LESSON 7 AUGUST 8–14
PASIAN KAMMAL HAWMSAWN
SABBATH NITAK
Tu Kaal Sung Sim Ding: Late 119:105, Jer. 23:29, Heb. 1:1–3, 2 Tim. 3:14–17, 1 John 1:7–9, Thuhilhsia 3:1, 2 Tim. 4:2.
KAMNGAH: Ka kam pan-in pusuaksa ka kammal zong tua bang ahi hi; a hawm-in
kei kiangah hong kileh lo ding a, ahih hangin ka deih bangin tungsakin ka
sawlna-ah lawhcing ding hi. Isaiah 55: 11.
Jesuh ading teci pang
khat-in Ama thu pulaak ahi hi. Ahi zongin Lai Siangtho lo-in Jesuh theihna a
kinei thei ding hiam? Lai Siangtho a om lo hileh mawhna, Pasian hong itna,
Jesuh a hong suahna, a nasepna, a nasep, a sihna leh sihna pan a nuntak kikna
leh a hong pai kik ding thute i thei takpi ding hiam?
Kimlepaam nate in Pasian vangliatna, Ama minthanna kilangsak uh hi
mah taleh hotkhiatna thu hong hilh thei lo uh hi. Kha Siangtho tungtawnin
leitung ah thuman khuavak hong tang hi (John 1:9). Tua hi mah taleh Pasian Kammal lo-in vantung
thuman theihtelna om theih lo ding hi. A kigelhkhia Pasian Kammal in nuntakna
KAMMAL, Jesuh a hong kilaak telna ahi hi.
Biakna makaite in Pasian Kammal kantel uh hi mah taleh amaute in Pasian hong hilh thute mu theithei lo uh hi. “Lai Siangtho simna hangin nuntak tawntungna a kinei-sa na hih manun limtakin na sin uh hi. Hih Lai Siangtho kei thu teci pang ahi hi” (John 5: 39). Lai Siangtho mantakin a theitel hi lehang Jesuh hoihna a pulaak i mu thei ding hi. Pasian Kammal i hawmsawn ciangin i ngimna bulpi in midangte khial uh a, eite in i man hi, cih a pulaak ding i hi masa kei hi. Jesuh nunzia kilangsak dingin mite tungah thuman a hawmsawn i hi zaw hi.
SUNDAY August 9
PASIAN KAMMAL A LIMCINGTE
Late 119:105, Jeremiah 23:29, Luke 8:11; Matthew 4:4 sim in. Pasian Kammal a limcing thu nga-te in bangteng hiam? Bang hangin Pasian Kammal limcing dingin hih limciinnate kizang hi ding hiam? ______________________________________________________________ ______________________________________________________________
I gensa limciinna tuamtuamte
in Pasian Kammal a kizatna pulaak uh hi. Mi tungah Pasian Kammal i pulaak
ciangin thuman khuavak a tangsak i hi hi. Jesuh in leitung khuavak hi. Tua khuavak in Pasian theih khialhna, Ama zia
theihkhialhna khuamial bei-sak hi. Pasian Kammal tungtawnin Kha Siangtho in
thuman theihkhialhna khuamial lakah thuman khuavak tangsak hi.
Jeremiah pulaak bangin
Pasian Kammal in meikuang leh sek tawh kibang hi. I mawhna niin khempeuh
kangtum-in, suang bangin a sak i lungtang satneem hi. Lai Siangtho sungah Jesuh
vangliatna amuh dingun midangte i huh tak ciangin amaute lungkhauhnate
neemsuak-in, Jesuh hong itna in amaute nuntakpih duphop huaihamna, angsung
zonna, silesa lunggulhna, kiliatsakna khempeuh sumai hi.
Pasian Kammal in khaici
tawh kigenteh hi. Khaici in nuntakna pia limcing hi. Khaici khat a khankhiat nadingin hun sawtpi
kisam hi. Khaici khempeuh a po-khiat hun uh kibang lo hi. Lei hoihna munte ah
khaici po-in khang baih hi. Mi sungah
Pasian Kammal khaici i tuh ciangin, khaici-po- in gahkhia pah lo hi. Kha
Siangtho hopihna aw za-in a hilhna a zui nuam mite sungah, Pasian in hun a sak
ciangin damdam-in khaici hong po khia-in a gah at hun hong tung hi
Jesuh in Ama Kammal pen nuntakna hong pia an tawh genteh hi. An lo-in kuamah nungta lo hi. Nuntak khuasak lungkimna i ngah nadingin Pasian Kammal kisam hi. Topa kamciamte mite tungah na pulaak ciangin Jesuh in nuntakna THU hi, cih amuh tel nadingun na huhna tungtawnin, Ama hoihna in amaute nunzia bawl thak ding a, Ama itna in amaute tuam-in Ama hong hehpihna lamdangsa-in a hong ompihna sungah lungkimna ngah ding uh hi.
MONDAY August 10
NATE PIANSAK VANGLIATNA NEI PASIAN KAMMAL
Hebrews 1:1–3; 4:12 leh
Late 33:6, 9 enkak in. Pasian Kammal vangliatna bang hong hilh uh hiam?
__________________________________________________________________________________________________________________________
Pasian Kammal in a
NUNGTA KAMMAL hi. A gen bangin a piangsak vangliatna tawh kidim hi. Mihing in a omsa thute a pulaak hi-in, ahi
zongin Pasian in a kampau ciangin a piangnai lo khat hong piang-in, na khempeuh
Ama kampau-na tawh a piansak ahi hi. Pasian Kammal in piangsak zawhna nei hi.
Topa in piang hen a cih peuhpeuh a hong piangkhia pah hi. Piansakna-ah “Pasian
in ci hi” cih kammal tam veipi kipulaak hi (Pian. 1:3, 6, 11, 14, 20, 24, 26,
29).
Pasian in a gen khiat
bangbangin nate hong piangkhia-a, leitang, singkung lopa, paakte, singgah
namkim, ganhing namkim hong piangkhia uh hi. Piancil Bu 1 sunga piansakna tawh
kisai Hebrew kammalte in nate a piangsak Pasian vangliatna a pulaak kammalte
hi. “ Bara” cih kammal in a om nai lo pan-in nate kipiansak a pulaak kammal hi.
Pasian bek in a piansak nate,vangliatna tawh kidim Ama kammal tungtawnin nate a
hong pianna a pulaak kammal hi. Pasian in Ama kammal tawh nate piangsakin, Ama
kammal mah in nate kemcing hi. Lai Siangtho in kamsangte hong gelhkhia Topa
kammal mah hi. Nate a kipiansak-in Kha Siangtho in nasem a, Kha Siangtho
makaihna mah tawh Lai Siangtho a hong kigelh ahi hi. Lai Siangtho i sim ciangin
Kha Siangtho in ompih a, mite tungah Lai Siangtho thuman i pulaak ciangin zong
Kha Siangtho mah in hong ompih hi. Pasian Kammal in nuntakna hong pia hi;
nunzia hong khel hi; nunna a hong bawl pha thei vangliatna nei hi. “Pasian
Kammal sungah na khempeuh a piangsak vangliatna om hi. Lai Siangtho in
vangliatna hong pia hi; nuntakna piangsak hi. Thupiak khempeuh in kamciam hi-in
deihna takpi tawh a sang mi, a nuntakpih mi sungah Ciangtan Neilo Pa Pasian in
nunna pia ding hi. Pasian limlemeel a suun dingin hong bawl thak-in, nunzia
hong khel ding hi.” Ellen G. White, 21 Education, p. 126.
Pasian kamciamte i pomna
tungtawnin i nunzia-te hong khel a, midangte in zong tua kamciamte a up
nadingun i va pulaak ciangin, Kha Siangtho in amaute sungah nasem-in amau zong
hong kikhel ding uh hi.
Pasian in a gen bangin piang pahpah ahihlam ngaihsun in. Koi bangin hih thu na telthei hiam? Ama
vangliatna bang pulaak hiam? Bang hangin hih thu in Pasian vangliatna sungah
lungmuangin hong omsak thei hiam?
TUESDAY August 11
PASIAN KAMMAL KANTELNA HANGIN HAMPHATNATE
Pasian kammal kantenna
hangin i ngah hamphatna tampi om hi. Sawltak Peter gen bangin Pasian pianzia a
nei dingin Lai Siangtho in kamciam hong pia hi (2 Pet. 1:4). James in zong
Pasian in note sungah a thu a koih thu
zui un. Tua thu in note hong honkhia thei hi, ci hi (James 1:21). Paul in hih
bangin genbeh hi: “ Tu-in Pasian khutsung leh ama dikna thu sungah note ka hong
ap hi. Amah in note hong khantosak thei-in, ama mite khempeuh adingin a koih
thuphate note tungah hong pia thei hi” (Sawl. 20:32). Lai Siangtho in mihingte
hotkhiat nading thu lianpi-in nei hi. Lai Siangtho pulaak Jesuh i muhna
tungtawnin i nunzia khempeuh a hong khel hi.
Topa muhtelna hong guan A Kammalte tungtawnin Amah i suun thei hi (2Kor.
3:18).“Mitsuanna tungtawn-in lungsim ngaihsutzia leh nunzia kikhel hi. I
ngaihsutna bangin i gamtatna in zong zui hi.” Ellen G. White, The Great 17
Controversy, p. 555.
2 Timothy 3:14–17; John
17:14–17 sim in. Pasian Kammal kantelna hangin a dang hamphatna bang hong hilh
hiam?
_____________________________________________________________________________________________________________________________
Paul in a naseppih
khangno Timothy tungah Lai Siangtho tungah cihtak ding leh Kha Siangtho humopna
tawh kigelh ahih mah bangin tua thute kantelna hangin thupha-te pulaak hi. Paul
in “ Lai Siangtho in thu upna hong kipsak hi” thuman hong hilh-in thuman lo
hong laktel hi, ci hi. Mihingte ading Pasian geelna khempeuh hong hilh hi. I mawhna hong musak-in, i ngaihsut khialhnate
hong puahpha-in thuman dikna hong hilh hi. Lai Siangtho in a siangtho Khrih
dikna hong lak hi. Lai Siangtho in eite mawhna niin panin a deihhuai a siangtho
Topa dikna-ah hong tunpih hi. Huaiham-in angsung khual lo Jesuh hong itna leh
eite huaihamna enkak lehang Ama nunzia lamdang na mu ding hi.
Lai Siangtho hong hilh
Topa hong hehpihna leh Ama hong kepna mitsuan hi lehang i nunzia kikhel hi. Mi
tungah Topa Kammal i pulaakna tungtawnin amaute zong kikhel uh hi. Topa Kammal
tawh nungta-in Amah a mitsuan mite in Topa nunzia bangin nungta ding hi. Topa
adingin tecipang i cih in i ngaihsutna, hoih i sak thu khat a gen hi lo hi;
tham lo-in, hih thu ka um hi, ci-a a pulaak zong i hi kei hi. Tecipang i cih in
Pasian Kammal in a pulaak tawntung thuman thute mi tungah a hawmsawn, a gensawn
i hi hi. Pasian Kammal hangin thupha i ngah mah bangin midangte in zong tua
thupha-te ngah ding uh hi, ci-in i pulaak ngam hi.
Na tel loh Lai Siangtho
thu hamsa-te ngaihsun in. Koi bangin Pasian Kammal in tha hong guan veve hiam?
Na tuah thute in bang hong hilh hiam?
WEDNESDAY August 12
PASIAN KAMMAL NUNTAKPIH
Lai Siangtho sungah
kamciam 3000 val bang om hi. Tua kamciam khatsim khatsim in eite lametna leh
eite ngetna sangin a lian zaw Pasian in sem thei ahihna pulaak uh hi (Eph.
3:20). Pasian kamciamte eite khat ciat tungah a tangtung takpi dingin a hong
kipia ahi hi. Tua kamciamte upna tawh i pom a,
midangte tungah zong i pulaak takteh i nuntakna sungah vantung thupha a
hong luang hi. Hih thuman thutak Paul in Romans 8 sungah “Ama Tapa nangawn siit
lo-in eite khempeuh adingin hong piakhia ahih manin, na dang khempeuh zong hong
pia zaw kan ding hi lo ahi hiam?, ci hi (Rom. 8: 32).
Sawltak Peter in hih
kamciam hih bangin hong hilhcian hi: “Ama vangliatna in eite kisapna khempeuh a
hong pia hi” (2 Pet. 1:3). Singlamteh tungah a hong sihna tawh Khrih in Satan,
hell, khuamial vangliatna tungah zawhna ngah hi. Pasian deih bangin i nuntak
nadingin i kitangsap khempeuh a hong pia khin hi. Nisim nuntak khuasak nading a
kisam khempeuh pia dingin a hong kamciam bangin hong pia tawntung hi.
1 John 1:7–9 ; Phillippians 4:13, 19 enkak in. Tua kamciamte in kibang lo hi mah taleh Pasian zia bang
hong hilh uh hiam? Koi bangin tua kamciamte
in na nunzia hong huzaap hiam?
_____________________________________________________________________________________________________________________________
Kamciam a tuamtuam hi mah
taleh Pasian a hong lah thu in a kibang ahi hi. Tua kamciamte in mawhmai-sak
nuam Pasian, ciangtan nei lo vangliatna nei Pasian, kitangsap khempeuh a hong
pia Pasian ahihlam hong lak hi. Pasian
in i kitangsapna khempeuh hong pia hi, cih lungmuanna hong pia hi.
Hebrews 3:19; 4:1–3; Matthew 13:58 sim in. Upna kitangsapna thu
bang hong hilh hiam?
_____________________________________________________________________________________________________________________________
Lai Siangtho in Pasian in
hong piak a lamdang a kamciamte hong hilh hi. Upna tawh tua kamciamte i pulaak
a, i um hi. Bang hang hiam cihleh tua kamciamte, Khrih in tua thupha-te ei
adingin hong pia khin hi. I nuntakna sungah Pasian kamciamte a hong tung kimlai
eite uplahna in na khaktan hi. Pasian Kammal om bangin Ama kamciam kitangsam mi
tungah pulaak thei dingin Topa tungah ngen in.
THURSDAY August 13
THU HAWMSAWN
A lungdamhuai thu hoih in mite hawpsawn ding hi. Na lungdamna thu-te ngaihsun in. Zi, pasal dingin zuthawl piakna, nausuahna, nasep ngahna, mawtaw thak neihna ahih keileh innthak neihna cihte in a lungdamhuai thu hi. Tua bangin i lungdamnate mi tungah pulaak lo-in i om thei kei hi.
I nuamna khat mi tungah
pulaak in manpha hi. Vankhuanuai-ah lungdamhuai thu lianpenpen in Jesuh thu
hi. Ama Kammal hong hilh bangin Khrih
sungah hotkhiatna thu i muhtel ciangin i nuntakna in lungdamna tawh kidim a, i
lungdamna thu mi tungah pulaak lo-in i om thei kei hi. Sawltakte in thuhilh
nawn lo dingin biakna makaite in a khaam uh ciangin Peter in hih bangin pulaak
hi: “Kote in ka muhsa thu uhleh ka zaksa uh thute gen lo-in ka om thei kei uh hi,” ci hi (Sawl. 4:20).
Mi khat in a manpha lawm
bangin Jesuh a neih a kipan midangte tungah Jesuh thu pulaak nopna lungsim hong
suakkhia pah hi; hotkhiatna thu leh a hong siangtho-sak thuman a sepcil thei
kei hi. Khrih dikna puan bangin i silh ciangin
Kha Siangtho hong piak nuamna in hong tuam-in tua nopna pulaak khia lo-in i om
thei kei hi.” Ellen G. White, Steps 2 to
Christ, p. 78.
Paul in “Greek leh Greek
lote tawh ahi zongin a pilte leh a haite tungah leibat ka nei tuak hi. Rome a
om note kiangah zong lungdamna thu hilh ding ka lawp mahmahna tua hang ahi hi.
Tua lungdamna thu a um mite peuhmah hotkhiat nadingin Pasian vangliatna ahih
manin ka maizumpi kei hi; a masa-in Jew mite, tua khit ciangin Gentile-te ading
ahi hi” (Romans 1:14–16). Sawltak Paul in ama kikhelna thute a pulaak ding
cimtaak ngei lo hi. A lungsim in Khrih sungah nuamna tawh kidim tawntung
hi. Ama adingin lungdamna thu in mi
tungah hawmsawn theihloh thu hi-in, gen lo-in
a om thei kei hi.
Isa. 50:4; Thuhilhsia
3:1; 2Tim. 4:2 cihte in mi dang tungah Pasian Kammal hopsawnna thu tawh kisai
thu guipi bang hong hilh uh hiam?
__________________________________________________________________________________________________________________
Khrih tung leh Ama nasep nadingin i nuntakna i ki-ap ciangin Amah in lampi hong honsak ding a, amun leh ahun, mite lungsim a lawngkha dingin hong makaih ding hi. Khrih adingin teci panna khempeuhah i phawk tawntung ding thu thum om hi: bang thu pulaak ding, koi bangin pulaak ding, bang hun a pulaak ding cih thute zuih ding kisam hi.
Kua-te tungah teci pangin
koi bangin na teci panna in muibun
semsem thei ding hiam?
FRIDAY August 14
NGAIHSUTBEH DING: Ellen G. White, “A Knowledge
of God,” pp. 87–91, Steps to Christ; “Bible Readings With
Families,” pp. 192–193, Gospel Workers;
leh “Bible Work Techniques,” pp. 81–486,
Evangelism cihte sim in.
Pasian in i kimlepaam-a
om mite sungah nasem hi. Tua bangin mite sungah Pasian in lampi a hong honsakna
mu thei hi lehang amaute tungah Topa kammal i pulaak ding hi. Pasian in
lungdamna thu khaici tuh nading mihing lungsim a na kiginkholhsakna tungtawnin
eite in thuman khaici a tuh thei i hi hi. Nicodemus, tuikhuk ah Samaritan numei
nu, siluang natna nei numei nu, singlamteh tungah guta pa, Roman galkapmangpa
cihte leh mi honkhatte in Jesuh tawh a kimuhma-un Kha Siangtho in amaute sungah
nasem khol khin hi. Amaute nuntak khuasakna leh Kha Siangtho nasepna tungtawnin
Khrih hong gen thute um thei uh hi. Amaute ading thungetsakna, Lai Siangtho
sinpihna, lai hawmpiak cihte hamsa ngaihsut lo-in nuamtakin i sem thei ding hi.
Mi khat tungah i upna thu gen lo-in i om theih loh hun hong thei hi. Tua in Kha
Siangtho nasep hi-in, i ngen a za ding mite sungah Kha Siangtho in nasem khin
hi.
KIKUP DING DOTNATE:
1. Mi khat in a gamtatnate
khial ahihlam kiphawkin Pasian tung pan mawhmai ding kisam ahihlam thei-in na
kiangah hong pai hileh bangthu na gen ding a, Lai Siangtho bang
mun na hilh ding hiam?
2. Pasian in i kiangah mi hong sawl kha thei hi. Bang hang hiam cihleh tua bang mite in Topa thuman thei tel ding uh deih hi.
3. Piansakna leh piansakna
tawh kisai Pasian vangliatna leh Pasian Kammalvangliatnate ngaihsun in. Vankhuanuai-a om
khempeuh in lamdang hi; mihing telzawh dingin lian lua hi. Piansaknate sangin Piangsak
Pa in lian zaw mahmah ding hi. I biak Topa Pasian in vanglian mahmah hi, cih
thu in bangci bangin khamuanna hong guan
hiam? Pasian in vanglian hi bek lo-in eite hong it Pasian hi. Tua thu
theihtelna in a lian lametna hong guan hi lo hiam? Hih thu theihna in Topa ading teci hoih hong
suaksak thei hi lo hiam?
