GABON
| August 8
Aw
hoih, zaknop huai
Jean
Obame-Efayong, 58
A nasepna-ah hazatna hangin Jean
Obame-Efayong nunzia kikhel hi. Amah pen palik khat hi. Nitak sialin a zi
Rosette in a nasepna pan inn ciah hak den hi. Amah pen Libreville khuapi –ah
nasem hi. Jean in a zi in bangsem a, koi-ah sem hiam cih thei lo hi. A zi omzia
tatzia lunghimawh mahmah hi.A sawtteh a zi thu dong hi. “ Ka sanggam nu inn pan
hong ciah hi ing,” ci-in a zi in dawng hi. A zing nitak ciangin inn hong tunteh
a pasal in koi pan hong ciah na hiam ci-in dong kik a, a zi in “ ka sanggam nu inn pan” ci-in dawngkik hi.
Nitak
inn ciah hak, nitak sial mah in ka sanggam nu
inn pan hong ciah hi ing, ci-in dawng den hi. Jean in a zi thugen um zo
nawn lo hi. A sanggam nu inn ah bang hih hih hi ding hiam cih pen ngaihsun thei
lo hi.
Ni khat a sanggamnu inn ah paipih dingin a
pasal in pulaak hi. Rosette in zong paipih-in biakinn khatah lutpih hi. Tua
biakinn kongmai-ah ‘ Tawntung Nunna” cih lai kisuang hi.
A
zi in ka sanggam nu inn a cih cih pen biakinn ahihlam a pasal in a theih
ciangin lamdangsa hi. Innciah hak den pen thu dang hi lo-in biakinn pai-in
thungen a tua hangin inn ciah hak ahihna thu a theih ciangin a lungnuam zaw
deuh hi.
A zi in biakinn ah va pai takpi mah hiam
cih sittel nuam-in Jean in biakinn ah nitak 3 kizom-in va pai hi. Tua bangin a
zi zui-in a pai nitak 4 na ciangin biakinn nei pa in bang hangin inn pua ah
ding na hiam, biakinn ah pai-in a sung lut lo,” ci-in dong hi. Jean zong
biakinn sung lutsuk hi. Biakinn sung a tun ciangin kikhawm mite limtak na muak
uh a, Jean in nuamsa mahmah hi. Tua bang biakinn sung nuam mu ngei lo hi. Tua
bangin va kikhawm zel a, pawlpite in
pawlpi upa dingin seh uh hi. Kaal sungtengin palik na sem-in, Saturday ni hong
tunteh Sabbath tawlnga-in biakinn ah biakpiakna makaih hi.
Ni khat Rosette in a innkuante gen lo-in
kikhawm lo hi. Jean in a theihma-in naupaai-na hangin sihsan hi. Dah lua mahmah
ahih manin Jean in biakinn ah pai-in thungen-in Topa tungah ki-ap hi. Hih
pawlpi in pawlpi mantakpi ahihleh ka lungkhamnate hong mangngilhsak in, ci-in
thungen hi. Biakinn pai nawn lo-in bangmah lunghimawhna zong nei nawn lo hi.
Kum 3 khit ciangin Jean in khua sung pan
innzuan-in a ciahna-ah a inn gei-ah tuipuan kikhuh-in mihonpi om mu hi. A bilah
aw neem khat in a hopihna za hi. “ Sia pa, nang kiangah hong pai hi ung”
cihna-in Jean in a kim a paam khuadak kawikawi-in kuamah mu lo hi. Kal nih kal thum a suan khitteh den a dan mah
bangin hopihna awging khat in “ Sia aw, lut suk inla hotkhiatna thu kigen va
ngai in” ci-in kihopih hi.
Jean zong lut sukin a nunglam khatah tu
hi. Seventh-day Adventist pawlpi in nitak 10 sung Pasian thugen ding a kipat
nitak masa pen hi-in, mawh kisikna,
kikhelna cihte thu kigen hi. Jean in a thu ngaih kawmkawm-in a khitui luang hi.
A zing nitak ciangin thungai dingin hong kikhawm kik a, a zak thute limtak
ciamteh hi. Tua bangin a kikhopna-ah
tu-in thungai-in a om ciangin a lungsim ah tui kiphum ding ngaihsun hi. Inn a
tun ciangin tui kiphum ding bekbek ngaihsunsun hi. Thugensia pa tawh kimu-in
tui kiphum ding vai kikum uh hi.
Sia pa in “ Nang pianzia koici bangin hiam
cih hong thei lo hing, ahi zongin nangma ut hunhun-in tuiphum hong pia thei
ning,” ci-in kiho uh hi. Thuhilhsia-pa in maitai-in, hih pen Kha Siangtho hong
sawl hi ding hi, ci-in pulaak hi. Sia pa in tui kiphum ding a gen ciangin, Jean
in zong nial lo-in kituiphum pah hi.
Tu-in Jean in Adventist thu-um citak
mahmah hong suak hi. Nisim-in hun khatlai-a a zak kihopihna mangngilh ngei lo
hi. “Tua aw-neem in ka pai nading
lampi hong hilh hi; Jesuh in ka sungah
hong nungta hi,” ci-in pulaak hi.
Tuma kum 3 lai-in Sabbath 13na
sumpi in Jean teenna khua Libreville ah
kipuak ngei hi. Tu quarter Sabbath 13na
sumpi in Guinea gam leh Liberia gam-a
sanginn lam nadingin kipuak ding hi.
MUC in Sawbua sanginn adingin kipuak ding
hi.
