Mang
lamdang khat leh Numei khat
GUINEA
| September 5
Maria,
29
Maria in kum 2 a phak akipan a nu in
dawi-ai nei siavuan khat kiangah va paipih-in nasepna-ah daupai nading thupha
ngen hi. Tua bangin va pai zel uh a, nasepna zong lawhcing mawh lo uh hi. A nu
in a vanzuakna pan sum ngah mahmah hi. West Africa gam tuamtuamte dongah van
zuakin khualzin hi. A nuta-un sumhau mahmah uh hi. Maria in inn hoih
mahmah a huang zong limtak ki-um, mawtaw
nih nei-in, puan le ip tuamtuam zuakna sai golpi khat zong nei hi.
Maria in tua dawi-ai nei siavuan pa khat
vei thupha ngen kik dingin va va hawh
hi. 2013 kum-in Maria in kum 23 cing
khin hi. Dawi-ai nei pa in Maria tungah “ Na hauhnop takpi leh mihing tawh
biakpiakna khat na piak kul hi,” ci-in sawl hi. Tua bangin mihing biakpiakna
ding pen hamsa hi. Maria in mihing aitangin bawng tawh biakpiakna nei dingin va
paipih hi. Mihing tawh biakpiakna nei dingin a kisawl a kipan ihmu thei mahmah
lo hi. Zan-in a mang sungah naupang nih
in hopih tawntung hi. Tua naupangte in bang gen uh hiam cih leh kithei lo hi. A
zin kik ciangin tua naupang nihte mah a mang sungah mu kik leuleu hi.
Tu-in
tua naupangte thugen thute telthei ta hi.
Tua naupang khat in dawi-ai nei pa kiangah
va hawh nawn lo dingin gen a, Maria zong
tua dingin khentat pah hi. A zing nitak ciangin Maria in mangmat kik leuleu
hi. Hih a mang sungah lam a pai laitakin
hopihna aw khat za-in, tua hopihna-ah “
Na khempeuh hong huh thei ding i Pa, eite Honpa Jesuh Khrih hi, cih aw za hi. A khanlawh ciangin lamdangsa hi. Bang hang
hiam cihleh amah pen Khristian hi lo hi. Bangci bangin Jesuh in na khempeuh
kicinna hi thei ding hiam, ci-in lungmang hi. A
nu tungah a mangmat thumteng pulaak kik hi.
“Bang hangin mihing tawh biakna kisam hi ding
hiam? ci-in a nu dong hi. A nu in tua mangmat deih peuhmah lo hi. Biakpiak
nading bawng khat zang ding gen hi. Maria in zong a nu gen bangin gamta hi.
Sago-te in tua baawng a gawh uh akipan Maria
in bangmah mang man nawn lo hi. Sagawh nitakin Maria in gim-in tawl lua
ahih manin khua sungah van lei dingin paikhia hi.
Saturday nizang hong tungin Maria in
biaknn ah va pai-in , mi a om hiam cih thei nuam-in, biakinn mai-ah tawlkhat om
hi. Tua bangin a om laitakin numei no
khat hong pai-in, “ Biakinn sung lut nuam na hiam, ci-in dong hi. Maria in “ Kei, Khristian hi lo,” kua tawh
kimu nuam na hiam, ci-in dong hi.
Numei in “ Kei zong biakinn ah kikhawm pai
nuam ning,” ci’n pulaak hi. Maria in limtak en-in a mangthang numei hiam, ahih
keileh a nu le pa a zong nuam hi ding hiam, kikhawm a hong paite’n ka veng ka
paamte a thei kha a om hia, cih a ngaihsutna hi ding hiam, thei zo lo hi.
A ngaihsutna khentel ding hanciam-in a om
laitakin numei tungah “ Lampi thei ing,” ci-in gen a, Maria in biakinn paipih
dingin a mawtaw sung lut dingin sawl hi. Maria leh numei in biakinn mai va tung
uh hi. Huang sung biakinn mai-teng ah mi pawl khat om mu uh hi. Nupi khat in bang hong huh thei ding ka
hi uh hiam, ci-in Maria hopih hi.
Maria in “ hih nu in hih tengah hong
paipih in , ci-a hong ngen a hong pai hi ung, ci-in dawngkik hi. Tua bangin a
kiho kaal-un a paipih numei na vakkhia hi. Maria in a kim a paamteng zong
kawikawi a, kuamah mu lo hi. A paipih nu a muh loh ciangin Maria in a kihopih
nupi tungah zan deuh a a mangmatte pulaak hi. “ Thu khat kong dong thei ding
hiam” ci-in Maria ci-in, nupi in hong dong ve ci-in dawng kik a, Maria in mang
tampi ka man hi. Mang ka neih nawn lo
nadingin bawngtal tawh biakpiakna zong ka neih khit hangin ka manh veve hi.
Bang hih ding ka hiam ci-in dong hi.
Nupi in na khawl pak in. Ka pasal pen
pastor khat hi, amah hong dong ning, ci hi. Maria teenna gam in Khristian
thu-um mi tawmno khat bek om ahih man-un, Maria zong Khristian a hong suah
theihna pen a lamdang mahmah khat hi. Biakinn a paipih numei pen mihing hi
lo-in vantungmi khat ahihlam nung phawk hi.
Maria in Lai Siangtho sim ngei lo, mu ngei
lo hi. Tua hi-in Pasian thu a up theihna
pen vantungmi in mihing bangin kilangh-in tua bangin a makaih ciangin Maria in
thu-um mi khat hong suak hi.
Guinea gamah gammi bup 7% in
Khristian biakna zui uh hi. Seventh-day
Adventist pawlpi in masuan lianpi nei hi.
Tu kaal Sabbath 13na sumpi in Kobaya
Sanginn puah nadingin kipuak ding hi. MUC in Sawbua sanginn adingin kipuak ding
hi.
