Laisimna
Hangin Thu-ol Reading Made Easy
LIBERIA
| July 11
S.E.
Joe Seeyah, 66
Joe
Konyon Seeyah in laipai thei lo hi. Liberia gam Seeyah khua-ah teeng hi-in hih
khua-ah sangkah nading om lo hi. Khangno khat ahih mah bangin a innkuanpihte
tawh lo kho uh hi. A u ham zaw deuh ciangin zi nei-in ta zong 9 nei-in lokhawh
nasep mah sem hi. Laisim ngei in a khua
uah hong zin hi. Joe in Lai Siangtho thei nuam hi. A khuapihte tawh Lai Siangtho thu sinkhopna
nei uh hi. Willie in zong Lai Siangtho sin ding thukim hi. Kha khat khit
ciangin Seeyah khua leh tua kim a om Dehyu khua pan mi 50 in kituiphum uh hi. Willie in Liberia gam
ah tuiphumsia masa penpen hi. Tu-in ama
nung a thu-um mi in hotkhiatna thugen ding masuan nei ahihna pulaak kik
hi. Bang ngaihsun ding, bangci bangin
kalsuan ding cih pen ngaihsut hamsa-sa
hi. Jesuh it ahih manin hotkhiatna thu gen ding lunggulh hi. Tu-in kum 45 kum
cingkhin a, laisim thei nai lo hi.
“ Lai Siangtho ka sim thei kei hi.
Hong hilh in,” hongci hi. Willie in lunghimawhna bangmah nei lo hi. Joe leh a
lawmdang kituiphum thak mi nga-te tawh Dehyu ah Lai Siangtho thusinna nei uh
hi. A ni masa pen ni-in Joe in Willie tawh thusinna nei mi nga-te a et ciangin
khat zong in lai thei lo ahihlam uh thei hi. A lawmdangte in laithei lo ahih
manun Joe in a deihsakna hangin tua bangin laisinna neihpih hi. Willie in thungen-in, tua khit ciangin ama
neihsa Lai Siangtho sung pan a thupi munte hilh dingin ngen hi. A gingkhia-in
sim a, a khiatnate zong hilh hi. Joe in
lungsim takpi tawh thungen hi. A sim Lai Siangtho munte koi bangin ciamtehsuak
thei ding cih pen ngaihsut hamsa-sa hi. Khrih hong pai kik baih ding thu
midangte zong theisak nuam hi. Ahi zongin Lai Siangtho munte pulaak khia thei
pahpah lo hi.
Nisim-in Joe in a lawmte tawh kimu
khawm-in Lai Siangtho thusinna nei uh hi. Kha Siangtho in a ompih nadingin Joe
in nisim-in a lawmte ading thungen hi.
Ni khat Willie in a lawmte Lai
Siangtho hilh a om hun khatin Joe in a
simnop khat mu thei pak lo-in zongzong-in buai mahmah a om mu hi.Willie in ama
Lai Siangtho sung a zon leh Joe zonzonna mun mu
pah hi. A lawmte uh tawh sim kipan pah uh hi. Tua thuhilhsia pa in
lamdangsa mahmah hi.
Inn a tun ciangin Joe in laibu dang khat
sim a, a sim pong bek mah hi-in bangmah thei lo hi. Laibu dang khat la-in sim
leuleu, a sim thu bangmah thei thei lo hi. Ahi zongin Lai Siangtho a sim
ciangin a sim bangbang theithei hi.
Joe in Seeyah khua-ah 1937 kum-in Seventh-day
Adventist pawlpi ah upa sem masa hong suak hi. Sangkah ngei lo hi mah taleh Lai
Siangtho simthei, hilh thei hi.
2003
kum-in kum 90 pha-in si hi. A tapa S.E. Joe Seeyah in kum 66 pha-in, “ Ka pa in
upa a sep pen Kha Siangtho nasepna hi. Kha Siangtho in theihna guan-in, sangkah
ngei lo hi taleh laisim siamna pia hi. Ka khua uah Adventist pawlpi kiphut ding
lunggulh mahmah ahih zah khatin Pasian in lampi hong honsakin tu-in Adventist
pawlpi om thei hi, ci-in pulaak hi.
Tu quarter leitungbup Sabbath 13na
sumpi in Buchanna khua-a sang ah kipuak ding hi.
