Ka
Mangngilh Theihloh Zanmang Nihte
INDIA
| October 31
Rashmi
Ravi Chandra, 32
Khristian thu-u mi hi lo innkuan sung pan a khangkhia ka hi hi. Numei guk lak pan a u pen ka hi. Nungaklai khat ahihna tawh kizui-in Khristian nunzia bangin a nungta ding ka deih hi. Tawl khat khit ciangin Seventh-day Adventist tangval khat, Ravi tawh kingai uh hi. Ka lungtang Jesuh ka pia a, kiteengin nupa nuam khat ka suak uh hi. Ka kiteen khit uh kha 3 ciangin ka cina hi. Suun ciangin tha khatin tuk vatvat thei hi. Ka nulepa in dawivei dingin hong ngaihsun uh hi.Bang hanghiam cihleh ka biakna nusia-in Khristian upna na zuih man hi, hong ci uh hi. Ahi zongin ka pa in thungen dingin Adventist pastor khat va sam hi.
Ravi tawh pastor innah ka va pai uh
hi. Pastor in ka lu tungah a khut hong nga-in thu hong ngetsak hi. “ Topa
aw, nangma deihna ahihleh hih na tanu natna damsak in. Nangmah a hong um ahih
manin ama sungah nalamdang khat hong mu sak in. Dawi nasepna khempeuh hong
hemkhia in. Tua zan ciangin ka nupa-un limtak ka ihmu thei uh hi. Ka mang mat
in ka lungsim hong buaisak hi.
Tua ka mang sungah puan vom tawh kikhuh mihon
khat in hong sal gega ka mu hi. Tua mite lak pan kei sangin a tha sang zaw khat
in ka gei ah hong ding a, ka khut hong lenin a heh mahmah a tha sang mi khat
hong lak hi. “ Bang hangin Adventist
biakinn ah kikhawm na hi hiam? ci-in hong dong hi. Tua tak
mi tun sang mahmah pen na pasian hi; amah na biak ding hi, hongci hi.
Jesuh kiangah na pai kul lo hi,ci hi. Tua mi tun sang pa in hehna tawh kidim
hi. Tua mipa ka en ngam kei hi. Ka lu
kunin ka kap hi. Tawl khat khit ciangin
puankaang silh mi khat in ka nunglam pan hong pusuak ka mu hi. A khut ka tungah hong nga-in a mai ka mu thei
kei hi. A puan silh bek ka mu thei hi.
Amah ka lawn ciangin a ci a sa ngekin awdam takin hong hopih a , “ Lau
kei in. Nang ka hong ompih hi,” hong ci hi.
Puanvom
tawh kituam a tun sang mahmah pa en dingin hong sawl a, a khut in ka liangko ah
omin ka lungmuang a, tua mipa lau lo in ka en ngam hi. Tua mipa a heh suak lua-in hehsa-in kei hong enphei hi.
A zingsang ciangin Ravi tawh pastor
innah ka va pai kik uh hi. Pastor tungah ka mangmat ka pulaak hi. “Na liangko tungah khut hong nga pen midang
hi lo-in Jesuh hi” hongci hi. Ka vekun thu ka ngenkhawm uh hi. Tua ni a kipan
suun ciangin tha khatin ka tuk vatvatnate hong om nawn lo hi. Ka nuntakna buppi
in tha khatin hong kikhel hi.
Ka kiteenma-in a lungkhauh mahmah mi
khat ka hi a, Jesuh tungah ka ki-ap khit
ciangin zong ka lungkhauhna tawmtawm bang om lai veve hi. Ka innkuanpihte biakna sungah ka kihelna zong
om veve hi. Sabbath ni pen thupi takpi
ka ngaihsun thei nai kei hi. Ka mangmat
khit a kipan ka pasal leh pastor in kei aa dingin thu hong ngetsak uh hi. Damdamin
ka nuntakna Topa tungah ka kipia thei hi. Sabbath ni-in nisim nasep ka sem nawn kei hi.
Tua khit ciangin mang khat ka man kik
hi. Awneem takin hopihna khat ka za a, “
Mawhna bawl kei in. A sawt lo-in thukhenna mai-ah na ding ding hi,” hongci hi.
Tua awging in ka lungsim hong sukha
mahmah hi. Ahi zongin lamdangsakna mel ka nei kei hi. Zankim laitakin ka
ihmutna panin ka khanglo hi. Ka pasal tungah ka mangmat ka gen hi. “ Kha
Siangtho in hong ompih hi ding hi”
hongci hi. “Satan in cihmah hunin thukhenna
thu gen ngei lo hi. Kidawm in” hongci hi.
Ka mangmat khit ciangin ka nunzia ka
sittel pha kik hi. Pasian huhna tawh ka lungkhauh nawn kei hi.
Zia-etnate ka nan zawh nadingin Pasian huhna ka ngen phapha hi. Ka pasal tawh thungenkhawmin hun tampi ka
zang uh hi. Pawlpi nasepna tuamtuamte-ah ka kihel zaw deuhta hi. Tu-in tapa nih
ka nei uh a, kum 10 khat leh kum 6 pha uh hi. Pawl sungah lasakna leh music tum
tuamtuamah kihel thei uh hi.
Kei pen kumpi nasem khat ka hihna tawh
kizui-in Saturday ni nasep a hong
kipia-te Sunday niteh ka sem hi.
Khristian hi nai lo mite tungah ka upna thu tecipang ding ka lunggulh khat hi.
Ka naseppihte nih in biakinnah kikhawm ding ka zot ciangin hong ut pah uh hi.
Ka mangmatnate hangin Topa tungah lungdamna ka ko hi. Ka mangmat tungtawnin Jesuh in kei hong
ompihna thu ka mu hi. Ka nuntakna
khempeuh Ama tungah kipia dingin ka ki-ap hi.
Tu quarter Sabbath School 13na sumpi
in Bengaluru khuapi sungah biakinn nih kilam nadingin kipuak ding hi.
MUC in Tuikhal sanginn aa dingin
kipuak ding hi
