PASIAN ADING MITE PAWLBAWL
Amah Tawh Sepna-ah Lungnopna
Khat veivei ciangin i ngaihsut thu khat in i nuntakna-ah kikhelna lianpi piangsak thei hi. Hun khatlai-in Pasian nasem ka naseppih pawl khat tawh thu tuamtuam ka holim khawm uh hi. Tua bangin ka kiho-na uhah upna pulaakna, tecipanna leh Pasian thugenna (evangelism) tawh kisai thu tuamtuam ka ki kum khawm uh hi. Ka lawmte khat in ama ngaihsutna hih bangin hong pulaak hi: “Hotkhiat nasep (mission) i cih pen Pasian nasep hi. Vantung hauhna vangliatna a om khempeuh tawh leitung honkhia dingin na hong sem hi. Eite nasep in ahihleh lungdam kipak-in Amah tawh hotkhiat nasepna-ah nasemkhawm dingte i hi hi. I nasep in seploh aphamawh nasep hi. Ka liangko panin vangik akisuahkhia bangin nuamna tawh ka kidim hi. A mangthang mite honkhia ding keima nasep hi lo hi. Hotkhiat nasep in Pasian sep ding hi,” ci-in hong gen hi.
Hotkhiat nasep in Pasian nasep hi mah hi; Lai Siangtho in zong tua mah hong hilh hi. Solomon in hih bangin pulaak hi: Pasian in mihing lungsimah tawntung thu hong koih hi” (Thuhilhsia 3:11). I pian a kipan mihing in tawntung thu thute a lunggulh thei dingin Pasian in tua lunggulh hong guan hi. Augustine in hih bangin pulaak hi: “Topa aw, nangma adingin nong bawl hi. Nangma sungah tawlngakna ka ngah matengun tawldamna ka nei kei ding uh hi.” John gen bangin Jesuh in mimal khempeuh adingin khuavak hi (John 1:9). Pasian in mihing sungah Amah lunggulh theihna a hong koih banah Amah tawh a kinai thei dingin Kha Siangtho a hong paisak hi.
Na hoih sepnopna
lungsim, mawhna kiphawk theihna khempeuh in Kha Siangtho nasep ahi hi. A hoih
sepnopna, hehpihna lungsim leh angsung khual lo lungsim cihte in Kha Siangtho
in hong sawl ahi hi. I phawk a, i phawk kei zongin, Jesuh tawh kinai zaw dingin
Kha Siangtho in i sungah na hong sem hi (John 16:7–15). A lian penpen piakkhong i ngah in Jesuh Khrih
ahi hi.
Mihing in mawhna sungah
lamet bei, mangthangin tawntung sihna manawh hi. Ahi zongin Pasian in lametna
lampi hong bawlsak hi. Luke in, “Mihing Tapa in a mangthang mite zong ding leh
honkhia dingin a hong pai hi, “ci hi (Luke 19:10. Paul in hih bangin genbeh hi:
“Mimawh ihih lamtak nangawnin Pasian in a hong itna hong lakin mawhnei ihih
laitakin zong eite ading Khrih hong si hi” (Rom. 5:8). Sihna pan i suahtak nadingin
Pasian mah in lampi bawl masa hi. Khrih in Ama vangliatna khempeuh nusia-in
mawhna khuamial tawh kidim leitungah hotkhiat nasem dingin a hong pai hi.
Amah zuan-in kal khat i
suanma-in Amah in hong delhphei khin hi. I nunna i piak ma-in Amah in a nunna a
hong pia khin zo hi. Eite in Ama galte i hi hi. Ahi zongin Amah in eite lawm
hi. Eite in Amah i nunghei a, ahi zongin Amah in ei lam a mai hong ngat hi.
Eite in amah i thudon kei a, ahi zongin Amah in eite hong lai-na mahmah hi.
Luke 15 sungah Jesuh in
a mangthang tuu-te a zong tuucing bangin
pulaak hi; a mo-ken dingin a sumtang mansuah a zongzong numei bangin
Jesuh in nang hong zong hi; a mangthang a tapa ciah kik dawn dingin a va tai
veva a pa bangin Jesuh in hong gal-et tawntung hi. Ellen G. White in a pulaak
thu ciaptehhuai hi: “Leitung akipiansak ma-in hotkhiatna kigeelkhol khin hi. A
mangthang mite tatkhiatna-ah Jesuh kia bek kihel lo hi. Vantung thu kikupna
(council) ah, leitung a kipiansak ma-in, Pa leh Tapa thu kikhupna-ah, mihingte
in Pasian tungah hong thuman kei kha zenzen uhleh Khrih in Pa Pasian tawh
khop-in, thu palsat mi dinmunah hong ding-in, a mawhmi thuak ding thaman a hong
thuak dingin kithukim khin uh hi. Advent Review and Sabbath Herald, November
15, 1898. Tawmvei sung hih thu lungngai in.
Eite in hamphatna lianpi i ngah mah bangin masuan lianpi zong i nei hi. Khrih tawh kop-in nasepkhopna-ah lungnopna leh masuan lianpi i neihna-ah Amah tawh mapangin hotkhiat nasepna sung va kihelna-ah lungdamna lianpi hi, cih thu i quarter sungin i kikum ding hi.
LESSON 1 June
27–July 3
BANG HANGIN TECI DINGIN NUNGTA?
Sabbath Nitak
Tu Kaal Sung Sim Ding: James 5:19, 20; Luke 15:6; Zeph. 3:17; John
7:37, 38; 1 Tim. 2:3, 4; 2 Cor. 5:14, 15.
KAMNGAH: Hih bang gamtatnate
pen eite hong Hon Pasian muhna-ah a hoih a kilawm thu ahi hi. Mi khempeuh in
hotkhiatna ngahin, thuman a theihkim ding Pasian in deih hi. 1Timothy 2:3, 4.
Mi khempeuh in Pasian it-in, Ama hehpihna thei-a Kha
Siangtho tawh thaksuak-in Pasian gam sungah hotkhiatna ngah dingin, Pasian in
deihna lianpi nei hi. Pasian in mi khempeuh a hotkhiatnopna sangin thupi a
sakzawk bangmah om lo hi. Ama hong itna in mi khempeuh huamkim hi. Hong
hehpihna in tehpih nei lo hi. Ama lai-nat itna in bei ngei lo hi. Ama mawhmai-sakna
in ciangtan nei lo hi. A vangliatna in bei hun nei lo hi. Leitung pasian
tuamtuamte in ahihleh biakpiakna ngen uh a, eite Pasian in ahihleh biakpiakna
dingin Amah mah hong kipia khia hi. Ama kipiakna sangin a lian zaw kipiakna om
lo hi. Mihing in kihonkhia ding a lunggulhna
sangin Pasian in eite a hong hot nopna in lian zaw hi. “Tua ahih manin hih thu
a hoih hi-a eite hong Honpa Pasian santheih thu ahi hi. Tua Pasian in mi
khempeuh in hotkhiatna ngahin thuman thutak a theih ding uh a deih hi” (1 Tim.
2:3, 4). Ama lungsim in nang le kei a hong hotkhiat nopna tawh kidim hi.
Tecipanna in Jesuh thu pulaak cihna hi. Tua thu in eite a hong hotkhiat nadingin Ama sep thute, nunzia a thakin a hong bawlphatna, Amah in kua hi cih thute, a hong hilh alamdang Ama thuman thute, hoihna tawh kidim Ama nunzia khempeuh huam hi. Bang hangin tecipan kul hiam? Amah in kua hi, cih theitel a, Ama hehpihna leh Ama hong itna i muh ciangin daitakin i om zo kei hi. Amah tawh nasemkhawm ihihna-ah, hehpihna in a hotkhiat mite leh Ama hong itna tawh a kikhel mite i muh ciangin Topa tawh a lungdamkhawm ihi hi
SUNDAY June 28
SUAHTAK THEIHNA LAMPI KIHONG
Mi khempeuh in Topa
atheih nadingin nisim-in Pasian in lampi hong honsak hi. Kimlepaam piansak nate
hoihna, a lamdannate leh Kha Siangtho tungtawnin mite lungsimah Topa hong
kilaak hi. Leitung vantung khempeuh a lamdanna, a Bawlpa koih bangbangin a
omna-uh cihte in vantung Pasian pilna in thukpi leh ciangtan om lo Ama sepnate
khempeuh pulaak uh ahi hi. Nisim nuntak khuasakna tungtawnin Topa theihtelna
nei-in Amah zuan thei dingin hong makaih hi. Kha Siangtho tungtawnin Pasian in
Amah leh amah a hong kilaak hi. Piansak nate lamdanna, a hong piak thupha
khempeuhte banah a hong itna akilangsak
pha pen in Jesuh nunzia leh Ama nasepte hi-in, tuate in Pasian theihtelna hong
guan hi. Mite tungah Jesuh hong itna i
va pulaak ciangin amaute in zong hotkhiatna sung a tung thei ding lampi a hilh
ihi hi.
Lk. 19:10 sim inla,
James 5:19, 20 tawh enkak in. Leitungah Khrih a hong nuntak Ama deihna bulpi
Luke lungdamna thupuak in bang hong hilh hiam? Bangci bangin Khrih in a
mangthangte hotkhiat a nasepna-ah eite in zong Amah tawh mapang khawm thei ding
i hiam?
____________________________________________________________________________________________________________________________
James hong hilh bangin
“Mawhna a bawl mi khat a khialhna panin a kiheikiksak mi in sihna panin tua pa
nuntakna a honkhia hi a, mawhna tampi zong a khuhsak ahi hi” (James 5:20).
Roman in zong hih thu pulaak hi. Romans 1 leh 2 sungah Gentile mi hi taleh Jew
mi hi taleh piansak nate tungtawnin Pasian a hong kilaakna mu khin uh a, Lai
Siangtho hong hilh thute athei khin Jew mite in Khrih nei lo ahih manun
amangthang khin uh hi. Romans 3–5 sungah sawltak Paul in hehpihna hangin a hong
piak hotkhiatna thu upna tawh i ngah hi, ci-in hong hilh hi. Romans 6–8 sungah
Pasian hong hehpihna in midik a hong suahsakin tua hehpihna hang bekmah ahihlam
hong hilh hi. Romans 10 sungah Topa min tawh huhna a ngen mi khempeuh in
hotkhiatna ngah ding hi, ci hi” (Rom. 10:13). Tua tawh kizom-in a-um lo mi in
Ama min tawh angen kei uh hi, ci hi. Zakna om kei leh bangci bangin um ding uh
hiam? Agenkhia mi om keileh kua in za ding hiam, ci hi (Rom. 10:14, 15). Vanglian hotkhiat lungdamna thu in leitung
mun khempeuh azelh nadingin Pasian in eite mah ahong zang hi.
Mi khat in hotkhiatna
thu azak nakleh pha zo hi bek hi lo-in limtakin theihtelna nei-in hotkhiatna a
ngah ding thupi mahmah hi. Pasian in minam khempeuh honkhia dingin a sepna-ah
eite khat ciat in bang dinmun panin mapan theihna nei i hiam? Nangma genna
hangin mi bangzah in hotkhiatna thu za khin uh hiam? Hih zong i kidot ding a
thupi dotna khat hi.
MONDAY June 29
EITE’N JESUH LUNGDAMSAK THEIHNA
“Na dam dam hiam? Na
nasep kimang thei buang maw, na hoih tek uh hiam? ci-in a hong kidong ngei
hiam? Hih bang dotnate Pasian a dong ding hi lecin Pasian in koi bangin
ngaihsutin na um hiam? Topa aw, mihingte na hong muhdan na lung a kim hiam? ci
hi lecin koi bangin hong dawng kik dingin na lamen hiam? Hih bangin hong
dawngkik kha thei ding hi: “ Ka lunggim tawntung hi. Thuak-haksa mahmah ing.
Dongtuak, galtai mi tul za tampite hangin ka khitui luang tawntung hi. Amaute
in nek , silh ding nei lo, naupangte in hehpih huai mahmah uh hi. Leitung
khuapi lian mahmahte sung en kawikawi-in ka vak kawikawi-nate ah inn nei lo,
cimawh mi tampi ka mu hi. Bawlsiatna thuak numeite, lau-na tawh kidim
naupangnote thuakna ka muhteh ka lungtangna hi. Thauvui thautang lakah a om
mite, tui, nisa hangin dongtuakte, a kilawh thei lauhuai natna tuamtuamte ka mu
ngitnget hi. Tua ahihleh, “ Topa aw, na lung hong damsak a om hiam, na hong
lungkimsak, nuam-in la a hong sa-sak a om hiam” ci-in a dong kik ding hi lecin,
Pasian lungdamna a piangsak thute na mu ding hi.
Luke 15:6, 7, 9, 10 leh 22–24, 32 sim in. A nunung pen-in bang thu
kigelh hiam? Tua thute in Pasian a lungkimsak thute bang pulaak uh hiam?
______________________________________________________________ ______________________________________________________________
A mangthang mi khat in
hotkhiatna thu a up ciangin vantung in nuamna tawh kidim hi. Natna, sihna,
lau-na tawh kidim leitung panin, Pasian hong hotkhiat lungdamna thu mite tungah
i va hopsawn ciangin Pasian a lungdam hi. Khrih hong itna mite tungah va hawm
dingin a hong taw-sawn thei a lian penpen in, tua bangin nasepna in Pasian
lungdamna piangsak hi, ci-in i theihna ahi hi. Pasian hong itna i pulaak
ciangin vantungah nuamna lianpi om hi.
Zephaniah 3:17 sim
in. Ama hong hehpihna i pom ciangin Topa in bang hongci muh hiam?
________________________________________________________________________________________________________________________
Hih bangin na mitkha-ah geel dih in: Nangma teci panna hangin mi khat in Honpa-in Jesuh Khrih a up takteh Jesuh in nuamna tawh kidim hi. Vantung khempeuh in nuamsa lasa uh hi. A vanglian i Honpa in mimal khat ciat kikhelna hangin lungdam hi. Dahna tawh kidim leitungah nangma teci panna in Pasian lungdamsak thei, nuamsak theihna sangin a lianzaw bang om hiam?
TUESDAY June
30
PIAKKHIATNA TAWH KHANTOHNA
Si Tuipi pen tuipi
maitang sangin pi 1388 bang niamzaw hi; leitungah mun niamna pen khatin
kiciamteh hi. Jordan Gunpi in Galilee Gunpi pan-in luangkhia-in Jordan zangkuam
nawktan-in Si Tuipi sungah lut hi.
Khualum, guahtui tawmna
mun ahih manin, tuihuu paikhia tamlua in gun tuite kangh pahpah hi. Si Tuipi in
al mahmah hi; mineral tuamtuamte 33.7 bek om ahih manin bangmah nungta zo lo
hi; a nungta thei tawm mahmah hi. Ngasa, lopa cihte nungta zo lo hi. Lungno
kimkhat leh bacteria pawl khat bek nungta thei uh hi.
I nuntakna-ah zong
Pasian hehpihna ngah napi-in mi tungah a luangkhia-sak lo mi in, Si Tuipi
bangin niin bulom kikholna hi ding hi. Khristian khat in tua bangin a nungta ding
hi lo hi.
John 7:37, 38; Luke
6:38 sim in. Si Tuipi bang hi lo-in, Khrih tung pan nunna tui siangtho a dawn
mi sung pan bang hong phul khia ding hiam?
____________________________________________________________________________________________________________________
“Mihingte hong sawl
lo-in Pasian in leitung mite honkhia thei hi; ahi zongin Khrih nunzia i neih
nadingin tua thu gen dingin mihingte a
hong sawl hi; Ama na i sep loh phamawh hi. Khrih sihna tungtawnin hotkhiatna
ngah mite hangin Topa nuamna sungah i om nadingin, Ama sepna-ah eite zong va
kihel kul hi. Ellen G. 11 White, The Desire of Ages, p. 142. 12
“Zawhna a ngah ding mite
in amau mahmah kipia-in nasemte hi ding hi; hih a lian mahmah nasep kizawh
nading lampi khat bek om a, tua in midangte in hotkhiatna a ngah dingun veii-na
nei-in deihsakna tawh nasepna hi.” Ellen G. White, Fundamentals of Christian
Education, 207.
Khrih in mihingte ading a hong sep thute mite tungah i gensawnna tungtawnin ei mahmah in zong Ama sungah i khangto thei hi. Khrih sungah a hong kipia i ngah khempeuh ngaihsun lehang i neih thute hawmsawn lo-in om lecin tua sangin lamet bei, a sia-huai zaw angsungkhualna bang dang om ding hiam? I upna pulaak lo-in imcip lehang i thu zuih in, Si Tuipi bangin nunna nei lo a si hi ding hi.
Mite tungah na upna pulaakna, thungetsakna, huhhuai-te na huh
hiam? Tua bangin Topa ading teci-in na omna tungtawnin na upna leh Topa tawh na
kalsuanna a hong hatsak hiam?
WEDNESDAY July
1
KHRIH HONG SAWL THU-AH CIHTAKNA
Khrih tungah citakin Ama
deih bang a sem dingin kipumpiakna, Ama sawl bang a mang ding kisam hi. Ama
sawlna bangin i sep ciangin Amah tawh kilungtuak-a a mangthang mite honkhia i
hi hi. Tua bangin Amah tawh nasemkhawm mi in Topa awlmawh thute mah awlmawh hi.
1Timothy 2:3, 4; 2 Peter 3:9 sim in. Pasian lungsim bang pulaak uh
hiam? Pasian in bang ngaihsun masa
pen-in nei hiam?
_____________________________________________________________________________________________________________________________
Pasian in mi khempeuh
honkhiat nopna lungsim lianpi nei hi. Tua sangin a thupi zaw-in bang mah dang
om lo hi. Mi khempeuh in thuman thutak thei-in Ama hotkhiatna sungtum khin
hileh ut hi (1 Tim. 2:4). Pasian in mi khat beek kisia lo-in honkhia nuam a,
ahi zongin mi khempeuh in a mawhna uh a kisik ding deih hi (2 Pet. 3:9). SDA
Bible Commentary sungah “honkhia nuam” cih in Greek laimal ‘boulomai’ hi; a
khiatna in “lungsim ah om thu’, ‘deihna,’ ‘ut’ cihna hi. Tua banah Greek laimal
‘alla’ a khiatna in, ‘ahi zongin’ cih a khiatna nei hi. Hih kammal in a
kibanglo thu nihte enkakna-ah a kizang kammal hi. 2Pet. 3:9 hong hilh thu in
mite’n a ngaihsut khialh uh Pasian lungsim hong hilh-in, Pasian in mi khempeuh
hong honkhia nuam takpi ahihna hong hilh hi. The SDA Bible 8 Commentary, vol.
7, p. 615.
Khrih in mi khempeuh a
hong hotkhiat nopna hangin, hotkhiat sepna-ah, nang le kei in Amah tawh nasem
khawm a, a hong itna, a hong hehpih leh a thuman thutakte mite tungah gensawn
sawn dingin thu hong pia hi.
Sawl. 13:47 leh
Isaiah 49:6 enkak in. Kua-te tungah a kipia masa thupuak hiam? Koi bangin Paul
in hih thu pulaak hiam?
_____________________________________________________________________________________________________________________________
Thuciam Lui genkholhna kimkhat in thu nih thu thum hilhkholhna tawh kituah hi. Isa. 49: 6 in a masa-in Israel minamte leh Messiah thu a na genkholhna hi; ( Isa. 41:8, Isa. 49:6; Luke 2:32), tua khitteh Thuciam Thak pawlpi zong a pulaak kholhna hi. Pawlpi in Khrih hong sawl thupiak thusim lo-in om hileh ahih keileh tua thupiak neu-bawl mawkmawk kha hileh pawlpi in a mungtup, a nasep ding a sem lo suak ding hi.
Pawlpi in a mungtuppi leh nasep thupi bel sem man lo liang-in pawl
sung thu tuamtuam a buaipih ciangin a lauhuai bang dinmun hong thei hiam?
THURSDAY July 2
ITNA IN LAWPSAK
Tu kaal sung i kikup thu
in “Bang hangin teci pang” cih dotna tawh kisai hi. I pulaaksa om bangin i upna
thu mite tungah i gensawnna tungtawnin hotkhiat nasepna-ah lungdam takin Pasian
tawh mapang semkhawm i hi hi.
Mite in nang le kei
tungtawnin Khrih hong itna amuh uhteh i nasep nading lampi hong kihong semsem
ding a, Ama hong hehpihna leh Ama thuman thei-in hotkhiatna thu hong pom thei
ding uh hi. Tua bangin nang le kei teci panna in Pasian hong geelsak Ama sungah
i khantoh nading lampi khat ahi hi. Khrih in ei ading a hong sep thute mi
tungah hawmsawn lo-in hotkhiatna thu pulaak lo-in om lehang Topa tawh kizopna
in a si hi ding hi.
Hotkhiat nasepna-ah kihelna in mi khempeuh a hong honkhia nuam
Khrih lungsim pumkhat i hi hi; Ama hong sawl bangin a nungta i hi ding hi. Tuni-a thusin in nasepna-ah a hong lawpsak
thu i pulaak hi.
2 Kor.5:14, 15, 18–20
sim in. Paul in gimna, bawlsiatna, hamsatna leh tawlna a thuakna-ah bangin
thuakzo-sak hi ding hiam? Paul in Khrih
ading a sep bangin, bang in tu-in nasep hong thalawpsak ding hiam?
______________________________________________________________________________________________________________________________
Itna in Paul thaguan hi. Itna simloh thudang siksan-in a nasep hun om ding hi. Paul in, “Khrih hong itna in hong kai hi,” cih thu in a tawntungin thuman hi. “Kai” cih kammal in utsak, ‘semsak,’ ‘lawpsak’ cihna hi. Khrih itna bek mah in Paul nasepna khempeuh makaih hi; Khrih ading teci hi dingin lawpsak hi. Lungsim khat bek mah nei-in, hangtakin a mailam nawt-in a kalsuanna-ah Paul in Mediterranean mun khempeuhah hotkhiatna thu hilh kawikawi hi. “ I lungsim in itna tawh a kidim ding hi. Khristian hoih khat in a Topa ading itna tawh nasem hi. Khrih it ahih manin angsung thei lo-in deihsakna tawh a mipihte adingin nasem hi. Ellen G. White, The 20 Adventist Home, p. 425.
Khrih in ei adingin a
hong thuakna khempeuh theihtel hi lehang Ama itna in hong tuamcip ding a, mite
tungah Ama hong tatkhiatna thu gen lo-in i om
kei ding hi. Ni, kha, aksi lompi, vantungmi honpi leh vankhumnuai-a omte
khempeuh leh leitung khempeuhte a piangsak pa in ei adingin singlamteh tungah
hong si hi. Hih zahin a vanglian thute in Pasian hong it sak lo-in om ding
hiam? Ama hong itna thu mi tungah hawmsawn lo-in om ding hiam?
FRIDAY July 3
NGAIHSUTBEH DING: Ellen G. White, “God’s Purpose
for His 3 Church,” pp. 9–16, in The Acts of the Apostles, and pp. 4 822–828 in
The Desire of Ages.
Thuciam Thak pawlpi in a masuan, a pianna a hang thute mangngilh-in a lauhuai dinmun tung uh hi. Tua bang lauhuai-na thu Ellen G. White in hih bangin pulaak hi: “Jersulam pawlpi in bawlsiatna thuak-in a dinmun mansuah hi. Pawlpi in bawlsiatna a thuakna hangin hotkhiatna nasep in lawhcing veve hi. Pawlpi mi kibehlapin pawlpi khang hi. Nungzuite in Jerusalem lo mundangah paikhiat ding ngaihsun lo uh hi; Jesuh thupiak mangngilh uh hi. Satan galhiamte dal nadingin galhiam hoih pen in hotkhiat nasepna ahihlam mangngilh uh hi. Jerusalem-ah om-in hotkhiatna thu a za nai lo mite tungah va gen ding sangin amau nasep tek tawh lungkim lel uh hi.” The Acts of the Apostles, p. 105.
KIKUP DOTNA TE:
1. Hih a tunga Ellen G White pulaak, a nunung lama thu ngaihsun kik in. Bang hangin tuhun-in zong tua bang lauhuai-nate kidop kul hiam? Gammial nasepna (missionary) a mainawt ding hi napi, bang in pawl sung buai-sak hiam?
2. Bang hangin Gospel Bu li
sung a tawpna, thukhupnate kibang hi
ding hiam? Matthew 28:18–20, Mark 16:15, 16, Luke 11 24:46–49 leh John
20:21 sim in. Kum zalom khat hunlai-a thu-um mite adingin bang khiatna nei-in,
tuhun a thu-um mite adingin bang hong hilh hiam?
3. Pasian thugen a teci panna leh nasepnate in thu zui mi taktak hihna dinmun a kheng thei ding hiam? English. Piang thei ahihleh koi bangin hi thei hiam? Koi bangin tua bang a lauhuai thute-ah kidawm ding i hiam?
4. Tuesday ni-a kikupna na lawmte tawh kikum in. Upna teci panna leh mi tungah nasepnate in eima khantohna mah piangsak hi lo hiam? Bangci lampi tawh mite huh thei ding na hiam? Midangte in na tuahkhak siatnate a muh uh ciangin amaute a na pelh thei dingin bang siatna sungah na nungta ngei hiam?
5. Pasian in mimal khat
ciatin hong it hi, cih thu ngaihsun in. A khiatna in bang hi ding hiam? Thu
khempeuh lak pan hih thu man-in, thupi penpen hi hi. Pasian in nang hong it hi, cih thu sangin a thuipi
zaw om nawn lo hi; koi bangin tua thu in na nunzia ding hong huzaap hiam?
Visit for more 1-13 http://www.muc7.org/search/label/3Q2020?&max-results=20
