Dawi-ai
nei in amah leh amah kidamsak zo lo
INDIA
| November 28
Bagicha
Singh, 70
Punjab cih kammal in kammal nih kigawm hi-in, “ panj” mal nga cihna hi-in ‘ab’ in tui cihna hi. Gam sung a gun mal nga, Beas Gun, Chenab Gun, Jhelum Gun, Ravi Gun leh Sutlej Gun cihna hi.
Bagicha Singh in India gam khuano khat
panin a khangkhia hi-in, singkung tuamtuam leh milim tuamtuam bia hi. A biak
pasiante in vanglian mahmah hi, cih upna nei hi. Amah pen dawi-ai nei, phuisam
thei khat hi-in sumlepaai, van le na tampi ngah hi. Mi tampi in ama teenna Mundrichurimra
khuano ah va pai uh hi. Bagicha in
neihlelamh, sumlepaai hau mahmah hi. Ahi zongin lungnopna nei lo hi. Ni khat a cina hi. Lua gawp hi. Lung-aam hi.
Lungtang na sa lua mahmah hi. A dam nadingin dawi-ai khat kiangah va pai hi. A
natna pan dam nuam mahmah hi taleh dam zo lo hi. Sum tampi bei khin a, siavuan
tuamtuamte kiangah va kilak taleh dam thei lo hi. Lunggimin om hi. “ Sihna manawh ta ing,”
ci-in kapgawp hi. Bangmah nasem thei
nawn lo hi; sum ngahna zong nei nawn lo hi. Tawlkhat sung damna ngah dingin mi
kim khat hong pai veve uh a, bangmah a huh theih om tuan lo hi. “ Kei mahmah zong ka ci na hi; note hong
damsak thei keng, ci-in damna ngah nuam a hong pai mite ciahsak kik hi.
Ni khat a tapa in Global Mission nasem
sia khat a innah samin thungen dingin sawl hi.
Global Mission nasem Samson Soni zong
va pai-in ahi zongin dawi-ai nei Bagicha
in hopih nuam lo hi. “ Thunget deih keng. Keima dawi-ai in nangma Pasian sangin
vanglian zaw hi” ci-in Bagicha nial hi.
Ahi zongin Bagicha in thungensak veve hi. Tua khit ciangin Bagicha natna suk
zaw semsem hi. Mawtaw tawh minutes
90 bang kipai ding Jalandhar khua-ah
zato kipuak hi. Zato a tun uh ciangin
siavuante in limtak vel uh a, Bagicha in a khuak ah a bawk golpi khat om hi,
cih mu khia uh hi. “Ki-at kul ding hi; ki-at kei lecin sawt dam kei niteh” ci
uh hi. Ahi zongin ki-at nading sum tampi kisam hi. Bagicha in dawi-ai nasepna
tungtawnin sum tampi ngah hi taleh a sum ngah khempeuh bei mang khin a, tu-in
kibawl nading sum kisam zah a lang khawng ding bek nei lai hi. Ki-at nading sum
kisam hi. Samson in Bagicha zato lum cih thu a zak ciangin amah zong zato ah
natveh dingin va pai hi.
Bagicha
in cimawh genthei-in a cih nading thei lo hi. Bagicha in Samson amuh ciangin “Hih
munah Jesuh hong tung hi. Amah in ka natna hong damsak ding hi,” ci-in pulaak
hi.
Thungen dingin siavuante tung pan
phalna a ngah khit uhteh thungen uh hi.
Khitui luangin thungetna Topa in dawng hi. “ Topa aw, Jesuh min tawh
Bagicha natna damsak in” ci-in pastor Samson in thungen hi.
A zingsang ciangin siavuante in cina
velin hong pai kik uh a, Bagicha natna
themno khat zong mu lo uh hi. Limtak en pha kik uh a, lamdangtakin a khauk
sunga sabawk beimang hi. Siavuanpite in zong lamdangsa uh a, Bagicha thu dong
uh hi. “ Ka khauk sung a sa bawk koi ah om hiam,” ci-in a dot uh hi. Kua Pasian in nang hong damsak
hiam, ci-in dong uh hi. Bagicha in maitai kawmin dawng kik a, “ A beisa hunin dawi tawh kipawlin nakpi
nasem khat ka hi hi. Ahi zongin Global Mission
nasem
khat in thu hong ngetsak a, Jesuh hong kilangin a dam ka hi hi,” ci-in dawngkik
hi. Tu-in Jesuh ka um hi. Jesuh in ka
natna hong damsak hi” ci-in pulaak hi.
Sabbath kik ciangin biakinn ah kikhawm
dingin pastor Samson omna khua ah va pai hi. “ Jesuh in hong damsak hi” ci-in
tecipang kawikawi hi. A khua-ah zong a
veng le paamte tungah a damna thu pulaak hi.
Dawi nasepna panin ka suakta hi; ka damsiang hi. Jesuh in hong damsak
hi. Hong pai un. Jesuh bia ding ni,” ci-in tecipang kawikawi hi.
Tua bangin Bagicha tecipanna panin mi
tampi in Sabbath ni-in hong kikhawm uh hi. Mi 50 bangin pastor Samson kiangah
Lai Siangtho thusinna nei uh hi. Bagicha
innkuanpihte a kipan mi 25 in September 2018 kumin kituiphum uh hi. Tui kiphum
nai lote in zong Lai Siangtho thusinna nei toto uh hi. Tu-in Bagicha in pawlpi
mi kician mahmah khat hong suak hi.
Bagicha leh midang 25 in pastor Samson
nasepna tungtawnin Gulam Masih khua-ah pawlpi hong ding thei hi.
Tu quarter leitungbup Sabbath School
13na sumpi in Gulam Masih khua a Bagicha kikhop nading biakinn a gol khat lam
nadingin kipuak ding hi.
MUC in Tuikhal Sanginn aa dingin
kipuak ding hi.
