Aw Neem khat in Hopih
November 14, 2020
Wilbur Pereira in a sanggampa khat tawh mawtaw tuang khawm uh a, a sanggampa amuh loh kum 30 val khin hi. Anihun India gam khanglam khua khatah mopawi siim dingin khualzin uh hi-in, Wilbur zi in ama kiangah hawh dingin a sap ahi hi. “Topa min kiphat ta hen”ci-in Wilbur in dawngkik hi. A sanggampa Walter in lamdangsa-in en phei hi.
India gamah Khristian tam lo hi. “Na
biakna bang hiam? ci-in a kidotteh Wilbur in Sunday ni-in biakinn ah ka pai hi,
ci-in dawngkik hi. A neutung a kipan a up thute tu-in um nawn lo hi. Wilbur in na khempeuh in pagan (dawi biakna)
hi, ci hi. Lai Siangtho sungah “ Keimah
simloh Pasian dang na nei kei ding hi, ci hi. Ahi zongin na biakinn sungah Mary
a kipan milim tuamtuam om amuh ciangin thuman thutak theitel nuam hi. Walter in
“ Lunghimawh kei in. Thuman tawh na kinai hi. Ni khat ni ciangin Pasian in a
man pawlpi sungah hong tunpih ding hi, ci hi.
Mopawi bawlna an vakna ah sameh kihel
lo anteh leh a tuamtuam kipia hi. Wilbur
in voksa duh ahih manin voksa amuh loh ciangin a lungkia hi. Inn a tun kik
ciangin Wilbur in Lai Siangtho simin thuman kan hi. Ni khat Christian biakna hi
lo biakna dang tuamtuamte biakinnah va kikhawm hi. Biakna/pawlpi man khat om
ding hi, cih lamen hi.
Wilbur in a neutung a kipan a omna
pawlpi pen thuman tawh kituak lo pawlpi, Lai Siangtho bangin a kalsuan hi lo
pawlpi hi,. cih hong phawk hi. Saturday ni khat a lawm zi Nancy tawh kikhawm
dingin zawn hi. Nancy in biakinnah
kikhawm pai nuam nawn lo hi. A nitak
ciangin Nancy in a innkuanpihte tungah Wilbur in biakinnah kikhawm ding sawl
dingin gen hi. Ahi zongin Wilbur in kikhawm nuam lo hi. Ahi zongin koi biakinn
ah kikhawm ding cih ngaihsunsun hi.
A zingsang ciangin suun an lei dingin
a pai kawmkhawmin koi biakinnah kikhawm ding cih ngaihsunsun hi. Thakhat thu in
pasal khat in hopih hi. “ Na sanggampa sam in” cih awging khat za hi. Wilbur in tua awging kinlo-in pai suak hi.
“Na sanggampa sam in” cih awging khat za kik leuleu hi. Wilbur in tua bang awging a zak kik ciangin
khawlin a phone lakhia-in Walter hopih hi.
Walter
in a zi tawh kitawngin paikhia-in koi
biakinnah kikhawm ding cih theician lo hi.
Walter in Seventh-day Adventist
biakinn ah ka kikhawm hi, ci-in dawng hi. Wilbur in biakinn sign mu-in, ahi
zongin bang pawlpi cih thei lo hi. Walter in kaal thum sung Lai Siangtho thu
sinna neih pih hi.Saturday ni a hong tun
kik ciangin Wilbur in High Street Seventhday Adventist mangpau tawh
thugenna biakinn ah va kikhawm hi. Hih
biakinn ah Sabbath School thu kikupna hun thupi sa mahmah hi.
Nancy in Wilbur upna thak langpan hi.
Nisimin thu kinial den uh hi. Ahi zongin
a pasal nunzia nisimin kikhel amuh ciangin lamdangsa hi. A pasal in zatep nawn
lo, zu dawn nawn lo hi. Sabbath ni hong tun ciangin a pasal in zing an ding
bawl hi. A pasal in bawngnawi leh aktui ne nawn lo-in a tate pia amuh ciangin a
zi in lamdangsa hi.
Wilbur in a hihna khempeuh tawh Pasian
zahtak ding lunggulhna nei hi. Sabbath
ni tawlnga ding khentat hi. Biakinn bangin
a pumpi kemcing ding kipan hi. A zi in
bang gen hiam cihleh amah sangin a pasal cidam zaw hi, cih mu hi. A zi in
ngawng nat nei hi. Adventist pawlpi in
cinat etna khat nei uh a, tua munah a zi zong va kilak hi. Hih clinic ah sum piak kul lo-in kilakin
zatang zong ngah thei uh hi. A zi in hih
munah va pai-in siavuante in cidamna leh upna thu kizopna nei ahihlam limtak
hilh uh hi. Hih thu a zak ciangin Nancy in lamdangsa hi. Hih bang thu ngei lo
hi. Inn a tun ciangin Nancy in a lawmte
kiangah hih clinic hoihna thu gen kawikawi hi.
Sabbath
hong tun kik ciangin pai kik nawn lo-in Wilbur leh a tapa biakinnah kikhawm uh
hi. Naupang in Sabbath School nuamsa mahmah hi; tangthu a kigente zaknopsa hi.
Kikhop tuah ciangin pawlpi mite in annek khopna nei uh hi. A nitak ciangin a
tapa in a nu tungah suun a tuah thute pulaak hi. Nancy in tua bang thute a zak ciangin Lai
Siangtho thu theihbeh nuam hi. Lai Siangtho thu sinna nei uh a, tawl khat khit
ciangin nasepna pan Sabbath ni tawlnga dingin khentat hi. “ Sabbath ni-in nasem kuanin ka pai nawn kei
ding hi. Nasep a sup lawh hangin pamawh lo hi, ci-in a upna bangin nungta hi.
Tu-in
Wilbur leh Nancy in zato ah hunbit nasemin om uh hi. Huhna kisam mite
huhna-ah cidamna thu a theih ding uh kisam hi. Zato mangte Mangpa tawh a kimuh
nadingun makaih ding kisamhi.
Tu quarter Sabbath School 13na sumpi
in Bengaluru khuapi ah biakinn nih kilam nadingin kipuak ding hi.
MUC in Tuikhal Sanginn aa dingin
kipuak ding hi.
