LESSON 4 JULY 18–24 THUNGET IN A ZAWHNA: MITE ADING THUNGETSAK

LESSON 4 JULY 18–24

THUNGET IN A ZAWHNA: MITE ADING THUNGETSAK

 

Sabbath Nitak

Tu Kaal Sung Sim Ding: Mang. 12:7–9, Eph. 1: 15- 21; 6:12, Heb. 9 7:25; Dan. 10:10–14, 1 John 5:14–16.

KAMNGAH: “Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte thungetna in vang nei a, na lianpi semzo hi” (James 5: 16)

    Sawltakte hunlai thu-um mite in khatlekhat thu kingetsak uh hi. Pawl pih mite adingin thunget kitangsapna thei uh hi. Tua bangin thu a nget khit uh ciangin amaute kikhopna mun hong kiling hi. Amaute in Kha Siangtho tawh kidim uh a, hang takin Pasian thu gen ding a kipan uh hi” (Sawl. 4: 31) Nungzuite thunget ngaihsun in. Amaute in Kha Siangtho tawh kidim uh hi. Tua khit ciangin hang tak leh kimuanna tawh Pasian kammal genkhia uh hi.

    Thungetna, hang takin Pasian Kammal genkhiatna leh Kha Siangtho in kizopna nei hi. Nungzuite in amau ading bekin thungen lo uh hi.  A mangthang mite ading deihsakna tawh hotkhiatna thu hilh uh hi. Amaute in leitung mun khempeuhah hotkhiatna thu kizelsak ding ahihlam phawk uh hi. Amaute in Khrih in vangliatna a piak ding a kamciam phawk uh hi.” Ellen G. White, The Acts of the Apostles, p. 37.

    Pasian maipha zongin mi ading thu i nget ciangin Pasian in i sungah na hong sem-in Amah tawh hong kinai zaw sak dingin vantung pilna hong guan hi (James 1:5). Topa in eite in i muh khak loh i phawk khak loh lampite zangin lamdang takin ama kiang hong tunpih ding hi (1 John 5:14–17).

 

SUNDAY       July 19                                                                                         

NA KHEMPEUH BUAI-NA

 

    Mang. 12:7–9; Ephesians 6:12 leh 2Kor. 10:4 sim in. Koi bangin mi ading thungetsak a thupi-na hong telsak hiam?

__________________________________________________________________________________________________________________________

    Lai Siangtho in a kimu thei leh a kimu thei lo siatnate pholak hi. Thu hoih leh thu sia, thuman leh zuau thu, Khrih leh Satan in kido tawntung hi. Hih kido-na sungah mihing in eima deih teel theihna Pasian in hong pia hi. Pasian in Ama vangliatna zangin zawhthawh thu-in Ama thu um dingin hong sawl lo hi. Mihingte in i mawhna i muh, i phawk theih nading leh thuman thutak i muh nadingin Pasian in Kha Siangtho hong pai-sak hi (John 16:7, 8). Vantungmite in zong mihing in hotkhiatna lampi a zuih nadingin hong huh uh hi (Heb. 1:14). Mihingte in tua hotkhiatna thu sungah i nuntak nadingin Pasian in vantung thupha-te thupha hong pia hi. Tua hotkhiatna sungah a nungta dingin, Pasian in mihing ngaihsutna, deihteelna zawhthawh thu-in hong heisak lo hi. Zawhthawh thu tawh nasep in Pasian gam tawh kituak lo hi. Zawhthawh thu-in sepna in vantung ki-ukna siksan lianpen itna tawh kituak lo hi. Tua hi-in hih thu-ah thungetna in manpha mahmah hi.

    Hotkhiatna thu a thei nai lo mite adingin thu i ngetsak ma-in amaute in hotkhiatna thei dingin Pasian in lampi tuamtuam zangin nasem thei hi taleh, tua bangin eite thungetna tungtawnin Pasian in a lamdangin nasem thei hi. Pasian in tua bangin mite ading thungen ding i khentatna manpha-sa hi. Khrih leh Satan kikaal kilangneihna sungah thungen lo-in i om sangin, Pasian in eite thungetna tungtawnin na lianpipi semkhia hi.

    Upna tawh i thungetna a hong piak ding leh a hong piak loh ding Pasian khut sungah om hi; a hong piak loh thute in ahihleh i ngetloh thu-te hi,” cih thu limtakin ngaihsun in.  Ellen G. White, The 13 Great Controversy, p. 525.

Khrih leh Satan kikaal kilangneihna sungah thungetna in tampi kilamdanna piangsak hi. Khrih a thei nai lo mi khat in Khrih a theih nading thu i nget ciangin Pasian in amaute ading lampi khat honsak hi. Pasian in amaute ading i thunget thupi ngaihsut-in amaute ading muibun takin Pasian in nasem hi. Mite ading thu i ngetsak ciangin Pasian sepzia i telzawh lohlam kiniamkhiat takin phawk kul hi; tua bangin i theihloh manin mite ading thunget thadah ding hi lo hi.

    Bang hangin Pasian in thunget i kin loh hun sangin thunget i kin hunah lamdangtakin nasem zaw hi ding hiam? Koi bangin Pasian in thungetna hong dawng cih i telloh hangin, bang hangin Lai Siangtho in mite ading thungen dingin tha hong pia hi ding hiam?

MONDAY         July 20

JESUH:  VANGLIAN MAWH HONG THUUMSAK PA

 

    Luke 3:21; 5:16; 9:18 sim in. Bangci bangin thungetna tawh a kalsuan Jesuh nun zia leh Ama nasep a lawhcinna kizop zia bang hong hilh hiam?

_____________________________________________________________________________________________________________________________

    Jesuh nunzia in tatsat lo-in vantung Pa Pasian tawh kizopna nei nunzia hi.  Nasep kipan ding a kituiphum-in hotkhiatna nasep a zawh nadingin vantung vangliatna a ngah dingin thungen hi.  Jesuh in a Pa deihna leh a masuan sep ding khempeuh a sep zawh nadingin Kha Siangtho in vangliatna khempeuh pia hi. Mi tulnga anvakna, miphak a damsakna hi taleh dawivei mi a damsakna-ah Jesuh in sia leh pha kikaal kilangneihna thu theitel hi; thungetna in hell vangliatna khempeuh a do zo ding galhiam hi. I cihmawhna khempeuh leh i thaneemna khempeuh vanglian Pasian zawhna tawh gawmkhawm a zawhna i ngah theih nadingin Pasian in a tuam vilvel-in a koihkholh lampi in thungetna ahi hi. Thungetna in Pasian tawh eite hong kinai-sakin; Pasian bek mah in thu i ngetsak mite lungsim puahpha thei hi.       

    Luke 22:31–34; Hebrews 7:25 sim in. Peter in a sawt lo-in a phutkhak ding zia-etna sung a tuk loh nadingin Jesuh in bang lungmuanna thu pulaak hiam? Zia-etna i tuah ciang i kip nadingin Jesuh in bang hong nusiat hiam?

   ____________________________________________________________________________________________________________________

    Hotkhiat nasepna a lawhcing mite in thungetna a nungta mite hi. Jesuh in Peter min pulaak khia-in thungetsak hi.  Peter in zia-etna a phutkhak ciangin Jesuh in thu ka hong ngetsak ding hi, ci-in kamciam hi.  Peter in Pasian gam thu a tangko-nate ah lawhcing-in pawlpi tungah huzaap lianpi nei ding hi, cih Satan in theitel mahmah hi.  Tua hi-in Satan in Peter nasepna khempeuh suksiat ding sawm tawntung hi. Ahi zongin Peter in a phutkhak zia-etna khempeuh a zawh nadingin Jesuh in thungetsak hi; tua bangin Topa thunget bangin Peter in zawhna ngah hi. Honpa in eite adingin thu hong ngetsak cih thu in lungdamhuai mahmah hi lo hiam? Vantung Ama tokhom mai-ah midangte zong va puak-in thungetsak dingin tuni-in Jesuh in mimal khat ciat hong zawn hi.

    Kuhkal takin mite ading eite thunget in Pasian tungah kinga-in amah bek mah in i thungetsak mite lungsim khel thei-in puahpha thei hi, cih a pulaak ihi hi.

    Tu-in kua adingin thu na ngen hiam? Bangzahin hamsa taleh, bang hangin lungkia lo-in thunget ding thupi hiam?

 

TUESDAY        July 21

MI ADING PAUL THUNGETNATE

     Lai Siangtho in mi ading thungetsakna tampi hong hilh hi. Paul in pawlpi thak a phuhna munte-ah pawl lut thak  mite adingin thungetsak hi. Paul in thungen lo hileh a piang lo ding thu hi mah taleh, tua thupiangte in thungetna hang a piang ahihlam phawk hi. Paul in a it mite tawh omna kigamla hi mah taleh amaute ading a thungetsakna tungtawnin a lungsim uh kipumkhat hi.

     Ephesians 1:15–21 sim in. Paul in Ephesus pawlpite adingin Pasian tungah a nget thu tuamtuamte pulaak in. Paul in amaute adingin a tuam vilvel bang ngetna nei hiam?

_______________________________________________________________________________________________________________________

     Paul in Ephesus khua thu-um mite adingin a thunget phawkhuai hi. Pasian in amaute pilna pia-in thuman theihtelna nei-a, vantung thuman leh tawntung nunna lametna nei dingun thungetsak hi. Pasian vangliatna in amaute sungah nasem dingin zong thungetsak hi. Pasian in vanglian mahmah-in na khempeuh zawhna nei-in sihna pan Jesuh tho-sak hi. Tua  in Topa sungah amaute lamet tawntung nunna bulpi hi. Paul in a thunget a khupna-ah Khrih sungah minthanna leh hauhna khempeuh in amaute luah ding Topa piak ahihna thu amaute theisak hi.  Paul in Ephesian Khristiante ading a thungetna amaute in thei-in a thu zuihna uhah lawpna tawh kidim uh hi.

     Philippians 1:3–11 sim inla Paul thungetna a kammalte leh a thu zuan zia ngaihsun in. Phillipine khua-ah om thu-um mi khat in Paul kiang pan laikhak a ngah dingin kibulh in. Paul in amaute tungah thu ka hong ngetsak hi, ci ziau lo-in, a thungetna kammalte a thei dingin kingaihsun lecin koi bangin na lungsim a hong lawngkha diam? Bang hangin tua bangin hong su-kha hi ding hiam? Paul in bang kamciamte hong pia hiam? Tua kawmkal-ah bang thu hong hilh hiam?

______________________________________________________________________________________________________________________________

     Paul in Phillipine thu-um mite a laikhakna-ah vantung kamciamte leh hanthotna nei banah, Jesuh theihtelna in a hong piak itna leh thuman thutak in Pasian sungah a picing nuntakna tawh hong nungta-sak hi, ci-in hilh hi.

 

WEDNESDAY July 22

A KIMU THEI LO VANGLIATNA NEITE’N NASEM

             Sia le pha kikaal kilangneihna sungah mite ading thungetsakna in galhiam khat hi.  Daniel 10 in Khrih leh Satan kikal kido-na lianpi thu pulaak hi. Jeremiah in Jew mite in Babylon gamah kum 70 sung a saltan ding uh genkhol hi. Daniel khit ciangin Jew mite in saltanna a bei ding thu, Daniel in theikhol hi.  Daniel in Jeremiah genkholh a tangtunna tawm mu kha hi. Ama hun sungin a mipih Jew-te in saltangin om uh hi. Medes leh Persia in Babylon do-in zo gawp uh a, Jew-te in saltanna pan suakta zo nai lo uh hi.  Daniel in nipi kaal thum sung antangin a mipihte adingin nakpi-in thungen hi.  Nipi kaal thum khit ciangin vantungmi khat in Daniel tungah a hong kilang hi.

     Daniel 10:10–14 sim in. Pasian in Daniel thunget a piak hun in bang hun hi ding hiam? Bangin Daniel thungetna a ngah ding zekai-sak hi ding hiam?

_________________________________________________________________________________________________________________________

     Daniel 10 sung a thute in lamdang mahmah hi. Tua thute i teltheih nadingin a kipulaak min nei-te i en masa ding hi.  Persia gam uk kumpi in kua hi ding hiam? Cyrus hi lo ding hi. Cyrus in Persia empire ukpa hi. Amah in Satan limcing hi. Jesus in hih leitung a uk kumpi ci hi (John 11 12:31; 14:30). Paul in “huihlak a om ukna neite, ci hi (Eph. 2:2). Persia kumpi in Satan limcing ahihleh Michael in kua hi ding hiam? Michael cih min Lai Siangtho sungah  mun nga ah om hi (Mang. 12:7; Jude 9; Dan. 10:13, 21; 12:1). Limlak kantel hi lehang Michael in vantungmite a  uk, Satan tawh a kido vantungmite a uk Galkapmangpi Jesuh hi. Michael a khiatna in “Pasian tawh Kibang” cihna hi. Khrih in na khempeuh a kipiansakma-in om hi. Amah in tawntung Pa hi; vanglian Pasian Tapa hi. Amah in vantungmite Mangpipa hi; Amah in Satan leh a pawlte susia ding hi.

     Sia le pha kikaal kilangneihna mi khempeuh in a muhtel dingin a kilahkhiatna thu Daniel 10 in pulaak hi. Daniel in a thunget laitakin hell tawh kipawl vangliatna khempeuh hencip dingin vanglian Michael, Jesuh in vantung panin hong tuaksuk hi. I mai-ah i muh pah loh hangin mite ading i thungetnate Jesuh in hong dawng hi. Amah in a vanglian Honpa hi. I thungette Ama theihkhak loh om lo hi.

     Bangci bangin sia le pha kikaal kido-na na tuak kha hiam? Mimal deihtel theihna leh khentatna in Satan leh Khrih kikaal kido-na bang pulaak hiam?

 

THURSDAY July 23

THUNGETNA MITSUAN

    Lai Siangtho in thunget  kiciansak dingin hong hilh hi. Mumal meel nei lo-in thunget ding hi lo hi. Thunget in kitangsapte Pasian tungah pulaak hi.  Jesuh in a nungzuite adingin thungen hi.  Sawltak Paul in Ephesus, Philippine leh Kolose khua-a pawlpite adingin thungen hi. A naseppih Timothy, Titus leh John Mark adingin thungen hi.

    1Samuel 12:22–24; Job 16:21 sim in. Hih nihte in kibatna bang nei uh hiam? Mi ading thungetna tawh kisai bang thu hong hilh uh hiam?

_____________________________________________________________________________________________________________________

    Samuel leh Job in mite ading deihsakna tawh thungetsak ding a kisapna thu hong hilh uh hi.  Samuel genkhiat thute in khauh mahmah hi. “ Topa tungah note ading thungetlohna ta-wh ka na khial het kei ding hi,” ci-in hangtakin pulaak hi (1 Sam. 12:23). Samuel thungetna bangin Job sungah zong kimu thei hi. “ Mi khat in a lawmpa ading a thuumsak mah bangin” (Job 16:21), Khrih a thei nai lo mite adingin thungetsak ding eite masuan ding ahi hi.

    1John 5:14–16 sim in. Mi ading thu i nget takteh bang piang hiam?

______________________________________________________________________________________________________________________________

    Mi ading thu i nget ciangin Pasian in eite tungtawnin amaute thupha pia hi. Amah in eite tungtawnin vantung tokhom panin nuntakna tui luangkhia-sak hi. Lungsim takpi tawh mi ading thu i nget ciangin Satan leh a pawl khempeuh in ling-in lau uh hi. Ellen G. White in tua bangin a vanglian thungetna hih bangin pulaak hi: “Satan in amah langpan-in thungetnate naang zo lo hi; bang hang hiam cihleh amah in Pasian mai-ah lau-in ling hi.

    trembles at the sound of earnest intercession. Ellen G. White 20 describes the power of prayer in these significant words: “Satan 21 cannot endure to have his powerful rival appealed to, for he 2 fears and trembles before His strength and majesty. Lungsim takpi tawh thungetna awgingte in Satan leh a pawlte khempeuh linglawng patau-sak hi.”Testimonies 2 for the Church, vol. 1, p. 346. Thungetna in a mangthang mite hotkhiat nasepna-ah  vangliatna Bulpi tawh kizopna ahi hi. 

    Matthew 18:18, 19 sim in. Koi bangin mi ading thungetsakna tawh kizopna nei hiam? Topa a thei nai lo mite adingin thungetsak dingin hong hanthawn hi lo hiam?

 

FRIDAY       July 24

Ngaihsutbeh ding: Ellen G. White, “The Privilege of Prayer,” pp. 93–104, in Steps to Christ; “Work for Church 4 Members,” pp. 19–24, in Testimonies for the Church, vol. 5.

     Mi ading thu i ngetsak ciangin Pasian in Ama tungah i kipiakna, i ki-apna thupi hong ngaihsut hi. Nun zia a hong bawl pha dingin vantung vangliatna khempeuh in nasem ahihna hong hilh hi. Tua bangin i thungetnate  in vantung kahto-in, vantungmite in Topa thupiak bangin nasem dingin hong tuaksuk uh hi. “Upna leh deihsakna tawh a mangthang mite adingin thungetnate in vantung tokhom tungto-in Khrih sawl bangin nasem dingin hotkhiatna nasem vantungmite in kigingsa-in om tawntung uh hi. Ellen G. White, Selected Messages, book 2, 15 p. 377.

     Thungetnate in huihlakah maimang lo hi; Pasian in i thungetnate mangngilh lo hi. I thunget khempeuh in vantungah kikholkhawm-in Topa in hoih a sak bangin na hong sem hi. “Upna tawh thungetnate in mangthang lo hi. Mihing deihna bangin Pasian in i thungetna hong dawng pahpah ding hi, cih pen upkhialhna khat hi.  Ellen G. White, Testimonies for the Church, vol. 1, p. 231.

     Khrih a thei nai lo i zi, i pasal, i innkuanpihte, tate, sanggam, beh le phungte a kipan mite  ading thungetsak dingin hong kisawl hi.  Lungsim takpi tawh thungetna in mangthang lo ding hi. I thungetnate  i deih hun hun-in Pasian in hong pia pah pah lo hi.  Amaute in tawntung nunna sung a lut thei dingun Pasian in amaute lungsimah nasem tawntung den hi.

 

KIKUP DING DOTNATE.

 

1.   Philippians 1:19; Kol. 4:2, 3; 2Thessalonians 3:1, sim  in. Athongkiat sungin Paul in Phillipine pawlpite thungetsakna hangin        bangci bangin khamuang thei hiam? Kolose pawlpi leh Thessalonia pawlpi in ama aitangin bang ngen dingin sawl hiam? Bangci bangin kha mangthang ngahna leh mi ading thungetsakna in kizopna nei hiam?

2.   Khrih leh Satan kikaal kilangneihna leitung nunna ngaihsun in. Hih thu in thunget a thupitna bang hong hilh hiam? Jesuh in Satan zo khin mah hi. Ahi zongin a tawpkhakna ah zong Khrih in zawhna ngah ding hi. Tua hun mateng bang hangin hotkhiat nasepna-ah thungetna leh Ama tungah citakna in thupi hiam?

3. Bang thute in midangte ading thungetsakna lawhcin nading hong dal hiam? Bang paulap tuamtuamte hangin midangte ading thu kingetsak lo hiam?