Thungetna
in Nupa Nuamsak Kik
GABON
| July 25
Angelique
Abeme, 45
Angelique
Abeme in kum 15 a phakin Peter tawh kingai uh hi. Peter in kum 20 cing khin hi.
Kiteeng lo pi tanu nih nei uh a, Gaban khuapi saklam Oyem khua-ah om uh hi.
Peter in zudawn zatep mi khat hi. Angelique in tuapi mah ngai veve hi.
Angelique in kum 25 a phakin a vengte Seventh-dayAdventist khat in Pasian thugenna mun khatah thungai
dingin zawn hi. Angelique in ni 7 ni Sabbath tawh kisai dotnop thu tampi nei
hi. A zak thute tawh lungkim zo lo hi.
Tua Pasian thu kigenna kaal nih khit a nitak tawp ni ciangin Angelique
in a pastor tungah Sabbath tawh kisai va dong hi. “ Pastor aw, Sabbath mantak
pen Sunday ni maw, Saturday ni maw, koi zaw hiam, ci-in dong hi. Lai Siangtho sungah ni 7 ni Saturday ni pen
Sabbath hi, ci-in pastor pa in bangmah nial lo hi. Adventist na suah nopleh
zong suak in ci-in kiho uh hi.
Angelique kituiphum a, tua khit ciangin
hamsatna tuamtuam hong kipan hi. Peter tawh kingai ahih manin, Peter tungah
kiteng ni, ci-in a gen leh Peter ut lo hi. Tua ciangin inn panin paikhia dingin
a sawl ciangin Peter zong pai khia a, Port Gentil kici khua-ah va tung hi.
Angelique
in Peter adingin thungetsak hi. Peter in thuman a theih nading ci-in thungen
den hi. Peter in a sim ding ci-in Lai Siangtho thusinna laibu tuamtuam khak den
hi.
Peter in Port Gentil a ah om hangin
hamsatna tampi tuak hi. A nasepna-ah a pu in van gu teh ci-in ngawh a, Peter in a guk lopi hi taleh, kha 3 sung
thongkia hi. Thong sungah Adventist thuhilhsia khat in Lai Siangtho thusinna
laibu sim ding pia a, tua laibu-te simsim hi. Thong sung pan a suahtak khit
ciangin Peter in kituiphum hi. Anglique in Peter thongkiatlam a lawmte khat
tung pan na za a, thong sungah Lai Siangtho sinna nei ahihlam phawk kha lo hi.
Peter in Adventist a suah khit ciangin Anglique lungdam lua mahmah hi.
Peter
in zudawn, zatep nawn lo hi. Peter in a zi Angelique leh a tanu nihte hopih
pahpah hi. A tate zong Pathfinder camp khat om ding ahih manin tua lai-ah kimu
dingin a zi vaikhak hi. A kikhen zawh uh kum 6 bang cingkhin ahih manin , tua
camp ah a kimuh uhteh nai 2 sung bang kiho uh a, tua khit ciangin Peter in
mundangah paisan hi. Peter in zudawn lo zatep lo cih a theih ciangin Anglique
in lungdam mahmah hi. Camp mankhit ciangin kaal nih sung bang Port Gentil ah
omlai uh a, a nihun kiteeng dingin vaihawm uh hi.
Tu-in Peter in Gabon Adventist pawlpi
ah pawlpi upa sem hi. A nuntakna khempeuh tawh Jesuh it hi. Hih hangin a zi Anglique
lungdam mahmah hi. A lungkham mahmah laiktain Anglique in Matt. 6:33 sungah
Jesuh kamciam, “ Pasian deihna leh Ama
dikna zong masa u. Tua hileh na kitangsapna khempeuh uh a hong pia thuah ding
hi, cih siksanin tha la hi.
“ Eite masak pen dingin Pasian gam zon
masak ding hi,” ci-in Anglique in a pasal hanthawn hi. Na pasal in thu-um mi
ahih nai keileh thungen ngen in. Pasian in mihing lungsim hong khel thei hi.
Kum 6 sung tawntung ka pasal adingin thu ka ngen a, Pasian in hong dawng hi.
Tuma kum 3 lai-in Sababth 13na sumpi in
Anglique omna Libreville khua-ah kipuak ngei khin hi. Tu quarter sumpi in
Guinea gam leh Liberia gamah kipuak ding hi.
MUC in Sawbua sanginn adingin kipuak ding
hi.
