A
It Thei Dingin Kisin
INDIA
| December 19
Anjleena
Singh, 25
Anjleena Singh in kum 14 pha-in a pastor pa mudah mahmah hi. A nu cina gim mahmah hi. A kaal hoih lo ahih manin zato lup kul hi. Zato-ah a pa in ompih hi. A tanu kum 10 leh a sanggampa Roshan in innah om uh hi. Amau teenna khua Gorakhpur ah sangnaupangte in amau le amau sangkah hi-in, a kimlepaam mite in suun an pia uh hi. Tua bangin a sangkahna panin Anjleena in jaundice natna ngahin a inn gei khatah zato lum hi. Amah kia bek hi-in ompih nei lo hi. Gamlapi-ah zato lum a nu zong phawk mahmah hi. Sunday nisimin biakinn ah kikhawm uh hi. A pawlpi mite khat peuh natveh hong pai dingin lamen hi. “Topa aw, ka pawlpi mite khat peuh natveh dingin hong sawl in,” ci-in thungen hi. Ahi zongin kuamah hong pai lo hi.
Ni 10 khit ciangin a nu le pa hong pai
uh hi. A nu cidam khin hi. A nu le pa in inn ah Anjleena ciahpih uh hi. A nu dam lo-in zato a
lup sungin zong a pawlpi mite khat mahmah in zong natveh lo uh hi. A pastor beek va pai lo hi. Heh lua mahmah ahih manin a pawlpi nusia
dingin ngaihsun hi.
Pastor cih kammal a zak sialin Anjleena
in a hehsuak hi. Kum 4,5 khit ciangin ni
khat a nu no khatin phone tawh hopih hi.
“ Ka omna khua-ah Seventh-day Adventist pawlpi khat om hi,” ci-in hopih
hi. Tua pawlpi ah pastor a khangno mahmah khat om hi. Ka inn uhah hong hawh hi, ci-in gen hi.
Anjleena in pastor mu nuam lo hi. Pastor
kici limlim ka mu nuam kei hi, ci-in dawngkik hi. Anjleena in pastor tawh kimu dingin a nuno in
hopih kik hi. Anjleena in kua kua pastor
tawh kimu nuam keng, ci-in nial hi. Tua
bang thuteng khitteh a nuno in a pasal nusiatna thu pulaak hi. Sigal dingin zong sam a, a nu no in Anjleena tungah Adventist tungah ka
pasal hong nusiatna thu na zasak in, ci-in sawl hi.
Anjleena
in pastor Pradeep Singh hopih hi. Pastor
Pradeep Singh in amaute aa ding thungetsak hi. Lai Siangtho sinpih hi. Tua
bangin pastor Pradeep Singh in misi innkuan a tutpih amuh ciangin lamdangsa-in
paakta mahmah hi. Ka inn ah hong hawh in
ci-in pastor Singh sam hi.
Pastor
Pradeep Singh in Anjleena innah va hawh a, thu tampi kikumin pastor tungah
thudot tampi nei hi. Nai 3 sung bang
kiho uh hi. Pastor in amaute aa ding thungenin a zingteh hawh kik dingin
ciahkhia phot hi. Pastor Pradeep Singh
in Sabbath ni ciangin kikhawm dingin Anjleena zawn hi. A pa, a nu leh Roshan
amau teng thum va kikhawm uh hi. Amau omna pawlpi tawh kibang lo-in Adventist
pawlpi lamdangsa uh hi. Pastor Singh in Lai Siangtho thusinna kha 3 sung a
neihpih khit ciangin Anjleen simloh a dangteng in kituiphum uh hi. Anjleen in
kituiphum nuam lo hi. Kituiphum khit ciangin zong pastor Singh in kaal simin
Lai Siangtho thusinpihna nei hi. Pastor Singh in tua bangin a va pai ciangin
Anjleena in inn sungah bucipin, pastor Singh a ciah khitteh pusuak khia pan hi.
Anjleen in kongkhak hi taleh pastor Singh gen thute za tawntung a, a kikup
thute uh thei hi.
Kum khat leh a lang khit ni khat
Anjleena in a nu sam a, “ Pastor Singh sam dih nu, Lai Siangtho thusinna nei
nuam ing,” ci-in a nu sawl hi. Anjleena
in tua bangin Lai Siangtho thusinna nei nuam cih a zak uh ciangin a
innkuanpihte in lamdangsa uh h; tua bang dign pen lamen ngei lo uh hi.A nu in
bangci bang hiam, Anjleena aw, kum khat leh a lang sung tawntung nang aa ding
thu ka nget uh hi ven,” ci-in a nu in dong hi.
Anjleeena in a cihtakpi dingin pastor
Singh in ngaihsun lo hi; a ciamnuihna sa hi. Ahi zongin pastor Singh in Lai
Siangtho thusinpihna nei-in, Anjleena in 2017 kumin kituiphum hi. A kiphum khit
khat 4,5 ciangin Anjleena in SDA pastor khat tawh kiteng ding hing; pastor zi
ka ut hi,” ci-in a innkuanpihte tungah a pulaakteh a innkuanpihte in lamdangsa uh hi. A nu le pa
in pastor Singh tungah tua thu a gen uh ciangin, pastor Singh in kum thum sung
Topa tungah thu ka ngen hi; Pasian in ka thunget hong pia hi ding hi, ci-in a
thukimna zong pulaak hi.
Pradeep leh Anjleena in 2018 October
kha sung kiteng uh hi. Tu-in Anjleena in
zato khatah nurse sem hi; tua banah Gorakhpur Adventist pawlpi ah deaconess khat
hi-in, a pasal in church pastor sem hi. Anjleena in nidanga a ngaihsut bang
lo-in Adventist pawlpi in a nuam mahmah ahihlam phawk pha sansan hi. Ama nunzia
kikhel amuhna uh tungtawnin midang 5 zong pawl sungah kituiphum uh hi. Anjleena in, “ Tu-in pastor i cih pen mi hoih
mahmah khat ahihlam ka mu hi,” ci-in pulaak hi.
Anjleena in Adventist pawl sang zong
thupi sa mahmah hi. Adventist a hong suah khit ciangin Varanasi Adventitst
sangah va pai-in sangnaupangte in Lai Siangtho a sin uh mu a, thupi sa mahmah
hi. A beh a phungte kiangah zong pulaak kawikawi-in a tate uh pawl sangah kah
dingin hanthawn hi. Tua bangin a genna
tungtawnin naupang 6 in pawl sangah va kah thei uh hi.
Tu quarter leitungbup Sabbath School
13na sumpi in Varanasi sanginn ah kipuak ding hi.
MUC
in Tuikhal Sangah kipuak ding hi.
Mai Sabbath pen tu quarter Sabbath
13na ahih manin sumpi khiat ngei ii a zah thum khia dingin kigingciat ni
