Inn
Sungah Humpi
INDIA
| December 5
Samson
Gulam Masih, 48
Gulam Masih in Pasian tawh kisai thudot hau peuh mah hi. A neulai-in a pa zui-in biakpiakna mun tuamtuamah va kihel hi. A pu, a pa uh biakna munah va pai-in pasian tuamtuamte bia-in Sunday ni ciangin biakinn ah va pai zel hi. A pa in amau pasiante bia ding maw, a nungta Pasian bia ding cih khentel zo lo hi. A laibu simnate ah Jesuh thu tampi kipulaak hi.Amau kamsangte sangin Jesuh thu tam veipi kipulaak zaw hi. Hih pen bang hang hi ding hiam, tel zo lo hi.
A innkuanun pupa ngei-na biakna leh
Christian biakna khelhkhawm uh hi. Gulam a kum hong tam zawk deuh ciangin Khristian upna zuih ding lunggulh zaw hi. Ahi
zongin Khristian upna thu kanbeh, theibeh nuam hi. Jesuh mahmah a mit tawh mu nuam hi. “ Jesuh
aw, na maitang kong mu nuam hi,” ci-in thungen den hi.
Tangval khat ahihna tawh inn pan
khualzin khia-in khuano Chakwal hong zuan hi. Hih munah amah kia-in Lai
Siangtho thusinna nei hi. A khuapihte in Khristian biakna pen deih het lo uh
hi; dawi biakna zui zaw uh hi. A khuapihte in Gulam kikhelna amuh uhteh lamdangsa uh hi. A
khuapihte cina khat a omleh thungetsakin amaute in damna ngah uh hi. A khuapihte in min thak khat phuah uh a, “Mi
Siangtho” ci uh hi. A khuapihte un Gulam zahtak mahmah uh a, a giakna bukah nek
ding an le tui va puak uh hi. A buk sungah Gulam in thungenin Lai Siangtho sim
hi. Daniel leh Mangmuhna limtak sim
phapha hi. Jesuh mu nuamin thungen
tawntung hi.
“Jesuh aw, na maitang kong mu nuam hi;
hong kilaak in,” ci-in thungen tawntung hi.
Tua
bangin a thunget nitak khat sual niin mahmah tung khatah thungenin Lai Siangtho
sim a a om laitakin a omna humpi khat
hong pai mu hi. Tua humpi in amah en
gega hi. Gulam zong lau mahmah hi. Tua
humpi kiang pan amah kihem khia hi. Tua
leh aw ging khat za a, “ lau kei in. Ka khut tawh tua humpi a lu pan a mei dong
zut in,”ci-in a sawlna awging khat za hi. “ Tua bangin zut ngam kei ning. Humpi
in hong pet lum ding hi,” ci-in ngaihsun hi. “Keimah mu dingin thu na ngen
tawntung hi” ci-in, “ Jesuh mu nuam a thungen hi zaw ing” ci-in gen hi. Tua awging in
“ Jesuh in Judah limcing humpi bangin a hong kilang hi,” ci-in pulaak
kik hi. Gulam in Mangmuhna 5:5 sungah humpi limcinna a sim khak thute phawk kik
a, lau mahmah hi taleh a kisawl bangin a zut loh ding lah ut lo hi.
Lau
kawmkawmin a khut lamto-in humpi lu tungah a khut a koih leh tua humpi tai
lo hi.
Damdamin a humpi tu pan a mei dong zut suksuk hi. A mei dong a zut khit ciangin humpi in a mei
siing khia-in leivui honpi kia khia hi. Tua leh tua humpi in khuamial sungah
mangziau hi.
A zingsang ciangin nupi khat in an
puak dingin hong pai a, humpi khekhap mu
hi. A an puak lei-ah nusia-in nawhsa takin kileh kikin a humpi khekhap ka mu
hi. “ Mi Siangtho pa” pet lum pet pet ding hi, ci-in a khuapihte tungah va pulaak hi. A khuapihte zong “Mi Siangtho pa “ omna buk
zuanin hong pai ngei ngai uh hi. Tua buk
ah hong tun uh ciangin Gulam bangmah ci lo-in om amuh uh ciangin lamdangsa-in
Gulam in tua munah Jesuh thu tecipang kik hi.
Hun khat khit ciangin Gulam in
Seventhday Adventist pastor khat tawh hong kimu-in tui kiphum hi. A khua Dharm
Kot Bagga ah pawlpi khat hong ding khia zo hi. Gulam in tapa nga leh tanu nih
nei h. 1999 kumin kum 90 pha-in si hi. A tap tum pen Samson, kum 48 hi-in,
humpi tuah khak thu tawh kisai Pasian kepna tecipang kawikawi hi. Pasian in
mihingte lunggulhna bangin nasem hi, ci-in Pasian hoihna pulaak hi.
Tu quarter leitungbup Sabbath School
13na sumpi in Gulam Masih tenna Amritsar ah biakinn lam nadingin kipuak ding
hi.
MUC in Tuikhal Sanginn aa dingin
kipuak ding hi.
