate vantung pilna leh Pasian kamciamte a hilh hun
ding khat tuamkoih ding uh a, tua bangin pantahna in hong pai ding hun sungah
tate leh innkuan tungah huzaap lianpi nei hi.
“Na
tate uh tungah limtakin na hilh ding uh a, na inn sung uhah na tut uh ciang,
lampi-ah na pai uh ciang, na lup ciang uhleh na thawh ciangun tua thute na
gengen ding uh hi” (Thkkna. 6:7). Bang thu lianpi hong hilh hiam? Tate bek hi
lo, nu le pa mahmah adingin zong Topa mitsuan tawntung ding hong hilh hi lo
hiam?
FRIDAY October
9
Ngaihsutbeh
Ding: Read Ellen G. White, “Preparation,” pp. 3
275–282 in Education; “Cooperation,” pp. 283–286 in 4 Education; “Discipline,”
pp. 287– 297 in Education.
“Nu
le pa in tate a neulai a kipan a gol dong uh pantah ding masuan lianpi nei uh
hi. Tua dingin nu le pa in limtak a hilh nadingun amau mah a kiginkholh ding
kisam hi. Ta a neihma-un nu le pa in pumpi kilamzia, lungsim ngaihsutnate a
khantohzia leh gamtat zia le tong hoih cihte limtak a kantel ding uh kisam pha
mahmah hi.” Ellen G. White, Education, p. 276.
“Nu
le pa in tate pantahna-ah mapangkhawm ding uh hi. A nihun tate hilh ding masuan
nei uh hi; hanciam khawm ding uh hi. Tua bangin tate ahilh siam nadingun Pasian
tungah a kipiak uh kisam hi; Ama makaihna ngen tawntung ding uh hi. Tate limtak
a hilh nu leh pa in khat le khat kimawhsak lo-in, tate ading amau deihsak
bangin laihilhsia-te in zong a na hilh uh ciangin nu le pa vaipuak dawn suak
ahih manun pahtawi-na ngah uh hi.English Ellen G. White, Education, p. 283.
KIKUP
DING DOTNATE
1. Ta nei-in ta nei kei zongin eite khempeuh in innkuan nei lo i om kei a, mi tawh khat le khat kizopna nei vive ihi hi. Tu kaalsung thusinna tungtawnin mi tawh kizopna hi taleh Topa aa ding teci hihna-ah phattuampih na nei hiam?
2. Pilsinna pen a deihhuai khat-in i ngaihsun ciat hi. Kua in pilsinna langpan hiam? Ahi zongin mi khempeuh in pilna deih takpi hiam? A hoih lo, siatna-in hong tunpih pilna om hi lo hiam? Tua bang siatnate panin pilna in deihhuai mah ahihna, mihingte’n a phattuampihnate ngaihsun in.
3. Wednesday
ni-a pulaaksa om bangin Pasian in mihingte a hong piakkhong khat in mimal
deihtel theihna hi. Tate khangto-in a nungak, a tangval, a uham hun ciangin, a
neulai-un Pasian thu a kihilh thute siksanin, amau khentat deihtelna bangin
kalsuan uh hi. Bang hangin nu le pa hi taleh a kuamaciat in mite tungah
hotkhiatna thu gen ciangin, upna thute i pulaak ciangin ahi zongin, mimal khat
ciat in deihtel theihna nei ihihlam phawk ding kisam hiam?
