Jayasheela
Venkatesh, 34
INDIA | October 3
Tuma kum 9 lai-in Jayasheela in India gam khuano khat ah teeng hi. Hih khuata-ah nuntak hamsa mahmah hi. A pasal Venkatesh in nasep ngah ding hamsa hi. Jayasheela in kum 4 a pha tapa khat leh kum 2 pha numei khat kemin innngak hi. Nisimin innkuan biakna tau tungah kikoih suang tawh kibawl pasian tuamtuamte tungah thungen hi. “Friday ni khat, a nupa-un, antangin suun tawntung angtangin thungen uh hi: “ Tuni ka nek ding uh an hong pia in. Sum nei nawn lo, nek ding nei lo-in ka nupa-un anngawl ung, ci-in a pasiante tungah thungen uh hi. Annek ding ngah hamsatna khuano khat hi. Khat veivei ciangin a vengte anteh kholh thei zel uh hi. Khat veivei ciangin nek ding nei lo-in anngawl uh hi. Jayasheela in banghangi pasiante in hong mangngilh uh hi ding hiam, ci-in ngaihsun kha zel hi.
Sunday ni khat Khristian biakinn
khatah a innkuanun va kikhawm uh hi. Pasian man thei nuam taktak uh hi. Lamet
lohin a zi in zato-ah pailoh phamawh hi. Ta numei khat nau hong suak khia in, a
ta in limtakin nak zo lo ahih manin zato zuat hong kul hi. Zato –ah siavuante in limtak velsak uh a, “ka
cih nading uh bangmah thei kei ung,” ci-in a nu tungah pulaak uh hi. Jayasheela
in pastor tungah pulaakin naungek dam nadingin thungen uh hi. Jayasheela in a
man Pasian ka mu takpi diam, ci-in lunghimawhna tawh kidim hi.
Ni khat a tate thum zong a vekun cina
uh hi. Pastor tungah pulaakin Pasian
tungah damna ngen dingin gen hi. A tate
thum zong natna pan damna ngah ciat uh hi. Tawlkhat khit ciangin tua pastor in
sihsan hi. Jayasheela in lungmang hi.
Ama kitangsapna khempeuh pastor tungah va pulaak thei zelzel ahih manin ama
omloh khitah Jayasheela in hawm kisa mahmah hi.
Ni khat a tate thum cina kik uh hi.
Jayasheela in a cih nading thei nawn lo hi. Kua tungah pulaak ding? A kikhop
ngei na zel pastor a sih khit ciangin pastor kikoih kik nailo-in upa nihte in
pawlpi makaih uh hi. Jayasheela in amah le amahin thungen thei nai lo hi. Cih
nadang thei lo ahih manin a khitui luangin kap hi. Tua kawmmahin Lai Siangtho Bu khat la-in sim
ding kipan hi. Amah pen Tan 4 ciang khawng sangkah ahih manin laipai simthei
hi. Jesuh thu sim ding a zonzon ciangin a lamdangtakin Jesuh in Sunday ni-in
biakpiakna nei lo-in, Saturday, Sabbath
ni zang ahihna hong mukhia hi. Biakinnah a va pai ciangin pastor thak khat na
tung khin hi.
Jayasheela in pastor tungah “ Saturday
ni pen Lai Siangtho sungah ni siangtho ni hi,ci-in gen hi, a cih ciangin a
pastor in zadah hi.?” Tua bang dotna deih lo hi. Sinna leh theihna bangmah nei lo ci-in nusia
hi. Tua pastor in Jayasheel tungah ‘
nang pen dawivei nu hiteh; Jesuh in thukham khempeuh beisak khin zo hi.
Lunghimawh kei in,” cihsan hi. Tua bang tengtawh Jayasheela zong pusuak khia
hi. Ni khat kum 12 a pha numei khat in
Thukham Sawm lotngahin gen hi. Tua numei no in Thukham li-na nihvei gen kik hi.
“ Sabbath ni a siangtho a zat ding phawk in” (Pai. 20:8).
Numei no in Thukham Sawm khempeuh
lotngahzo ahih manin pastor in pakta mahmah hi. Pastor in Jesuh in Thukham
khempeuh beisak hi, ci-in um hi napi, banghangin Thukham Sawm a lotngah khat
tua bangin pakta hi ding hiam, ci-in Jayasheela in lamdangsak hi. Tua khit ciangin Jayasheela in pastor innah
vahawh hi. Pastor inn sungah Thukham Sawm kigelh amuh ciangin pastor pa in Thukham Sawm bei khin hi, ci-in
a gen pen lamdangsa mahmah hi. Jayasheel in Jesuh tungah thunget hong kipan
hi. “ Jesuh aw, thuman hong hilh in,” ci-in ngen hi. Tua zan ciangin a mang sungah
tai kidemna khat om a, Jayasheela zong tua tai kidemna-ah va kihel hi. Thakhat
thu-in mi khatin khawlsakin, Jayasheel in a ihmutna pan khanglo hi. Tua tai
kidemna-ah a khaktan bang hi ding hiam ci-in Jayasheel in ngaihsunsun hi. Lamdangsa mahmah ahih manin Jesuh tungah thungen kikin, Topa aw ka zuih ding lampi hong lak in, ci-in
thungen hi.
Tawlkhat khit ciangin kum tampi sung
kimu lo a sanggampa khat tawh hong kithu za uh hi. Tua a sanggampa in Jayasheel
tungah Thukham Sawm ka zui hi. Sabbath ni limtak ka tawlnga uh hi, ci-in pulaak
hi.
Tu-in Jayasheela leh a pasal in Seventh-day Adventists sungah
citak hong suak uh hi. Inn thak khat nei uh a, tua inn pen kikhopna biakinn
hong suak hi. A innkuan un nek ding dawn ding kisamin om nawn lo uh hi. Nunglam
deuh khatin mi 15 in tuikiphum uh hi.
Tu quarter leitungbup Sabbath 13na
sumpi in Jayasheela tenna khua pan a gamla lo khua, Bengaluru-ah biakinn nih
kilam ding hi.
