Lai
thei lo khat in Laisim thei
GUINEA
| September 12
Maria,
29
Maria
in Khristian hi lo-in, a mang sungah Khrih kilangh hi. A mang sungah Jesuh
kilangh nawn lo dingin bawng khat tawh biakpiakna nei hi taleh, kaal khat sung
tawntung a mang in Jesuh bekbek mu hi. Tawl khat khit ciangin a theih ngei lo
khual mi khat in Jacob Gbale kiangah va paipih hi. Amah pen Guinea gam a Seventh-day
Adventist
makaipi hi. Jacob Gbale in Maria teenna inn gei lampi-ah a pai laitakin Maria
in va mu kha-in, Jacob in Maria amuh phet-in nuihsan hi.
Maria in sia-pa tungah a mangmat khempeuh
pulaak hi. Jacob in “ Pasian min thang ta hen,”ci hi. Maria in tu a kipan
ganhing tawh biakpiakna kisam nawn lo hi, ci-in Jacob in Lai Siangtho thusinna
neihpih hi. Pasian in nang hong sam hi, a cih
ciangin Maria in “ Na Pasian khial kha ding hi veh aw,” ci-in dawngkik
hi. Maria in “ ka biakna sungah ka om zawh uh kum tampi cingkhin hi, ci-in
dawng hi.
Jacob in Lai Siangtho bu khat pia-in, hih
pen nangma ading hi, ci hi. Maria in “
Hih Laibu bang a mang ding ka hiam. Laisim thei keng, kei adingin a kiman om lo
hi, ci-in nial hi. Pastor Jacob in “ Na
innkuanpihte lakah laisim thei om lo hiam” ci-in dong a, Maria in laisim thei
om mah ee, ci-in dawng kik hi.
Jacob in tua Lai Siangtho sungah Maria min
gelh hi. Hih Lai Siangtho tawh ciah in, ci-in sawl ih. Tua bangin pastor in
ciah ding sawl a, mangpha cih khat lah hongci lo, ci-in Maria heh mahmah hi.
Lampai kawmkawm-in Maria in ngaihsunsun a, laisim thei lo bangin hong ngaihsut
uh ci-in heh mahmah hi.
Inn a tun ciangin Maria in Lai Siangtho
sim lo-in bii-zuu khat sungah koihcip hi.
Lai
Siangtho sim lo-in, TV etsan hi. Tua
bangin TV channel a banban-in laihlaih a, tawl khat khitteh Jesuh thu kigenna
channel khat mu kha hi.
Maria in TV channe pan in Jesuh thu kigen
amuh ciangin a hehsuak a, TV channel makaite hopih a, bang hangin Jesuh thu
kigenna channel koih na hi uh hiam ci-in dong hi. TV nasem makaite in dawng kik
uh a, tua bangin Jesuh thu kigenna TV channel om lo hi, ci-in dawng kik uh hi.
Maria a heh suak ahih manin, “Hong pai
unla, hong en un. Hong bawlphatsak un, ci-in vaikhak hi.
Tawlkhat khitteh nasemte hong tungpah uh
a, TV channel khat khit khat etsak uh hi. Jesuh thu kigenna channel bangmah om
kei, ci-in a gen uh teh Maria in a cih nading thei lo hi.
Maria in Jesuh thu ngaihsunsun a ihmu thei lo
hi. Lai Siangtho sim ding a kipia phawk kik-in, Jesuh a mangngilh nading
ngaihsun in a sanggampa sam-in Lai Siangtho kipan uh hi.
A sanggampa in hih laibu in bang laibu
hiam ci-in dong hi. A sanggampa Hamadou in Sierra Leone khu-ah Lai Siangtho
sangkah khat hi-in Lai Siangtho thu thei hi. Hih Lai Siangtho kua in hong pia
hiam; lai sim thei lo, bang a mang ding na hiam, ci-in Maria dong hi. Maria in
“ Pastor khat in hong piak hi, ci hi. Maria
in Hamadou tungah “ Nang pen Lai Siantho sangkah na hih manin hong hilh in,
ci-in nge hi.
Hamadou in thungetzia hilh hi. “ Vantung a om kote Pa aw, nangma min
siangtho ta hen. Na gam hong piang ta hen. Vantungah nangma deihna a kicin mah
bangin leitungah zong kicing ta hen, ci-in hilh hi. Tua bangin a hilh khitteh Maria dong a, “ Na
lung a dam hiam? A sim na munteng uh ciamteh dingin Maria in sawl hi.
Hamadou a nuihza mahmah hi. Maria in
laisim thei lo, bangci bangin keima ciaptehte zong sim thei ding hiam? Maria
tungah “ Sangkah ngei lo, bangci bangin laisim ding na hiam” ci-in dong hi.
Hamadou in tam veipi a sim khit ciangin Maria in ciamteh thei hi.
Tua nitak ciangin Maria in Lai Siangtho
sung a Topa Mual tung thungetna mun mu-in sim kipan hi. Laisim thei lo ahih
hangin ama simnopna mun mu thei hi. A dang mun tuamtuam zong sim toto hi. A
zingsang ciangin Hamadou tungah a pulaak ding kal ngaklah mahmah hi. “ Zanni-in laisim thei lo, bangci bangin Lai
Siangtho sim ding na hiam, ci-in a dot pen tu-in Maria in amah le amah-in Lai
Siangtho sim kipan thei hi.
Maria in sangkah ngei lo, laisim thei lo
khat hi napi, Lai Siangtho a sim theih ciangin, Hamodou in lamdangsa mahmah hi.
Koi bangin sim thei na hiam, ci-in dong hi. Maria in hamsa kei ee, lungsim thu
hi, cihsan hi. Um takpi hi lehang a piang lo om kei, ci-in dawngkik hi. Tua
kipan Maria in nisim-in Lai Siangtho sim hi. Laisim thei lo khat ahih hangin
Jesuh in laisim theih siamna hong pia hi, ci-in Maria in pulaak hi.
Guinea gamah gammi bup 7% in Khristian biakna zui uh hi. Seventh-day Adventist
pawlpi in masuan lianpi nei hi.
Tu kaal Sabbath 13na sumpi in Kobaya
Sanginn puah nadingin kipuak ding hi.
MUC in Sawbua sanginn adingin kipuak ding
hi.
