A
Pu Bawlsiatna Thuak
13th
SABBATH: INDIA | Dec. 26
Kajal Kannojiya, 14
A pu uh in mi hehpih thei khat hi. A pu in a tu nu kum 5 a pha Kajal tungah ama tuahkhak thute tangthu gen bangin gen hi. Kajal in a sanggam khat Nishant tawh inn sung sual tungah kimawlmawl uh hi.
A pu uh in mi hehpih thei khat
hi. A pu in a tu nu kum 5 a pha Kajal tungah
ama tuahkhak thute tangthu gen bangin gen hi. Kajal in a sanggam khat Nishant
tawh inn sung sual tungah kimawlmawl uh hi.
Upmawh kholh lohin a pu in sual tungah a khe taal hi. Khuano
Naorolli panin a tawi khaigah khempeuh bua mang hi. Sual tung pan thoto zo hi. Nishant in a pu
tawh kimawl ding a zot ciangin a pu in kimawl nuam nawn lo hi. Kajal hong
pai-in tangthu gen ding a sawl ciangin gen nawn lo hi. A pu in inn sung tengah
kilek suk kilek to cih bangin om a, inn tungah kahto zel cih bangin buai mahmah
hi. A heh suak ahih man a gei a om peuhpeuh na khat tawh sat den hi. A zi a gei ah hong
pai ciangin sat hi. A
innkuanpihte lungkhamin zato khatah kilak dingin va paipih uh hi. Phuisam thei
tuamtuamte kiangah zong va pai uh hi. Zatui nek ding tuamtuam pia uh hi taleh
dam thei lo hi. Kajal lah heh denin gilo
tawntung hi. A pu in tangthu gen ding bek lunggulh hi.
A sawt
ciangin a nu in i biak pasian tuamtuamte in bang kimanna nei uh hiam?
ci-in a up lahna thu pulaak khia hi. I biak pasiante sangin a vanglian zaw khat
om hi ding hi; hihte inn kuan in suang pasian bia uh hi; hih suang pasian nusia
ni,” ci-in hong kikum uh hi. Khuano, khuapi tuamtuamah pasian bia kawikawi uh
a, a pu uh bangmah kilamdanna nei lo hi.
Amau khua panin Varanasi khuapi-ah innsap uh a, hong kituah uh hi. Kajal
lungdam mahmah hi; bang hang hiam cihleh a pu in damna ngah ding cih lamen hi.
A nu le a pa in puansawpna (laundry) tawh sum zonna khat nei uh hi. A pu pen
siavuan tuamtuam tawh kilak hi.
Sunday ni khat a nu le pa I n
Christian biakinn ah kikhoppih dingin hong ngaihsun uh hi. A nu in amau
kitheihpihte khat in khawm dingin zawn tawntung ahih manin kikhawm ding hong
ngaihsun uh hi. Tua kikhopna-ah pastor in a pu uh dam nading thungen hi. Amau innkuan pen Khristian biakna sung a om
loh uh hangin a nungta Pasian tungah thungen ding hamsa ngaihsut lo uh hi. A nu
in Kajal leh Nishant naupanglai na hih manun kikhawm ding hong zui kei unla,
inn ah na pu tawh om un, ci-in sawl hi. Kikhop khit ciangin pastor in amaute aa
ding thungetna nei hi.
Sunday ni hong tun kik ciangin
zong a nupa un kikhawm kik ding ngaihsun
uh hi. A innsapna innnei pa-in Khristian
biakinn ah kikhawm uh cih a theih ciangin heh a, mun dangah kituah dingin
hawlkhia hi. “ Jesuh bia-in ka innsapin
na om thei kei ding uh hi, ci-in a innsapsak ding deih nawn lo hi. Innsap kiman
mu zo lo uh ahih manin a khua ah hong ciah kik phot uh hi.
A nu le a pa in Jesuh pen Pasian takpi
hi, cih um ahih manin kikhawm nuam uh hi taleh a khua uhah kikhop nading
biakinn om lo ahih manin lungkia mahmah uh hi. A nupa-un thungen uh a, Topa aw,
itna tawh kidim Pasian na hihleh ka kikhop theih nading biakinn khat hong lak
in, ci-in thungen uh hi.
Saturday ni hong tungin a nu in khua sung mun khatah
la kisa aw ging khat za hi. Pusuak khia-in, bang hi ding hiam ci-in limtak va
ngai hi. Tua mite in lamdungah lasa va mu
hi. Hihte in bang hangin lamdung ah lasa uh hiam, ci-in a vengte dong
hi. A veng nu in “ Pasian bia uh ai ve”ci-in dawng kik hi. A nu in “ Bang hangin hih mite in Sunday ni-in
kikhawm lo uh hiam, ci-in dong kik a, a veng nu in, thei kha keng, ahi
zongin Saturday nisialin Pasian bia uh hi, ci-in dawngkik hi.
Tua banga kiho a za a vengte khat Jira
in hong pai in kei mah in hong paipih ning, ci-in sam hi. Jira pen Adventist thu-um khat hi. Jira
in a pawlpi tungah a thupiangte pulaak hi. Kikhop khit ciangin pastor in sam
a, a nu un, Khristian tampi in Sunday ni
kikhawm uh a, bang hang a Sunday ni kikhawm lo a, Saturday ni a kikhawm, ci-in
dong hi. Pastor in Kajal innkuan
tungah Lai Siangtho thusinpihna nei-in
piansak thu a kipan hotkhiatna thute hilh hi.
A pu uh dam zo lo-in tua bangin Lai
Siangtho thusinna a neih hun sungin sihsan hi. Kajal leh Nishant in a pu tung
pan tangthu a zak nawn loh uh hangin, biakinn ah kigen tangthute za za thei uh
hi. Tu-in Kajal in kum 14 pha a, a sanggampa Nishant in 12 pha hi. Varanasi
Adventist Sangah sangkah uh hi.
Tu quarter leitungbup Sabbath School
13na sumpi in Varanasi Sanginn ah kipuak ding hi.
MUC
in Tuikhal Sanginn aa dingin kipuak ding hi.
Nung Sabbath a i kizaksaksa om bangin
tuni pen Sabbath 13na ahih manin sumpi i khiat ngei a zah thum khia ciat ni.
Topa in i khiatna tung tawnin thupha
hong pia ta hen.
