Innkuante
adingin antangin thungen
GUINEA
| August 22
Tranqulle
Fassinadouno, 34
Ka innkongpi uh kihongsa-in om a, kei
zong inn tualah ka lutsuk pah hi. Innmai-tengah pasal khat leh numei khat kiho
uh a, naupangte nih in a gei-ah kimawl uh hi.
“Zingsang
pha, sanggampa leh sanggamnu, ci-in ka hopih hi. Nuikawmsa-in kei ka min Tranqulle
Fassinadouno. No kong muh khak manin ka nuam mahmah hi, ci-in ka hopih hi.
Naupangte gei ka nehphei-a, khat pen sangkahcil pan khat hi-in, “ Na sangkah a
nuam hiam, zan ni bang sin, ci-in ka dong hi. Naupang in hong nuihsan kik-in
ABC ci-in a banban-in hong gen hi. Na ta uh tei mahmah hi, ci-in a pate tungah
ka pulaak khit ciangin a nu le pa zong lungdam uh a, na min uh bang hiam ci-in
ka dong hi.
“Kei ka min pen Maimouna Bangoura,” hi ci-in a
zi in hong dawng hi. A pasal in kei ka min pen Alpha hi, ci hi. Tua khit
ciangin ka laihawm puak ka la-khia a, a sunga kigelh thute in Pasian in
mihingte a hong itna thu hi, ci-in ka pia hi. “ Hihtengah no adingin lungdamna
thu kigelh hi, ci-in a zi ka pia hi. “ Hih lai-te in Pasian kammal hi,” ci-in a
pasal pia phei hi.
A
pasal in “Lai ka sim thei kei hi,”
ci-in, ka zi pia in, ci-in hong sawl hi.
A pasal in a zi Maimouna lam en phei-in, hong simsak dih ve, ci-in sawl hi. A zi
in tua laihawm lei denna-in inn sung hong lutsan-in thungen hi. Alpha tungah
thu ngetna ah phawk ding, kong ngetsak ding na nei hiam, ci-in ka dong a, ka
kiho laitakun, Maimouna hong pai phei-in, natna pan ka dam nadingin thu hong
ngetsak in, ci-in hong pulaak hi.
Ka piak laihawmte sungah Jesuh cih min
amuh uh ciangin tua lai-te sim nuam nawn lo uh hi, cih ka thei hi. Khristian hi
lo mite adingin Jesuh tawh kisai peuhmah lawngkha lo dingin kihilh uh hi zaw
hi. Lunglut lo mahmah uh hi, cih ka muh tak ciangin, paikhia-in hih innkuante adingin an-ngawl-in
thungetna ka nei hi.
Kongkhak ka khenkhit phet ciangin laidal
tung khatah inntekte min ka ciamteh hi. Tua laidal pen ka Lai Siangtho bu
sungah ka koih hi. Ni 3 sung zingsang nisuak a kipan nitum dong tuidawn lo, anne lo-in ka om hi. Khuamial khitteh nahtang, lingmaw, leh
buhciim tawm ka ne hi. Kaal laizang sungin tua nupa-te adingin thungetna ka nei
man kei hi; Lai Siangtho thusinpihna leh Global Mission nasem ding mi tawh
kimuhnateng-in ka hun bei hi. Tua hi-in zan ihmuh hun sungin khanglo-in tua
nupa-te ading thungen dingin ka khanlawh theih nading Topa tungah ka ngen hi.
Zan thum sung bang Topa in hong
khanglo-sak in zan kimlaitak nai 1-4 kikaal tua nupaa-teading thu ka ngen hi.
Tua bangin ka om theihna hangin Topa tungah lungdamna ka ko hi. Ni 3 hong
cinkhit ciangin Sabbath hong tung-in, biakinn ah kikhop khit ciangin Alpha leh Maimouna inn-ah ka hawh hi. Amau
inn pan ka ciahkhiatma-in amaute tawh thungetna khat ka nei hi. Tua bangin
thungetna tungtawnin Kha Siangtho in amau sungah nasem a, tuikiphum ding
khentat zawh nading uh thu ka ngen hi.
Sabbath nitak inn ah om kei kha le uh
cih ngaihsutna tawh Sabbath School
hun sungin amau inn ah ka va hawh hi. Maimouna in maitai takin hong hopih hi.
Thungetna hangin damna a ngahna thu hong gen hi. A tapa adingin zong thungen
dingin hong sawl hi. A tapa in cina-in om a, a dam nading thu ka ngen uh hi.
Nitak ciangin ka hawh kik a, naupang in
dam-in a lawmte tawh na kimawl zo hi. Thungen khawm dingin tua naupang
va sam dingin Maimouna ka sawl hi. Jesuh makaihna muang ka hih manin Ama min
suangin naupang dam nading thu ka ngen hi.
“ Naupang damna hong pia Jesu hi”
ci-in ka pulaak hi. Tua hangin Jesuh min tawh thungen ihi hi.Lukun-in thu ka
ngen uh hi. ‘ Topa aw, na tungah lungdam ung. Nangma vangliatna hangin na min
kong phat uh hi. Nangmah in a lamdang nate na piangsak hi. Nangma damsakna hangin na tungah lungdamna
kong pulaak uh hi. Jesuh min suangin thu kong ngen uh hi. Amen.
Kha khat khit ciangin Alpha leh
Maimouna in biakinn ah hong kikhawm uh hi.
Alpha in tua khit hong kikhawm nawn lo hi. Nitak sial-in a zi vua den hi. A nunzia kikhel tuan lo hi. Lai
Siangtho hong hilh in, ci-in Maimouna in hong ngen a, Lai Siangtho thusinna ka
nei khawm uh hi. Tawl khat khit ciangin amah le amah-in Lai Siangtho sim thei
a, Jesuh tawh a tawntungin ka nungta
khawm ding uh hi, ci-in pulaak hi. A lungsim khempeuh Jesuh ap hi.
A
pasal in satsat veve hi. Ahi zongin Maimouna in Matt. 10:37 ah “ Kei sangin a
nu a pa a it zaw mi in kei tawh kilawm kituak lo hi. Kei sangin a sanggamnu a
sanggampa a it zaw mi in
Kei
tawh kilawm kituak lo hi. A nuntakna a hu mi in nuntakna tanlawh ding a, Keima
hangin a nuntakna a suplawh mite in nuntakna ngah ding uh hi. Alpha adingin
Maimouna tawh thu ka ngenkhawm uh hi.
Maimouna in Jesuh it ahih manin ka lungdam hi. Lungdamna mantak in thuman thutak mite hilhna hi.
Tu quarter Sabbath 13na sumpi in Guinea
gam, Kobaya Academy sanginn puah nadingin kipuak ding hi. MUC in Sawbua Sanginn
adingin kipuak ding hi.
