MI
THAT DING HANCIAM NUPI
GUINEA | September 19
Maria,
29
Maria in Hamodou tung pan Lai Siangtho
thusinna nei cih Maria nu in thei-a, heh mahmah hi. Maria nu in West Africa,
Guinea gam a khangkhia hi-in, hih gam in Khristian biakna langpan mahmah khat
hi. Maria in Khristian a suah ding a nu in phal lo hi.
“ Na Lai Siangtho koi ah koih na hiam?
ci-in a nu in dong hi. Maria in “ Ka lupna ah” ci-in dawngkik hi. A nu in Maria
lupna khaan sung pai pah in, mu lo hi.
Lai
Siangtho mu keng, koi ah sel na hiam ci-in a nu heh mahmah hi. Maria zong a
lupna khaan sung va pai a, sabuai tungah
om mu hi.
Sabbath kik ciangin Maria in Adventist
biakinn ah va kikhawm kik hi.
Sabbath ni va kikhawm ahih manin
a van zuak, tawlnga hi. Saturday ni-in Maria in a van a zuak lohna thu theithei
lo hi. “ Koi ah pai na hiam? ci-in a nu in dong hi. Maria in “ Biakinn ah’ ci
hi. A nu heh lua mahmah hi. Maria innkuanpihte in Khristian a suah ding a phal
lohlam, innkuan sung khat pan Khristian suak a om leh, thahna thuak thei cihte
Maria in thei lo hi.
Maria in a nu tugah “ Nu aw, kaal sung
tawntung nasem ing, ahi zongin Saturday ni nasem nuam keng,” ci hi. Tua ni a
kipan Maria in satthuak hi. “Na nuntak sangin si zaw lecin hoih in teh, innkuan
hong minsia sak teh, ci hi. Maria in a lungsim khel tuan lo ahih manin a nu in
Maria bank sumkoihna khaktansak hi.
Maria in sum zat ding nei nawn lo ahih manin hamsatna tampi thuak hi. A
nu in na pawlpih Adventist thu-um mite in na sum hong guksak uh hi, ci-in a nu
in gen hi.
Maria in bang bang kigen taleh a upna
nusiat ding peuhmah ngaihsun lo hi.
Hamsatna thuak ciangin thungen ding cih phawk ahih manin Maria in a
hamsatna khempeuh Topa tungah ko hi.
Maria in a nu satna thuakthuak hi. Maria pa
pen zi tampi nei khat hi-in, a zi khat tawh Germany gamah teeng uh hi. A nu in
a pasal tungah a pulaak ciangin a pa in zong, “ Kei hong tel zaw ding maw,
Jesuh, khat zaw zaw khensat in,” ci-in
vaikhak hi.
Maria in a pa tungah thu khat hong dong
ning “ Kei hangin na biak pasian na taisan ngam ding hiam? ci-in dawngkik hi. A
pa in “ Taisan buang lo ee, ci hi.
Taisan lo ding na hihleh bang hangin ka biak Pasian nusia dingin hong
sawl na hiam, ci-in a pa dong kik hi. A pasal in bangmah dawngkik nawn lo hi.
Maria in a upna sungah kiptak ding tinten
ahih manin a nu in “ ka thu hong mang lo
na hih manin na sih kul hi,” ci hi. Tawl khat khit ciangin Maria innah va
hawh-in, Maria theihloh kal-in Maria duh mahmah an sung khat ah gu khahsim hi.
Maria gilkial-in anne ding kithawi hi. Ahi
zongin a an nek ding sabuai tungah koih phot a, kisil phot ning in, tua khitteh
anne ding cih ngaihsun hi. Maria in kisil-in a om sungin zawhngeu khat in sabua
tunga an na ne hi. A taktakin Maria in zawhngeu kawi lo hi. Tua nitak ciangi a
nu in Maria phone pih hi. “ Maria in
bang mah thei lo hi.” Ni 3, 4 khit ciangin a sanggampa Hamadou in dawi-sa nupi
khat tung pan gu ngen-in Maria dawn tui sungah khah leuleu hi. Maria in tua tui dawnkha ahih manin a gilna
sa lua hi. Hamadou in a muh ciangin
hehpih huai-sa in ka mawhna hong maisak in, ci-in Maria tungah thuum hi.
Maria thakhat thu in pastor Jacob Gbale
sam pah hi. Pastor pa zong hong paipah a, meihol tui dawnsak hi. Minutes 3 khit
ciangin Maria lua khia hi. Dawisa nupi in Maria sih loh thu a zak ciangin
lamdangsa hi. Maria nu in a sanggamte nih sawl-in Maria thaza sun dingin paisak
hi. Tua zatui-te Maria sun uh a, a sawltak nu van khat lei dingin paikhia sak
hi. Lamkal panin tua nu in a phone mangngilh-in hong kileh kik ciangin Maria in
khuaphawk lo-in kongkaw-a om mu hi. Maria leh Pastor Jacob in kizopna nei cih a
theih ciangin pastor sam a, pastor zong upa nih tawh hong pai uh a, biakinn
huang sungah paipih uh hi.
Maria
in lua khia-in dam kik hi. Jesuh in amah a um mite sih nadingin panin honkhia
hi. Late 68:20 sungah Pasian in eite
hong honkhia hi. Amah in sihna ding panin hong hon hi.
Tu quarter Sabbath 13na sumpi in
Guinea gam, Kobaya khua a sanginn puah nadingin kipuak ding hi.
MUC in Sawbua Sanginn adingin kipuak
ding hi. Mai Sabbath in tu quarter Sabbath 13na ahih manin sumpi i khiat ngei a
zah thum kiging ciat ni.
