LESSON 1
Sept 26–Oct 2
EDEN HUAN SUNG A PILSINNA
Sabbath
Nitak:
Tu
Kaal Sung Sim Ding: Pian. 2:7–23;3:1–6; 2 Pet.
1:3–11; 2:1–17; Heb 13:7, 17, 24.
KAMNGAH: “A
vangliatna hangin Pasian kitawisang hi. Amah tawh kibang sia kua om ahi hiam?
Job 36:22
Lai
Siangtho Piancil Bu 1-3 sung a thupiang a za ngei lo i om khol kei ding hi. Tua
thute in Pasian, Adam, Eve, gulpi leh vantungmite kikaal thupiang hi. Tua mun
in a hoih mahmah Eden huan sung thupiang hi. Tua thupiang khitteh thu tampi
hong piang hi. Pasian in na khempeuh piangsak hi. Pasian in Adam leh Eve hilh napi,
amaute in mawhna bawl veve uh hi. Mawhna hangin Eden huan pan hawlkhiat a thuak
uh hi. Ahi zongin a thupiangte limtak pilsinna mit tawh en hi lehang nuntakpih
ding thu tampi kimu thei hi.
“Nate
a kipiansakcil a kipan mi khempeuh zuih dingin pilna lampi hong hilh hi. Mi
masa Adam leh Eve in a teenna uh Eden huan in pilsinna sanginn hong suak hi.
Amaute laisinbu in kimlepaam piansak nate khempeuh hi; Piangsak Pa mahmah in
amaute laihilhsia hong suak hi. Hih sanginn sungah laisin sangnaupangte in Adam
leh Eve hi.” Ellen G. 16 White, Education, p. 20.
Laisinna
sang phuan masa, laihilhsia masa pen leh sangsiapi masa pen in Topa hi. Ahi
zongin a tawpna-ah Adam leh Eve in amau ut thu-in sia dang khat teel uh a,
thusia sin uh hi. Tua khit nung-a thupiangte, a pianna hang cih thute
tungtawnin tuni tuhun pilsinna tawh kisai bang hong huh thei ding uh hiam?
SUNDAY September
27
LAISINNA SANG MASA PEN
Huan
sung khat laisinna sanginn khatin i ngaihsun khol kei hi. Ahi zongin Eden huan
in sanginn khat hi. Ehen huan in siatna khat zong om lo, hoihna khempeuh tawh
kidim hi. Tu-in tua bang mun hoihzia i ngaihsun zo kei zongin, mawhna om lo
kicinna tawh kidim munah na khempeuh a Piangpak Pa mah in Adam leh Eve a
makaihna mun, a pantahna mun hi. Hih mun sangin a hoih zaw laisinna mun om lo
hi.
Pian.
2:7–23 sim in. Pasian in bang ngimna nei-in Eden huan sungah Adam nasep guanin,
tua huan sungah teengsak hi ding hiam?
Pasian
in Ama meel leh lim suun a mipa leh minu hong piangsak hi. Amaute teen nading
inn hoih mahmah huan sungah mannei nasep guan hi. Hih in laihilhsia leh
sangnaupang kizopzia ding hong hilh hi. Pasian in Adam pianzia tel mahmah hi;
bang hang hiam cihleh Ama piansak hi. Tua Pasian in Adam hilh a, a mihing hihna
khempeuh sitlo-in zangsiam dingin a lamen hi. Tua banah Pasian in Adam a nuamsa
dingin deih hi. Adam in nuam a sak theih nadingin Pasian in tua bangin masuan
khat guan hi. A tawpna-ah kua in nuamsa lo, lungkim zo lo, kipia masuan tungah
citak lo-in maa-tung zo lo hiam? Pasian in Adam sungthawng thei hi. A lunggulh
zong thei ahih manin Eden huanah nasep guan hi. “Tua ciangin Topa Pasian in
mipa la –a Eden huan sungah nasem ding leh a kem dingin koih hi”(Pian. 2:15).
Mawhna, sihna tawh kidim i teenna leitung panin siatna om lo, kicinna tawh
kidim tua huan sungah bang nate sem uh a, koi bangin a sepna pan-in pilsinna
nei uh hi, cih theitel zo kei hi.
Pian.
2:19–23 gen bangin Pasian in Adam kikholhpih dingin ganhingte piangsak hi. Adam
zi dingin Eve zong bawl hi. Adam in a nuntakpih ding, amah a huh ding mi khat
kisam hi, cih thei hi. Tua manin Eve kipiangsak hi. Tua tham lo-in mihing in
Pasian tawh kizopna kisam hi, Pasian in cih thei hi. Tua hangin amaute aa ding
Eden huan khat bawlsak hi. Hihte khempeuh in Pasian in nate a piansakin Ama
ngimna bulpi leh mihingte a hong itna hang hi, cih hong hilh hi.
Eden
huan tawh kigamla khin ihih manin Eden omzia, a nopcitna i ngaihsun thei kei
hi. Eden huan tawh kigamla hi mahta lehang kimlepaam piansaknate tung panin
pilna i ngah veve hi. Lai Siangtho siksanin kimlepaam nate tung pan pilsinna
bang kingah thei a, koi bangin hamphatna-in nei i hiam?
MONDAY September
28
SIATNAHONG LUT
Sanginn sungah laisuan tuamtuam nei-a a kisam vante kicingin nei-in, sangnaupangte lungsim a la thei dingin sanginn sung a nopci theihthei a bawlna in laihilhsiate lungdam theihna khat hi. Pasian in Eden Huan sung in pilsinna mun dingin bawl ahih manin Adam leh Eve in pilna a ngah nadingun kitangsam bangmah om lo-in koih hi. Pasian in Adam leh Eve kimlepaam a a nopci theithei dingin bawl hi. Amaute in paakte, vasate, ganhingte, singkungte in Piangsak Pa leh piansak nate thu a sin ding uh tampi om hi. Na khempeuh in hoihna tawh kidim hi napi kilamdanna khat hong tung hi ( Pian. 2-3) Pasian in mihing tungah deihtelna, khentatna hong guan hi (Pian. 3:1) Gulpi in ganhing khempeuh lak panin a pil penpen ganhing hi. Ama kampaute in Pasian pulaak thute panin lampial kipatna hi. “ Hoih mahmah hi” ‘zumna om lo” “ hoih hi” cihte in Pasian piansak nate hoihna a pulaak kammal hi. Tu-in ahihleh gulpi in tua bang hoihnate langpanna kamgingkhia-sak hi. “Pil’ cih kammal mun khatkhatte-ah ngiansiam ci-in kizang hi. Kicinna tawh kidimna munah thakhat-in thu hoih lo kipulaak hi. Pasian in ipsim thu nei lo-in Adam leh Eve nunzia ding limtak hilh khin hi. Pasian in amaute zuih ding thupiak khat koih a, huan laizang a singkung tung a gah ne lo ding uh hi. Hih thu tawh kisai-in a kilang mahmah thu khat om a, tua in Adam leh Eve in khentatna nei a, thumang ding maw, ahih keileh thupiak nial ding maw, cih amau deihtelna bangin a khentat dingun kikoih hi. Mawhna om ma, nate kipiansak a kipan mihing in deihtel theihna nei hi, cih kilang hi.
Gulpi gamtatzia-teng mah Eve in nungzuih hi (Pian. 3: 1-6). Gulpi in Eve tungah bang thute pulaak hiam? Eve in sia leh pha khentel thiehna singkung bangci muh hiam?
Nek
loh ding singgah a nek teitei uhleh sihna thuak ding uh hi, ci-in Pasian in
genkhol khin hi (Pian. 2:17), Eve in Pasian thupiak a pulaak kik ciangin Pasian
pulaak bangin pulaak kik lo hi, ‘takpi’ cih pulaak lo hi (Pian. 3:
3). Pian. 3:4 ah gulpi in Pasian thupiak langpanna tawh pulaak kik hi. Pasian
in Eve limtak hilh hi napi, Eve in a thusinte thupi ngaihsut lo, a thusin zui
ding ngaihsun lo ahihna a kampau-te in pulaak hi.
TUESDAY September
29
A KIHILH THU THEIKHIA ZO LO
Pasian
in Eve limtak hilh hi napi, Eve in a kihilh thute huihlak ah mangsak hi. Eve in
Pasian thupiak a telkhial hi lo hi; thupi ngaihsut lo hi. Ama deihtel a zuih
manin a thuak thute in khengval lua hi, kici thei lo hi. Tua hi-in Eve in gulpi
tawh a kiho ciangin huan laizang a singkung tawh kisai Pasian gen bangin pulaak
nawn lo hi (Pian. 3: 2,3). Ahi zongin gulpi adingin tua thu in thu thak hi lo
hi. Gulpi in Pasian thupiak theikhin ahih manin mawhna nei lo Eve a khemzawh
nadingin khel pilna tawh hopih hi.
Pian.
3:4–6 entel in. Satan in Pasian thupiak a langpan banah Eve a khemzawh nadingin
bang dang pulaak hiam? Satan in bang thu guipi bulphuh-in tua bangin Eve khem
hiam?
Gulpi
in Eve tungah a pulaak thute lakah zuau thu kihel hi. Eve in Pasian kiangah va
pai-in a zak thute va kuppih thei hi. Hih in Eden huan a pilsinna a hoihna khat
hi. Sangnaupangte, Adam leh Eve in a theihzawh loh uh thu khempeuh amaute Siapa
tungah va dong thei uh hi. Ahi zongin Pasian va naih ding sangin Eve in gulpi
zuaukhemna um zaw hi. Gulpi in zuau thu leh Pasian kammal helhzau-in a pulaak
thu Eve in a up takteh, Eve in Pasian leh Ama thupiak a muanmawhna kilangh hi.
Tua ciangin Adam in hamsatna dinmun hong tung hi. “Pasian in nupa-te tungah a
thupiak in Ama tungah citak leh citak lo a sittel nadingin a thupiak Eve in
palsat hi, cih Adam in theitel hi. Koi zui zaw ding cih a lungsimah hong
buai-ta hi. A kiang panin a zi paikhiat ding a phal khak kisikin kap hi. Tu-in
Eve in mawhna sung tung hi; Adam in Eve tawh a nuam nuntakkhopna zui lo-in
kihemkhia thei ding kimlai bang zui zaw hiam? Ellen 20 G. White, Patriarchs and
Prophets, p. 56. A sia sung pan a hoih thute theitel hi napi-in Adam in thusia
zui zaw dingin khentat hi.
Gulpi
zuaukhemna ngaihsun in. Gulpi in hih singgah na nek uhleh Pasian tawh na kibang
ding uh hi, ci hi (Pian. 3:5). Ahi zongin Pian. 1:27 ah Pasian in amaute a
bawlin Ama lim le meel suunin a bawlsa hi lo hiam? Hih in zuau khemna sung tun
ding hamsa het lo ahihteh, Adam leh Eve tungah kipia mah bangin eite in zong a
hoih penpen pilna hong kipia khin ahih manin, upna leh thumanna in puuk nading
pan hong dal ding hi lo hiam?
WEDNESDAY September
30
MANSUAH
NGAH KIK
Adam
leh Eve in gulpi thuhilh zui dingin a khentat uh ciangin Pasian piak pilsinna
mun panin hepkhiat thuak banah siatna tuamtuam in behlap hi. Pasian thupiak a
zuih loh manun Adam leh Eve in bang suplawh uh hiam? Amaute mawhna i theih
ciangin tuni tuhun aa dingin pilsinna mungtuppi theihtelna hong guan hi. Eden
huan pan hawlkhiat thuak uh hi taleh kicinna om lo leitungah a sin ding uh
pilna in ngimna thak manawh hi.
Pasian
in mawhna a omma Adam leh Eve tungah a piak pilna in Amah tawh kizopna pilna
hi. Mawhna a omma hoihnate ngah kik theih nading lampi in Topa zia le tong, Ama
hoihna, Ama itna theihtelna hi. Mawhna a om khit ciangin zong pilsinna in
Pasian tawh kizopna ngah kik a, i sungah Pasian lim le meel ngah kik ding
ngimna lianpen hi. Pasian tawh maitang kimuh theihna om nawn lo hi mah taleh
Pasian tanu tapa-te in Amah theihtelna nei-in, Ama hoihna, Ama itna theithei
veve hi. Eden huan a Adam leh Eve in Pasian tawh a kinai bangun, eite in zong
thungetna, Ama na sepna, Ama Kammal simna tungtawnin Pasian tawh i kinai thei
hi. Lungdamna thupuak in Jesuh hangin hotkhiatna lampi hong kibawlsak khin zo
a, na khempeuh bei mangin lamet bei i hi kei hi. Leitung pan hotkhiatna leh
leitung kibawl pha thak dingin lametna nei ihi hi. Khristian pilsinna khempeuh
in Khrih sunga hotkhiatna mitsuanin na khempeuh kibawl pha thak ding kamciam
tawh kalsuan ding kisam hi.
2Peter
1:3–11 sim in. Eden huan nunna tawh i kipelh hangin tua nunna ngah kik ding tha
hong guan hi. Pasian lim le meel i ngah kik nading kibawl thakna sungah thu-um
mi in bang masuan nei hi, ci-in Peter in hong hilh hiam?
Khrih
Jesuh tungtawnin nuntakna leh Pasiah sutna nei dingin a kisam na khempeuh hong
kipia khin hi. A lamdang thupha hi! Tua na khempeuh sungah bang kihel hiam?
Tuate in upna, hoihna, theihna, pumpi ki-uk zawhna, sikdo-na, Pasian sutna,
thuakzawhna cihte Peter in pulaak hi. Pasian sutna ding kisamte lakah Peter in
theihna kihelsak hi. Theihna in pilna behlap hi. Pilsinna mantak in theihna
hong guan a, tua theihna in Khrih theihtelna hi. Khrih theihtelna in Amah sutna
hi-in, tua hileh Ama thute mi tungah a hawmsawn thei ding ihi hi.
A
kikhaam singgah in sia leh pha theihtelna singgah hi, cih thu ngaihsun in. Bang
hangin theihna khempeuh in hoih khin pah lo hi ding hiam? Koibangin ahoih
thutheihna leh ahoih lo thutheihna khentel thei ding i hiam?
THURSDAY October
1
TUNGSIAH THUNEIHNA A THUSIM LO-TE
Sangnaupang
kimkhat in amau kantawmna tungtawnin theihna nei uh hi. Amaute in lasim lua
khol lo uh hi napi a lawmte lakah min dawk hi. A ngaihsutna khuak uh kuaman ban
khol lo hi. Amuh azak thu khat ciapteh tawntung thei uh hi. Peter Masa leh
Peter Nihna gen bangin Khrih sungah pilna ngah kim n gadingin hong kipia pilna
in mimal kim ngah theih dingin tungah a kipia, a ki-ap mi khempeuh tungah Ama
sungah pilna ngah theihna hong kipia hi. Tua bangin thapiaknate leh siatna sung
tun khak loh ding pilvan a kulna enkak in (2 Peter 2).
2
Peter 2:1–17 sim in. Hilhkholhna leh a lauhuai bang kipulaak hiam? Tua bangin
hilhkholhna leh a lauhuaite lakah lametna kamciam bang hong kipia hiam?
Peter
in kithuhilh a thusim lo mite tungah thuhilh hi. Tuhun-in zong tua bang mahin
hong hilh hi lo hiam? Pawlpi in tungsiah pan thuhilhnate zuih ding kisam hi
(Heb. 13: 7, 17, 24). Topa thupiakte langpanna ahih kei nakleh tua bangin ukna
neite thumang ding kisam hi. Ahi zongin thupiak khempeuh a zui mite thuak ding
gimna om hi (Aneu 8,9). Thuman lo a teel zaw mite tungah gimna lianpi tung ding
hi; ahi zongin Pasian sutna a nei mite in zia-etna panin suakta ding uh hi.
Khristian pilsinna in siatna pelh ding bek hi lo-in a simtham-in a vak
khiankhian lauhuai thuman langpannate panin kidal nading leh suahtakna zong
kihel hi (2Pet. 2:1). Tungsiah thupiak a thusim lo mite tungah mawhsakna thu a
om mah bangin Khristian pilsinna in tungsiah makaite thupiak theitelin, a thu
mang-in, amau ukna sungah nuntak siamna zong kihel hi (Heb. 13:7)
Adam
leh Eve in tungsiah thupiak thusim lo uh hi, i ci kei zongin, a tawpna-ah
thupiak nial ding khentat zaw uh hi. Pasian mahmah in hilh-in a thupiak in Adam
leh Eve aa ding thu hoih hi zaw napi, bang thu in amau thupalsatna in siatna
lianpi suaksak hi ding hiam?
Pawl
sung, innkuan sung bek hi lo, a huampi-in ukna nei tawh kisai ngaihsun in. Bang
hangin ukna neite thuman thutak tawh nasem-in amau thupiak zuih ding thupi
hiam? Na lawmte tawh kikum in.
FRIDAY October
2 8
NGAIHSUTBEH
DING: “Adam le Eve in nu le pa bangin Pasian kepna
nuai-ah a om mah bangin na khempeuh a thei Piangsakpa laihilhna nuai -a om
sangnaupangte hi. Vantungmite in amaute vilin kem uh hi. Bangmah a dal a liah
om lo-in Adam leh Eve in amaute a Piangsakpa tawh kizopna nei uh hi. Nuntakna
singkung in amaute hatna guan hi; amaute theihna in vantungmite theihna sangin
tawm khat niam zaw deuh hi. Adam le Eve tungah, Pasian in Ama pilna tawh a bawl
a lamdang, kicinna tawh kidim vankhua-nuai leh a sung a om khempeuh in a bei
thei lo theihna guanin amaute nopsakna phungpi hi (Job 37:16) Mihing in kum
6000 val bang kimlepaam nate pianzia, a omzia a kantel dingin a BAWLPA leh a
KEMCING PA in amaute lungsim kongkhak honsak hi. Amaute in singtehte, paakte,
singkungte pianzia lamdang a sak thute uh pulaak khia uh hi. Tui sung ganhing
golpite a kipan nuntakna nei ganhing tuamtuamte, lungnote dongin Adam in a
theihkhak loh bang mah om lo hi. Adam in tua ganhingte min ding guan ciat hi.
Adam in nate leh ganhingte pianzia a theih khak loh om lo hi. Vantung in Pasian
vangliatna pulaakin simzawh loh leitung tuamtuamte omzia, van a meite
khuasakzia, khuavak pianzia, awging a om theihna, sunn le zan a hong pianna
cihte in Adam leh Eve in a bei thei lo pilna a ngahna mun uh hong suak hi. Gam
sung singteh khat ciat hi taleh mualtung a suangte hi taleh aksite, huih akipan
vankuumpi tungah Pasian min kigelh hi. Piansak nate omzia, a etlawm diamdiam
amaute nasepzia uh cihte in Pasian pilna leh a vangliatna pulaak uh hi. Amaute
in tatsat lo- in nate hoihna mu thakna nei tawntung uh hi; amaute in itna tawh
kidimin a lungdamna uh pulaak tawntung uh hi.” Ellen G. White, Patriarchs 10
and Prophets, pp. 50, 51.
KIKUP DING DOTNATE
1. Tuni tuhun-in Topa tawh kizopna hi taleh piansak nate tungtawnin Pasian deihna na mu hiam? Koi bangin na sepna, pilsinna, hihna khempeuh in Topa theihtelna hi thei hiam?
2. Eden huan a Satan ngiansiamna in hong zo-in mihing thaneemna hangin lungkiat na hong tung hi. Adam leh Eve in Pasian tawh maitang kimu-in kiho thei uh hi mah taleh thuman leh zuah thu helhzau um kha uh hi. Adam leh Eve bangin maitang kimu-in Pasian tawh kizopna i neih loh hangin, koi bangin zia-etna zo thei veve ding i hiam?
3. Ukna
nei-te thupiak mang ding, bang hangin thumang ding cihte na lawmte tawh kikum
in. Ukna nei-te a ginat loh uh ciangin bang piang hiam? Koi bangin thuneihna
kizang khial hiam? Tua bang thute koi bangin na mu hiam?
