LESSON 10 AUGUST 29–SEPTEMBER 4
LAWP TAKIN
KIHEL THEIH NA’NG LAMPI
SABBATH NITAK
Tu Kaal Sung Sim Ding: Pian. 1:1, 2, 26; Pai. 18:21–25; 1Kor. 12:12–25; Sawl. 16:11–15, 40; 4:31; 12:12.
KAMNGAH: “Tua ahih manin a nungzuite kiangah, “Anlak ding tampi om napi-in anlak na sem ding mi tawmbek a om hi. Tua ahih manin ama an a la dingin an nei Topa in nasem tampi hong sawl nadingin thu ngen un,” a ci hi (Matthew 9:37, 38).
“Mimal tampi kipawl
khawm-in sepkhopna in zawhna hi,” kici
hi. Hi mah hi. Sepna khat peuhah khat
sangin lawmlegual tawh mapang khawm-in i sep ciangin kithalawp suah-in sephat
zaw hi lo hiam? Cidamna tawh kisai kimawlna tuamtuamte a kipan (health clubs),
gyms, cihte-ah khat guak hi lo-in lawmlegual tawh va kimawlna nuam zaw hi. Pasian
in mihing a hong bawl-in zong mi tawh kilawmtat nuam a sa thei dingin a hong
bawl ihi hi. Khatlekhat kipawlkhawm, lawmta thei ding, khatlekhat a kihuh thei
diamdiam dingin mihingin a hong kipiangsak hi. Leitung nuntak khuasakna bek ah
hi lo, thu up thu zuihna-ah zong khatlekhat kilawmta dingin Pasian in hong deih
hi.
Lai Siangtho sungah
thu-um mite nih le thum kipawl khawm a
biakpiakna in a muibun nasepna khat ahihlam hong hilh hi. Tua bangin Lai Siangtho simkhopna panin
thuman theihna hong khangin, thunget khopna, nasep khopna in upna tha guan hi.
Pa, Tapa leh Kha Siangtho in tua bangin thu-um mi nih le thum kipawlkhopna-ah
nasem uh hi. Moses in tua bangin makai khat hi. Jesuh in zong nungzuite tawh
nasem khawm hi. Sawltak Paul in a naseppihte tawh Roman uk sung khua khempeuh
ah hotkhiatna thu gen-in zin kawikawi uh hi.
Lai Siangtho hong hilh nih leh thum kipawl khawm a nasepnate tungtawnin nang le kei zong tua nasepna-ah i kihel theih nading thute tu kaal sungin i kikum ding hi.
SUNDAY August 30
KIPAWLNA NEU-TE: Pasian Deihna Masak
Pian. 1:1, 2, 26;
Hebrews 1:1, 2; Ephesians 3:8, 9 sim in.
Koi bangin hihte in Thumgawm Pasian khat ahihna hong hilh uh hiam?
____________________________________________________________________________________________________________________________
Nate a kipiansak dingin
Pa, Tapa leh Kha Siangtho in nasem khawm uh hi. Amau in kikhen thei lo Pasian
khat hi-in nasep khat ciat nei uh hi. Pa in na khempeuh a Geel Pa, a Phuangkhia
Pa hi. Pa in Jesuh tungtawnin Kha Siangtho vangliatna tawh nate piangsak hi.
Tua bangin a nasep uh mihing theihna in a batzawh hi lo hi. Mihing telzawh thu in ahihleh leitung na
khempeuh in Pasian piansak hi-in tua Piangsak Pa theihtelna i nei hi ( Rom.
1:18–20). Gentehna tuamtuam zangin mal thum gawm Pasian khat kipulaak a, tua
bang gentehnate i zat ciangin kidop ding kisam hi. Pa, Tapa leh Kha Siangtho in
pumkhat hi-in nasem khawm uh hi. Hih in hotkhiat nasepna-ah a masa penpen
nasepkhopna ahi hi. Mihing a hong kipiansak dingin amaute in nasem khawm uh hi.
Tua mah bangin mihing a hong kihotkhiat nadingin zong amaute in nasem khawm uh
hi.
Jn 10:17, 18; Romans
8:11; 1Kor. 15:15 enkak in. Koi bangin Khrih in sihna pan a thawh kik ding leh
hotkhiatna nasep in Pa, Tapa leh Kha Siangtho in nasepkhop pulaak hiam?
_____________________________________________________________________________________________________________________________
Nasep khopna-ah thu-um
mite etteh dingin Pa, Tapa leh Kha Siangtho in hotkhiat nasep semkhawm uh hi.
Ciangtan nei lo Pasian in na khempeuh a
kipiansakma-in vantungah hotkhiatna thu a na geelkhol khin zo hi.” Ellen G.
White, Fundamentals of Christian Education, p. 186.
Pasian mai-ah mi tampi
in hotkhiatna a ngah ding uh cih simloh a thupi zaw thudang bangmah om lo hi (1
Tim. 2:4,; 1 Pet. 3:9). Nih leh thum
kipawl a nasepna in ngimna tuamtuam nei hi. Bang bang ngimna nei taleh a
mangthangte Jesuh kiang tunpih ding sangin a thupi zaw nasep dang om lo hi. Tua
bangin mi tawmno khat kipawlin nasep khopna in ei mahmah in phattuam pih banah
midangte in zong phattuam pih hi. A tawpna-ah tua bangin nasep khopna mungtup
lian bel in hotkhiat nasep ahi hi.
Pasian khat hi, cih
thu thuk ngaihsun in. I telzawh loh thu
hi lo hiam? I telzawh loh thu thuk hi mah
taleh tua thu i um, i muang thei
veve hi. Banghangin mal thum gawm Pasian khat
thu guipi in upna thu-ah thupi mahmah hiam?
MONDAY August 31
LAI SIANGTHO HONG HILH KIPAWLNA NEUTE
Lai Siangtho in nih leh
thum kipawlin nasepna, thungetkhopna, khatlekhat tha kipiakna pulaak hi. Tua
bangin kipawlkhopna neuneute in Topa piak siamnate tawh na lianpi sem uh
hi. Mihon hi lo ahih manin mimal khat
ciat in ama hih theih bangbang tawh Topa ading nasep theihna hong suak hi.
Pai. 18:21–25 sim in. Nasepzia ding Jethro lamlah
bangin Moses in a sep takteh bang kilamdanna piang hiam? Bang hang tua bangin
geelna in thupi hiam?
___________________________________________________________________________________________________________________________
Israel giahphual sung a om mi khempeuh in mi sawm khat ciangin
lomkhat koih-in makai khat kiguan uh hi. Thu hamsa khat a zawh nadingun kikum
khawm uh hi. Tua bangin lom neu tuamtuam kikoih uh a, kimuh khopna banah thu
hamsate kikupna mun suak hi. Tua tham lo-in tua bangin kimuh khopnate in
buai-na dal thei banah thu zuihna-ah khatlekhat tha kipiakna, tha ngahna mun
suak hi. Pasian geelsak thute, Israel mite ading a geelkholhsak thute
khatlekhat kikupna mun hong suak hi. Tua bangin mi tam lo kipawlnate in
khatlekhat kizopna kipsakin a thuak uh hamsatnate kantanzawh nadingin tha
ngahna mun, khatlekhat kipanpihna mun hong suak hi. Mi tam lo kipawlnate sungah
ki-itna, kilawmtatna, hamsatnate kipanpihna tam om zaw hi. Mi tam lo kipawlna
tawh kisai makai minthangte in a genna uhah hih bang kipawlkhopnate ah mi 6 pan
12 kikaal in a deihhuai pen hi, ci uh hi. Moses leh Jesuh in zong tua bang
mahin nasem uh hi.
Luke 6:12, 13;
Matthew 10:1; Mark 3:13–15 sim in. Jesuh in Ama nungzui ding mi 12 a
teelkhiatna-ah mi tam lo nasepna tawh kisai-in bang thu nih kimu thei hiam?
______________________________________________________________________________________________________________________
Jesuh in nungzuite a sap
khiatin amaute in hotkhiatna thu gen kawikawi dingin a kiginkholh nading uh
deihna tawh a sap ahi hi. Amaute in Jesuh tawh a kikholhna tungtawnun hehpihna
sungah khangto uh hi. Tua bangin a sepkhop uh ciangin a masuan uh lawhcing hi.
Nungzuite in Jesuh
nasepzia, a kim a paam a om kitangsam mite huh amuh uh ciangin nungzuite in
zong a sepzia ding, Topa piak siamnate zatzia ding, sepzia ding ni khat khit ni
khat tel semsem uh hi. Jesuh in nih le thum kipawl a nasem khawm ding a deihna
bulpi in Amah tawh kizopna kip i neih nading leh mite tungah muibun takin nasep
zawh nading deihna hi.
TUESDAY September 1
NASEM DINGIN KIPAWLKHAWM
1Kor. 12:12–25 sim
in. Koi bangin pumpi nate omzia in kipawlkhawm nasep a thupitna hong hilh uh
hiam?
____________________________________________________________________________________________________________________________
Paul in Kha Siangtho hong piakkhong siamnate pawlpi adingin thupi
mahmah ahihna a pulaak banah tua siamnate zatzia ding zong hilh hi. Tua
siamnate in Khrih pumpi, pawlpi tawh kituak a zat ding leh zatzia ding hong
hilh hi. Pumpi nate a tuamtuam om-in a nasep uh zong kibang lo-in pumpi adingin
nasem uh hi. Gentehna-in gilpi nasep, lungtang nasep, tuap nasep, guh le tangte
nasep a tuamciat hi.
Kha Siangtho piak siamnate zong pumpi nate mah bangin a tuamciat
hi. Pumpi na tuamtuamte in a sepkhop uh teh pumpi in a cidam mah bangin Kha
Siangtho piak siamna tuamte zong kipum khatin sepkhopna in deihhuai mahmah hi.
Pumpi nate in khat kia tuamdin-in nasem lo uh hi; khatlekhat kizopna nei-in
nasem uh hi. A nasep uh in a tuam ciat hi-in, ahi zongin pumpi ading bekin
nasem uh hi.
Pumpi nate in Kha
Siangtho hong piak siamna tuamtuamte nasepzia hong theitelsak hi. Khat kia-in
nasep in lungkiatna suak thei hi. Ahi zongin sepkhopna in thahatna hi. Ngimna
kibang, mungtup kikhat-in sepkhopna in mazaang hi. Kipawlna neute sepkhopna in
mimal picinna lampi hi. Pawlpi
nasepna-ah zong tua bang nasep in muibun hi. Ellen G. White in kipawlna neute
nasep a manphatna hih bangin gen hi: “Nih leh thum kipawl khawm a nasem ding a
phuangkhia masa in a khialh ngei lo vantung Pasian hi. Pawlpi liante in kipawlna neu tuamtuam nei uh henla,
tua kipawlnate in pawl sung ading bek hi lo-in thu-um lo pawl pua mite adingin
zong nasem ding uh hi. Thuman a zui mi khat le nih a om munte-ah li leh nga
kipawl-in nasem khawm ding hi. Khut kilen khawm-in, itna tawh nasemkhawm uh
hen. Khatlekhat tha kipia-in kihuh ciat uh hen.” Testimonies for the Church,
vol. 7, 4 pp. 21, 22.
Pawl neuneu in nasem
dingin Pasian geelna hi. Ama hong piak siamnate nasep nadingin zatna in upna
sungah khantohna leh kilawmtatna hong huh hi.
Den a i pulaak Ellen G. White gelh thute ngaihsun in. Gual khat khit gual khat limtak enpha in. Koi bangin pawlpi adingin Pasian lamlahna bangin kalsuan thei ding na hiam?
WEDNESDAY September 2
LAI SIANGTHO THAK SUNG A KIPAWLNA NEU-TE
Thuciam Thak pawlpi in a
khang mahmah pawlpi hi. Thu-um mi tawm hi taleh kum tawmno sungin tul tampi
kibehlap hi. Tua bangin pawlpi a khangsak thu tuamtuam om hi. Jesuh in Ama nasep
thuman khaici tuhna hangin mi honpi in nungzuite thugen um thei dingin lampi
sialsak hi. Jesuh in vah a kahtoh khit ciangin Pentecost ni-in nungzuite tungah
a lamdangin Kha Siangtho hong tung hi.
Pawl neuneu-in kipawl khawm a na a sep uh ciangin pawlpi hong khang hi.
Tua bang kipawlna neute in na lianpi sem hi.
Sawl. 18:1–5; 20:1–4
sim in. Bang hangin Luke in Paul tawh nasemkhawm mite pulaak hi ding hiam?
_________________________________________________________________________________________________________________________
Luke in Paul tawh
nasemkhawm mite a pulaak ngaihsun in. Mimal khat ciat leh a nasep in manpha hi,
cih hong hilh hi. Amah tawh nasemkhawmte min zong mangngilh lo hi. Khatlekhat
kipanpih, kihuh uhin nasem khawm uh hi. Mimal a tam loh uh hangin tua bangin
sepkhopna in thupi-in mannei hi, cih pulaak hi. Kha Siangtho piak siamna a
tuamciat nei uh hi. Amaute khankhiatna, ngei-nate kibang lo uh hi. A
ngaihsutzia uh, a khuamuhzia uh zong kibang lo hi. Ahi zongin amau hihna
ciattek tawh Khrih adingin nasemkhawm uh hi. A kibanglo siamna, ngei-na, nuntak
khuasakzia hi mah taleh pawlpi khantoh nadingin mapangkhawm uh hi. Bangmah siit
nei lo-in amau hihna bangbang tawh Khrih nasepna-ah mapangkhawm uh hi.
Sawl. 16:11–15, 40;
12:11, 12 sim in. A kikhel khit phetleh Lydia in bangbangin Paul hawh dingin
sam hiam? Paul leh Peter in thonginn sung pan a suahtak uhteh koi munah va pai
uh hiam?
____________________________________________________________________________________________________________________
Thuciam Thak thu-um mite in inn-ah kikhawm uh hi. Khristian innte in kimlepaam huzaap banah pawlneu tuamtuam nasepna phualpi hong suak hi. Inn khat siksan-in pawlneu nasepna kipan khia ding na ngaihsun ngei hiam? Nih le thum kipawlkhawm a nasepna-ah kihel dingin na ngaihsun hiam? Tua bang nasepna-ah kihel khin na hihleh tu kaal sung thusinna hong piak phattuamnate na lawmte hawmsawn in.
THURSDAY September
3
KIPAWLNA NEU-TE SEPZAWHNA
Kipawlna neu-te
tungtawnin Pasian in a pawlpi phungsak hi. Kipawlna neu-te in nuamna, dahna,
hamsatnate pulaak-in kipuakpih, kithuakpihna mun hi. Khatlekhat kizopna panin
thu zuihna-ah khantohna piangsak hi. Khristian thupuak a za ngei nai lo mi tampi
in i gen thute ngai dingin biakinn hong pai ding uh sangin inn kikhopna
munte-ah hong pai nuam zaw uh hi.
Sawl. 4:31; 12:12;
20:17–19, 27–32 sim in. Tua bangin inn kikhopnate lakah kua-te kihel uh
hiam? Bang bangin kalsuan uh hiam?
_____________________________________________________________ ______________________________________________________________
Khristian mi masate in
kikaikhawm-in khatlekhat thu kingetsakin midangte ading zong thungen khawm uh
hi. Biakna pia khawm uh hi. Pasian Kammal thusinna nei khawm uh hi. Nasem khawm
uh hi. Zuau thuhilhsia-te nial uh hi. Kipawlna neu-te in kilamdanna lianpi
piangsak hi. Thu-umte in a siamnate tawh mapangkhawm uh hi. A mangthang mite
hotkhiat nasepna-ah Kha Siangtho vangliatna tungah kinga ciat uh hi. Topa
adingin galkap muanhuai suak uh hi.
Matthew 9:37, 38 sim
in. Jesuh gen anlak thugentehna in bang hong hilh hiam? Koi bangin an la ding
mi kisam kaikhawm hiam?
____________________________________________________________________________________________________________________________
Nungzuite in kitangsapna
bek mu uh a, Jesuh in tua kitangsapna zawh nading lampi pulaak hi. Nungzuite in anla ding mi omlohna hangin
lungmang uh a, Jesuh in in ahihleh anlak ding tampi amuh ciangin lungdamhuai thu
pulaak hi. Lungdamhuai thu a pulaak khit ciangin anla ding mi tawm bek om hi,
ci-in pulaak hi (Matt. 9:37). Anla ding mite ngah nadingin Khrih in mite
adingin thungetsak ding hong hilh hi. Anla ding mi ngah nadingin an nei PA
tungah thungen dingin sawl hi. (Matt. 9:38). A neuneu-a a kipawlna tungtawnin Khrih
thunget bangin an lak kizo ding hi.
Kipawlna neute deihna
bulpi in nasem ding leh teci ding ngimna hi. Sepkhiatna a om keileh kipawlnate in
beimang ding hi. Mimal aituam hamphat nadingin nasemte in kipawlna ngimna,
pawlpi ngimna bangin nasem lo mite hi. Kipawlna mungtup lian bel in Jesuh
kiangah mite va tunpih ding, Ama sungah upna kiphungvuh ding, Ama ading teci
hoih hi ding ngimna hi.
Pasian in Ama nasem ding kipawlna neu khat a hi innkuan hong zang thei hi, cih na um hiam? Bang hangin Topa nasem dingin Ama tungah ki-ap lo ding na hiam? Tu mahmahin Pasian na nasep theih hun hoih penpen na ngah laitak hi lo hiam?
FRIDAY September 4
Ngaihsutbeh Ding: Hun khatlai-in Europe gam pawlpi
neu khat in mundang khuapi lian khatah Topa ading na lianpi khat sem dingin khentat uh hi. A na sepna uh
pawlpi in khang thei mahmah lo hi;
pawlpi a
bei ding dinmun tung hi. Pawlpi mi kibehlap thei lo hi. Pastor in pawlpi
mite tawh thungen khawm uh hi.
Sawltakte hunlai Thuciam
Thak pawlpi nasepzia-te ngaihsun uh a, tua tungtawn-in a neuneu-in kipawlna
khat kipan ding ngaihsun uh hi. Pawlpi mite inn pen thunget khopna, Lai
Siangtho thusin khopna mun-in zang pah uh hi. Mi tam kihel lo ahih man-un mikim
in amau hih theih bang ciat tawh nasem thei uh hi. Kimlepaam tawh kimeltheihna
nei uh a, Adventist pan a nungkik mite tawh kizopna nei-in thusinna, thunget
khopna nei uh hi. Mun kua ( 9) ah Lai Siangtho thusinna nei uh a, a vekpi-un mi
kigawm mi 40 bang pha uh hi. Kha Siangtho nasepna lamdang mu uh hi. Tua bangin
mun kua pan thusinna gah mi 17 in
kituiphum uh hi. Mun tuamtuam-ah kipawlna neute nasepna panin pawlpi
bbsndmenkhangto hi. Pawlpi nasepna a tangzai nading, pawlpi khantoh nadingin a
neuneu-in kipawlna in Pasian hong geelsak ahi hi.
KIKUP DING DOTNATE
