LESSON 6 AUGUST 1–7
CIANGTAN NEI LO A PIANG THEI THUTE
Sabbath Nitak
Tu Kaal Sung Sim Ding: 1 Kor. 12: 4-9, 7, 12; Matt.
3:16, 17; 1:4–9; Matt. 25:14–30.
KAMNGAH: “Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi” (1Kor. 12:11)
Pasian in Ama teci hi dingin eite a hong sam hi
(Sawl. 1:8; Isa. 43: 10). Khrih ading teci hihna in mi tawmno khat bek tungah
kipia siamna hi lo hi. Khristian mimal khat ciat in Khrih ading teci hi dingin
sapna ngah hi. Lai Siangtho sungah Pasian in a hong sapna a pulaak kammal
tuamtuam om hi. Eite in leitung khuavak
i hi hi; ‘Pasian ai-awh a nasemte’
‘kumpi nam’ ‘siampi nam’ (Matt. 5:14; 2Kor. 5:20; 1Pet. 2:9), cih bangin
kipulaak hi. Teci hi dingin a hong sam pa
in nasep siamna zong hong guan hi. Thu-um mimal khat ciat tungah vantung
siamnate hong piakhong hi. Pasian in siamna neite bek a sam kei hi. Ama sap
peuhpeuh tungah siamna guan hi. Amah a um mite tungah a khawnkhong-in
hotkhiatna a hong piak mah bangin Ama siamnate zong a khawnkhongin a hong pia
hi.
Topa leh Ama nasep
nadingin a ki-ap mi ciangtan om lo-in Pasian in zang hi. Ama angsung deihna nial a, Kha
Siangtho tawh kidim dingin a lungsim a pia mi, a pumpi leh a nuntakna khempeuh
Topa tungah a kipia mi pen ciangtan om lo-in Pasian zang hi.”—Ellen G. White, 18 The Ministry of
Healing, p. 159.
Tu kaal sungin Kha Siangtho piak siamnate tungtawnin nasepna in ciangtan om lo-in mazang thei hi, cih thu i kikum ding hi.
SUNDAY August
2
SIAMNA A TUAMTUAM: NASEPNA-AH KIPUMKHAT
Nungzui sawm le nihte
khatlekhat kibang het lo ahihlam na ngaihsun ngei hiam? A pianzia, a nunzia uh,
lungsimpuak zia-te a kipan siamna a tuam ciat nei uh hi lo hiam? Hih in pawlpi
thaneem nading hi peuh mah lo hi. Pawlpi tha hatna hi zaw hi. Matthew in
siahdong hi; a kician mi hi; a hi sitset
mi hi. Ahi zongin Peter in lungsim manglang hi; lungtom hi; makai nuam den hi.
John in nunneem mi hi; lungduai hi; thuman gen ngam hi. Andrew in mi theih mi thupi khat hi; kimlepaam
a kin mahmah mi khat hi. Thomas in thudot hat hi; thu khat peuhpeuh um pahpah
ngam lo hi. Hih nungzuite nun zia, siamna tuam ciat nei uh hi mah taleh, Pasian
in Ama teci hoih dingin vanglian takin zang
hi.
1 Kor. 12:12, 13, 18–22
sim in. Hih thute in Khrih pumpi ahi pawl sungah siamna a tuamtuam a om ding
kisam ahihlam hong hilh hi lo hiam?
_____________________________________________________________________________________________________________________________
Pasian in mun tuamtuam
panin mi hong kaikhawm-in a kibang lo siamna kigawmkhawm a nasepna in mannei
hi. Khrih pumpi in minam khat bek, nunzia kibang khin hi lo hi. Kipawlna khat
sungah lungsim puak zia, deihna kibang khin mite hi lo hi. Khrih pumpi i cih in
minam tuamtuam, ngaihsutna kibang lo a tuam tek kigawm khawm-a, Khrih a it
khawm, Lai Siangtho a it khawm, midangte tungah Topa hong itna a hawmkhawm leh
Ama na semkhawm-a a mainawt mi honpi hi (Rom. 12:4, 1Kor. 12:12). Khrih pumpi
in siamna tuamtuam tawh kidim hi. Tua siamna khat ciat in manpha hi; hrih pumpi
cidam nadingin mimal khat ciat in manpha mahmah hi. Pumpi tung a nate – bil,
mit leh nakte in amau nasep a tuamtek hi
mah taleh pumpi adingin a kisam lo khat zong om lo uh hi. Tua bang mahin siamna
khempeuh in pawlpi adingin kisam hi (1 Kor. 12:21, 22).
I pumpi nate limtak
ngaihsun lecin a neu penpen in zong nasep lianpi nei hi. I mitmulte ngaihsun
in. Gentak lo ahih hangun amau nasep in manpha mahmah hi. Leivui lut ding khat
dal keileh mittang in siatna lianpi tuak kha ding hi. Khrih pumpi nate zong tua
bang mah hi. Pawl sungah kuamah mah in
mi thupi lo om lo hi. Pawlpi mimal khat ciat in Kha Siangtho piak siamna
nei ciat hi. Tua siamnate Pasian tungah i ap ciangin mimal khat ciat in tawntung
kimang ding kilamdanna piangsak thei hi.
Bangzahin siamna na nei zongin pawlpi midangte neih siamna nangma neihloh bangte hiam? Koi bangin na masuan-ah mavanna hong pia thei ding hiam?
MONDAY August 3
PASIAN: SIAMNA KHEMPEUH A PIA PA
1 Kor. 12:11, 18;
Ephesians 4:7, 8; 5; James 1:17 in Pasian in siamna khempeuh phungpi hi, cih
hong hilh hi. Tua hi-in Pasian tung pan Kha Siangtho tawh kipawl siamnate
nangma kisapna tawh kituakin ngah dingin muanna tawh na ngen thei hi. Ama
minthan nading leh Ama vangliatna adingin i siamnate a hoih pen dingin a hong
zang thei hi.
Mark 13:34; 1Kor. 12:11 sim in. Kua-te tungah Pasian in Kha
Siangtho siamnate pia hiam?
___________________________________________________________________________________________________________________________
Pasian in a hong
hotkhiatna thu midangte tungah gensawnna-ah a hong huh dingin mimal khat ciat
tungah vantung siamna hong pia hi. Jesuh in innnei pa leh a nasemte a
thugentehna-ah nasemte in amau tawh kituakin inn sung nasep ding khat ciat
guanin innnei pa khualzin hi (Mark 13:34). Mimal khat ciat in sep ding i nei
hi. Pasian in Ama hong hotkhiatna thugenin nasep nadingin mi khempeuh hong
sam-in, nasep nadingin mimal khat ciat tungah Kha Siangtho tawh kipawl siamnate
hong pia hi. Khrih tungah i nuntakna khempeuh i ap ciangin, kituiphumna tawh
Ama pumpi, pawlpi thu-um mi khat suak hang a, pawlpi ading nasem ding leh mun
khempeuhah Ama teci hi dingin, Kha Siangtho in siamna hong guan hi.
1903 kum-in Ellen G.
White in pawlpi mite hanthotna laikhak khat gelh hi. Tua laikhak gelh in Pasian
piak siamnate Ama nasep nadingin zat ding ahihlam hilh hi. Eite khempeuh in
Pasian innkuan khat sungah i om hi. Pasian in siamna (talent) tuamtuam muanna
tawh a hong piakte in kibang lo a, a hong piak bangbang i zat zia zui-in Ama
mai-ah thukhenna a thuak ding i hi hi. Talent lian taleh neu taleh Pasian
adingin zat ding hi a, mimal khat ciat in eima khentel theihna zui-in a
zangkhia ding i hi hi. “Pumpi, ngaihsutna, thu upna, a neu pen hi phial mah
taleh tuate in na lianpi sem theih ahih manin neu-muhin nawlkhin kha ngei kei
in.” Letter 260, December 2, 17 1903.
Sawl. 10:36–38;
Matthew 3:16, 17; Sawl. 2:38–42 sim in. Tuiphum ciangin Kha Siangtho kamciam
tawh kisai bang hong hilh uh hiam?
_____________________________________________________________________________________________________________________________
Jesuh in mihingte lakah
hotkhiat nasep kipan-in nasep mavan nadingin a kituiphumna-ah Kha Siangtho tawh
a kidim mah bangin eite zong i kituiphum-in Kha Siangtho kamciam a hong kipia
hi. Ama Kammal tungtawnin Topa sungah lungmuanna a nei dingin a hong deih hi.
Pawlpi leh mite adingin Kha Siangtho tawh kipawl siamnate a hong pia hi.
TUESDAY August 4 KHA SIANGTHO PIAK SIAMNATE NGIMNA
1 Kor. 12:7;
Ephesians 4:11–16 sim in. Bang hangin Pasian in Kha Siangtho tawh kipal
siamnate thu-um mimal khat ciat hong pia hi ding hiam? Tua siamnate in bang
ngimna nei ciat uh hiam?
____________________________________________________________________________________________________________________________
Kha Siangtho hong piak
siamnate in ngimna tuamtuam nei hi.
Pasian pawlpi huh a, pawlpi nasep kizawh nading a huh ding, pawlpi a
khansuah dingin siamna a hong kipia hi. Pawlpi hong kipum khatsak-in mun
khempeuhah hotkhiatna nasep a kizawh nadingin siamna a hong kipia hi. Lai
Siangtho in a pulaak Pasian in a pawlpi tungah a hong pia siamna tuamtuamte in
nasepna, mi huhna, thugenna, thuhilhna, mi thapiak siamna, piakkhiatna, zindo
siamna, mi hehpih theihna, mi panpih siamna, lungnopna cihte hi. Hihte banah a
dang tampi zong omlai hi. Romans 12 leh 1Kpor. 12 sungah a kicing zaw-in
kipulaak hi.
Pianpih siamna leh Kha
Siangtho hong piak siamna a kizopzia na ngaihsun ngei ding hi. Kha Siangtho piak
siamnate in Topa nasepna-ah a hong huh ding leh a pawlpi adingin Kha Siangtho
in thu-um mimal khat ciat tungah a tuam vilvel-in hong piak siamnate hi. Hih
siamnate in pianpih siamna zong hi kha thei
hi; ahi zongin Ama nasepna-ah kizang dingin pianpih siamnate Kha
Siangtho in siansuah, siangtho-sak hi. Pianpih siamna khempeuh in Pasian hong
piak mah hi. Ahi zongin a vekin Khrih adingin kizang lo hi.
Siamna tuamtuam tawh
kisai-in Jesuh thugentehnate sungah pianpih siamna hi taleh a tuam vilvel-in
Pasian piak siamna hi taleh, siamna kici
khempeuh kihel hi. Pianpih siamna hi taleh Kha Siangtho siamna hi taleh siamna
khempeuh in Khrih adingin zat ding ahi hi. Ama nungzui mi ahi dingin i nuntakna
khempeuh Khrih tungah ap ding kisam hi. Tua bangin i ki-ap ciangin i nuntakna,
i siamnate in siangtho-in, Topa min a thangsak, mite adingin thupha hong suak
thei hi. Ellen G. 17 White, Christ’s Object Lessons, p. 328.
Tua banah Pasian in a pawl tungah a piak tuam vilvel siamna om a, tuate in a piang ding thute genkholh theihna a kipan, pastor, upa, thuhilh siamna cihte in Khrih pumpi a cidam sak ding, thu-um mimal khat ciat nasepna a huh dingin a hong piak siamnate hi ( Eph. 4: 11, 12). 4:11, 12). Pawlpi mi khat ciat in Kha Siangtho in bang siamna hng pia cih a kitel nadingun pawlpi makaite khempeuh in makaih-in hilh ding uh hi. Tua in Khrih pumpi cidam nading ahi hi.
Leitung nuntak khuasak
nadingin na zat pianpih siamnate tu-in pawlpi adingin na zang hiam?
WEDNESDAY August 5
BANG SIAMNA NEI CIH MUHKHIATNA
1Kor. 1:4–9 leh 2
Kor. 1:20–22 enkak in. Pasian kamciamte bang hong hilh uh hiam? A diakdiakin
Khrih hong pai kikma-in Kha Siangtho in a piak siamna bang kamciam om hiam?
____________________________________________________________________________________________________________________________
I Topa a hong pai kik
madeuh ciangin Pasian in a pawlpi tungah Kha Siangtho tawh kipawl siamna namcin
pia ding hi. Amah in a kamciamte pelh ngei lo hi. Amah in a teci dingin eite sungah a Kha
Siangtho a hong omsak hi. Kha Siangtho in Pasian hong piak siamnate theihtelna
a hong guan ding hi. Pasian in siamna hong pia-in, Kha Siangtho in tua siamnate
a hong mu-sak, a hong theisak hi.
Luke 11:13, James 1:5;
Matthew 7:7 sim in. Pasian in mimal khat ciat a hong piak siamnate mu thei hi
lehang, Topa in bang sem dingin hong sam
hiam?
____________________________________________________________________________________________________________________________
A khawnkhong-in a hong
piak siamnate i pulaak khiattheih nadingin Pasian in bang hih dingin hong sawl
hiam? Pasian tungah kipumpiak-in i ki-ap ciangin Kha Siangtho tung pan siamna
tuamtuam i ngah hi. A hong piak tua siamnate amu tel thei dingin ngen in. Ei le ei kiliatsakna hemkhia hi lehang, Jesuh
bek liansak-in na khempeuh-ah Amah i masak ding a, Kha Siangtho hong piak
siamnate lawpna tawh i zang khia thei ding hi. “ Nungzuite in upna leh
thungetna tawh Topa nasem dingin a kipumpiak matengun amaute sungah Kha
Siangtho in nasem lo hi. Ahi zongin citakin Khrih a zui mite tungah vantung
siamna tawh kidim uh hi. Khrih sungah tua siamnate khempeuh eima aa hi. Ahi
zongin Kha Siangtho tungah kinga mite tungah tua siamnate kipia hi.” Ellen G.
White, Christ’s Object Lessons, p. 327.
Kha Siangtho piak siamnate in ( 1Kor. 12:4–6) picing takin Pasian na hong sem zo-sak hi. Pasian na sep (ministries) nadingin tua siamnate a hong kipia hi-in, a kisapna om bangin i zatna tungtawnin Kha Siangtho in hong siamsak zaw semsem hi. Nasepna-ah Kha Siangtho hong kihel- a a hong piak siamna in nasepna a tangzai zaw sak dingin thungen in.
Bang siamnate na nei
hiam? Koi bangin Topa adingin tua siamnate na zangsiam semsem ding hiam?
THURSDAY August 6
SIAMNATE PICING TOTO
Talent thugentehna
Matthew 25:14–30 ah sim in. Bang thu na telmuh pen hiam? Bang hangin nasem mi nihte in thupha ngah
beh-in a dang khat in hamsiatna thuak hiam? Siamna tuamtuamte zatna tawh kisai
thu bang hong hilh hiam? Matthew 25:29 ngaihsun kik hi.
____________________________________________________________________________________________________________________________
A topa un nasemte siamna
tawh kizui-in talent hawmsak hi (Matt. 25: 15).
Mimal khat ciat in a ngah zah uh kibang lo hi. Khat in talent khat ngah a, a dang khat in
talent nih ngah a, a adang khat in talent khat ngah hi. Nasemte khat ciat in a
ngah bang bang a meet phungsak thei dingin amau deihtelna bangin nasem thei uh
hi. A theih ding uh thu in amaute tungah kipia siamnate (talent) in amau neih
suak dingin a kipia hi lo hi. A topa uh adingin nasemte kua in siamna lianpi
nei-a, kua in siamna neu nei hi, cih a thupi hi lo hi. Siamna bang zah nei cih
zong thupi-in koih lo hi. A topa un thupi a sak thu in nasemte in a kipia
siamnate tawh bang sem uh cih thupi ngaihsut hi.
Paul in hih bangin pulaak hi: “Piaknopna lungsim na neih nak uhleh
na neih lohnate uh siksan hi lo-in na neihna uh tawh kizui-in na piak uh Pasian
in hong sang ding hi” (2Kor. 8: 12). Pasian in nasem nihte pahtawi-na pia hi.
Bang hang hiam cihleh amaute in a siamnate uh zangsiam uh hi; a siamnate uh
phungsak uh hi. A gina lo nasem pa in ahih leh a kipia siamna phungsak lo hi.
Thupha bawl nasepna in Pasian tawh kizopna leh mi tawh kizopna piangsak hi, cih
thu kip tawntung hi.”Ellen G. White, Christ’s Object 15 Lessons, p. 326.
A citak lo nasem pa in a
hun hoih ngahte pammaihsa lo-in thupha bawl ding ngaihsun lo ahih manin a
tawntungin a siamna a beimang suak hi. Pasian in a hong piak siamnate Ama
minthan nadingin i zat ciangin siamnate hong khang semsem ding a, tangzai
semsem ding, siamna kibehlap semsem ding hi.
Pasian hong piak siamna bang na nei hiam cih koi bangin kithei ding na hiam? Nasem siam dingin Pasian tung pan huhna ngen in. A hong piak siamnate zang siam in. Na zatna tungtawnin na khangto ding a, Ama nasepna sungah lungkimna na ngah ding hi.
Talent thugentehna
ngaihsun kik in. Pasian hong piak siamnate tawh bang nasem hiam? Na siamnate in
Pasian hong piakkhong ahihlam phawk in.
FRIDAY August 7
Ngaihsutbeh ding: Ellen G. White, “Talents,”
pp. 325–365, in Christ’s Object Lessons sim in.
Kha Siangtho hong piak
siamnate thu theihtelna in pawlpi pumkhatsak hi. Mimal khat ciat siamnate in
manpha-in Khrih pumpi adingin a kisam vive hi. Khrih hong piak nasep kizawh
nadingin mimal khat ciat in nasem ding kisam hi. Thu-um mi khat ciat in nasep siamna kiguan
hi.
Mimal khat ciat in Topa
ading nasep nei ciat hi. Ama nasem khat ciat tungah a tuam vilvel siamna,
talent kipia hi. “ Mi khat tungah talent nga kipia hi; a dang khat tungah
talent nih kipia hi. A dang khat tungah talent khat kipia hi. Mi khat ciat in
amah tawh kituakin siamna ngah hi. Mi khatlekhat tungah a hong kipia siamna
kibang lo hi mah taleh, a zangsiam dingin muanna tawh a hong ki-ap ahih manin
na zatna tungtawnin a gah na mu ding hi.
Pasian in siamna a hong piakna-ah thuman lo-in nasem lo hi. Ama nasemte hih theihna zui-in siamna a hong
pia hi; a hong kepsak siamnate a meet a pungsak dingin hong lamen hi.”—Ellen G.
White, Testimonies for the Church, vol. 1 2, p. 282.
Kha Siangtho hong piak siamnate in Pasian min than nadingin hong kipia hi; eima minthan nading hi lo hi, cih phawk in. Pasian in Ama min kitawisangin Ama nasep masot nadingin a hong piak ahi hi.
KIKUP DING DOTNATE
1. Mimal khat ciat in Pasian
tung pan i ngah vantung siamnate ngaihsun in.
Na pawlpi adingin bangci bangin man nei
hiam? Pawlpi mimal khat ciat in pawlpi nasepna-ah kihel kim hileh bangci bangin
kilamdanna piang ding hiam?
2. Mi khat tungah Pasian piak siamnate hangin na hamphat tuamnate na lawmte tungah pulaak in. Pasian hong piak siamnate na theihtelna na lawmte tungah pulaak in. Na neih siamnate tungah bangci bang lungsim puak na nei hiam? Koi bangin mite adingin na zangsiam hiam?
3. Siamna i cih pen i zatkhiatna tungtawnin khangto semsem hi. Na nuntakzia kisittel pha kik in. Pasian hong piak siamnate Ama minthan nadingin na zatna tungtawnin na siamnate a khangto ahihlam na phawk hiam? Tua bang mahin Pasian hong piak tua siamnate tungah na citak hiam?
