A
lamdang naungek
INDIA
| October 17
Neelam Daryl Joshua, 34, | Daryl, 39, leh Neshaun, 3
Ka nupa-un nau ka deih uh hi. Ka kiteen khit uh kum nih ciangin ka pasal tungah nau nei thei lo ihihteh siavuan tawh kimu ni, ci-in ka gen hi. Ka pasal Daryl zong thukim hi. Zato ah siavuante tawh kikumin “ Nau deih ung, nong huh thei ding hiam,” ci-in ka dong hi. Ahi zongin ka pasal in hih tawh kisai-in thungetna khat zong nei ngei lo hi hang, ci-in hong pulaak hi. Hi mah hi. Ka kiteen khit uh kum nih bang cingkhin ahih hangin nau neih nading thu ka ngen ngei kei uh hi. Ka pasal in siavuante tungah na ciah phot nung in, hong pai kik nung, ci-in ka paikhia kik uh hi. Daryl pen pastor khat hi-in kha khat sung nau neih nading thu ka ngen uh hi.
Kha khat khit ciangin siavuante kiangah
ka pai kik uh hi. Siavuante limtak hong
vel uh a, naupaai hi teh,ahi zongin nau pen neu hi, hong ci uh hi. Ahi zong
lunghimawh kei un. An limtak ne lecin, hong hoih toto inteh, ci-in hong
hanthawn uh hi. Kha 5 khit ciangin nau pen a khan ding zahin khanglo hi, ci-in
siavuante’n hong gen uh hi. Ka pasal tawh ka lunghimawh mahmah uh hi. Siavuante
in lunghimawh kei un. Zatui hong pia nung in limtak na ne in. Naungek hong
khang ding hi hong ci uh hi.
A kha kik ciangin kisik dingin ka pai kik uh
a, ka gihna zong khangto-in kaal 2,3 thum khitteh hong kilak kik un, ci-in hong
vaikhak hi. A kaal kik ciangin ka lakin ka va pai kik uh a, radiologist in hong ensakin “ Nau pen nungta—in um keng hong ci mawk hi.”
Siavuan in ngaihsutna khat nei kikin,
nau pen lakhia lecin hoih zaw ding hi, hong ci uh hi. Ka nupa-un
thungenin Topa aw, nangma sem mi hi lo ka hi uh hiam? Lam hong lak in,” ci-in
thu ka ngen uh hi.
Daryl in a sanggam a kipeng nih nei-in
amau pen India gam sungah naupang siavuan sem uh hi. A sanggamte kiangah
zasakin, zato dang khatah kilak dingin
va pai uh hi. Hih zato ah siavuante in limtak a sittel uh hangin tua bangin naungek cidam mel lo cihte mu lo
hi. Ka hanciam theihzah uh tawh bawl ni,
hong ci uh hi. Darly in koi bang suak thei ding hiam, ci-in a dot ciangin,
siavuante in “ nang pastor hi ve cin, cihsan uh hi. Thungetna um hi ven cin, na khempeuh in
Pasian khut sung hi,” ci-in dawng kik hi.
Zato lumin ka om a, nai khat kal
sialin siamahte in ka gil hong sit uh hi. Zan ciangin siavuante in bang hangin
no nupa lungkham na hi uh hiam, bangmah lungkham kei un, hongci u hi. Tua siavuanpa in kei zong Khristian hi lo
innkuan sung panin a khangkhia ka hi hi. Ahi zongin Jesuh ka um hi. “ Thu kong
ngetsak ding hiam? ci-in hong dong hi. “ Topa aw , nang in ni le kha, aksi-te
na khut sung hi.Amaute na khawlsak hi.
Na khempeuh na sem thei hi. Hih nupate tungah nalamdang hong sem in,
ci-in thungen hi. Tua zawh ni nih khit ciangin siavuan in nau pen neu ding hi, ahi zongin a hoih thei
penin hong hanciam ding hi ung, hong ci hi.
Sabbath ni zingsang khat in nau ka
suak uh hi. Naungek a gihna 1.5 pound bek pha hi. Naungek a kah ciangin
siavuante in lamdangsa uh hi. Huihdikna
set thuahsak pah uh hi. Siavuante in ka
siamtheih zahun hong bawl ding hi ung, ci-in tha hong pia den uh hi.
Zato gei-a om Adventist sang panin
sangnaupangte hong pai uh a, lasakin
thungetna hong neihsak uh hi. Pasian muanna ka nei uh hi. Amah in na khempeuh a sem, a bawl thei ahihna
ka phawk tawntung uh hi. Naungek pen neu
lua mahmah, a pumpi dimphialin pipe kituah hi mawkin hih bang tawh dam zo mawk
ding hiam ,cih ngaihsutna bekbek hong om hi. Naungek lawn ding kiphawl lo a, a
gei panin lasa-in thungetna ka nei uh hi.
Pasian in i hamsatnte hong mu-in a
hong kem tawntung Pasian ahi hi. Ni 3
sungin naungek a gihna kiamsukin 1.3 pound bek om hi. Naungek a nuntakna hut
nading ki-at ding pen siavuante lunghimawh hi. Zato ah nasem Adventist siavuan pa in thu hong ngetsak dingin ka ngen hi. “ Topa
aw, mihing muhna panin hih naungek a dam zo nawn lo ding hi; ahi zongin nang in
na khempeuh na hih thei hi. Nang in nalamdang na bawl hi. Nangma deihna ahihleh
naungek a gihna hong khangsak in. Hih naungek in nangma teci hong suak ding
hi.”
A zingciangin naungek gihna 0.35
ounces hong khang hi. Tua ni a kipan
nisialin naungek hong khangkhang hi. Kha
3 khit ciangin naungek gihna 3.5 pounds hong pha hi. Zata pan tuak thei dingin
siavuante in hong gen uh hi.
Siavuante in naungek a hong damsuak
pen lamdangsa mahmah uh hi. Pasian damsakna
ahihlam ka phawk uh hi. Naungek min
dingin Hebrew pau-in “Neshaun” phuak uh hi. Hih naungek hong golin a khan
ciangin a lamdang takin damna ngah ahihlam kithei ding hi. Ni khat ni ciangin
pastor nasem dingin Topa tungah ka ap ding uh hi, ci-in a nulepa in pulaak uh
hi. Late 150: 6 sungah “ Nuntakna huu nei khempeuh in Topa min phat ciat
uh hen.
Neshaun in a nuntak laiteng Pasian min phat ding hi.
Tu quarter leitungbup Sabbath School
13na sumpi Bengaluru khuapi-ah biakinn nih kilam nadingin kipuak ding hi. MUC
in Tuikhal sanginn huhna dingin kipuak ding hi.
