Liberia
Ading Sanginn khat
LIBERIA,
July 4
B.
Darlington Teah, 59
Darlington
Teah in Khristian pawlpi khat sung pan khangkhia hi. Hih pawlpi ah a pa in deacon sem-in a nu in
cinate dingin thungetsak den hi. A nu in
pawlpi adingin kipai khia mahmah mah nupi khat hi. Ahi zongin a pa bel tua bang hi khol lo hi.
Darlington kum 7 a phaklai-in a pa in misi khinte biakna khat tawh kipawl hi. A
tapa zong member dingin zawn hi.
“ Ta aw, na pu leh i piankhiatna i pu i pate in hih kipawlna
sungah na om uh hi,. Ka sih khit ciangin nang zong ei munah na na om kul ding hi,” ci-in a tapa
hanthawn hi. Ahi zongin Darlington in tua sungah va kihel ding lunglut lo hi. Hih kipawlna sung a lut mite in Liberia gam
mual tung khat misi khinte biakna nei uh hi. A pa un tua mualtungah biakna pia
dingin nai 4 sung bang khe tawh pai kul hi.
Lokhawh khaici tuh hun ciangin a pa un, “ pute pite aw, tuni-in ka lo
nasep uh kipan nuam ta ung, ka lo
khawhna uh thupha hong pia inla, kum hoih hong hisak in, ci-in thungen-in
biakna pia hi. A nu in naupaai-in a om ciangin a pa un thungen-in, “ pa-te pute aw, ka tanu
uh in naupaai hi’ ci-in thupha ngen hi.
Khua sungah natna hong tun ciangin thungen leuleu-in, “ Aw, pute pate aw
natna hong tung ahih manin kong pai hi. Damna hong pia un,’ ci-in thungen hi.
Tua bangin thungen-in biakpiakna a
neih ciangin aksa leh buh tawh biakpiakna pia hi. Aksa leh an pen kuang sung
khatah koih-in, tuate nusia-in inn ciah hi. A pai kik ciangin an leh aksa-teng
beimangin kuang bek om mu hi. Tua bang
ciangin a pu, a pate un a an piakte na ne-in a thunget pia hi, ci-in lungdam
mahmah hi. Darlington in hih pupa biakna zuih ding leh zuihnop loh ama deihtel
theihna om lo hi. Ahi zongin a nu in sawlsawl taleh ama’n nial veve hi. . A pa
in mualtungah pai-in biakpiakna a va neih ciangin a nu in Darlington pen mun
dangah paipih hi. A nu in a pasal tungah, “ Amah pen Khristian upna zui ding ka
deih hi,” ci-in gen hi. Darlington in Sunday School kahden hi. Ahi zongin Lai
Siangtho theihtelna nei lo hi. A neulai-in Seventh-day Adventist thugensia khat
in a khua uah Pasian thugenna khat nei-in,
ni sagih Sabbath a zak thute phawk thei lai hi. Darlington in Lai
Siangtho a sim ciangin
Sabbath
thu a sim khak masak pen hi-in, a pastor tungah Sabbath maw, Sunday maw, koi zaw
in Pasian deihna tawh kituak hiam, ci dong thei zel hi. Tua Sunday pastor pa in
Sunday ni hi, cih pen Lai Siangtho siksan ding bangmah thei lo hi.
“ Ka ta aw, ni 7 ni pen Sabbath hi.
Sunday ni a Pasian i biak ahihleh Jesuh in sihna pan a thawhkikna i phawk
nading hi,” ci-in pastor in dawngkik hi.
Darlington in Lai Siangtho gen bangbang zui nuam hi. Tua hangin Adventist
pawlpi-ah kituiphum hi. Tua bangin a tapa in tui a kiphum ciangin a pa in zadah
hi. Bang hang hiam cihleh a tapa in pupa biakna nusia ding hong suak hi. A nu
ahihleh a tapa kituiphumna hangin lungdam hi.
Darlington in pastor hi nuam hi. Tua
dingin thungen tawntung hi. Liberia gamah Adventist sanginn om lo ahih manin
Ghanna ahih keileh Nigeria gamah a kah kul hi.
Sangkah
nadingin sum om lo cih thei ahih manin a sangsap ding sum thalawh-in nasep
hahkat mahmah hi. Tua kawmkal-ah tualgal tungin, 1990 inah gam makai
kiteelpi-ah mee kuang lui hi. Mipi in deih mawh lo ahih manin Member of
Parliament khatin telcing ngah hi. Gamdangah Lai Siangtho sangkah dingin ka pai
zawh keileh zong ka gam a khangnote
in Lai Siangtho a sin theih nading uh
sanginn khat kipan khia ding cih ngimna nei hi.
Kum khat khit ciangin Liberia khuapi Monrovia ah Adventist University of West Africa, ci-in university khat phuan khia hi. Parliament ah a tut zawh kum 6 khit ciangin a nasep nusia-in Lai Siangtho sin dingin Adventist
University
of West Africa ah sangkah hi. Tu-in Darlington in pastor khat hi-in, South-East
Liberia Mission ah president hi.
Tu quarter leitungbup Sabbath 13na sumpi in Buchanna khua-ah Sanginn lam nading kipuak ding hi. MUC in Sawbua sanginn adingin kipuak ding hi.
