GABON
| August 1
Sakol
tawh sum kitah
Christophe
Minsta Mi-Owono, 44
Christophe in kum 27 cingkhin-in sakol
tawh tai kidemna nuamsa mahmah khat hi. A pa pen math laihilhsia khat hi-in,
France gam a sangkahna panin sakol tung tuan uk kipan hi. Inn a ciah ciangin
Gabon gamah zong a hun ngah sial-in sakol tawh
a hun bei hi.
Ahi
zongin a kimawl pih ding kuamah om lo hi. Sakol tung tuan kidem ding sangin TV
tunga mi kimawlte sum kitah-in zaw uh ahih manin kuamah sakol uk om lo uh hi.
Christophe in bangmah semlo ahih man
in a pa in khua sung tangvalte sum kitahna munah va paipih hi. Tua bangin sum
kitahna panin sum ngah thei dingin lametna nei uh hi. Nisim-in tua bangin sum
kitahna hangin Africa sum 5000 bang bei den hi. An ne lo, ihmu lo liang-in tua
bangin sum kitahna-ah a hun beisak hi.
A lawmte Seventh-day Adventist kimkhat
in tua bangin sum kitah-in kimawl a ukna a theih uh ciangnin tua bangin gamta
nawn lo dingin hanthawn den uh hi. Ahi zongin Christophe in a lawmte hilhna
mangnuam lo hi. “ Tua bangin kimawlna in lungsim ngaihsutna tha-hatsak hi; hih
bangin kimawl-in sum kitah nadingin Maths siam kul hi, cihsan hi.
Sunday ni zingsang khat Christophe a
lawmte tawh sum kitah-in kimawlna khatah
3,000
francs sumh hi. Inn a ciahna lampi ah ngaihsunsun-in a kimawlna ah kileh kikin
a sum paihna ngaihsun hi. A kimawlna munah form kisamte a bawlna-ah mawtaw
lampial khatin amah leh numei nih nawkkha hi. Mawtaw khawl lo-in taisuak hi. A
gei-a om mite’n zato puak thei pah bilbel uh hi. Numei khat zato panin si hi. Christophe in ahihleh a khe nihte tang thei
nawn lo hi. A mailam hun ding a ngaihsut khak ciangin lunghimawh ahih manin
thungen hi. “ Topa aw, sum kitan kimawl khol ding nong gen khit sawtpi pek hi.
Ahi zongin nong thuhilhna ka mang nuam kei hi. Tu a kipan nangma thu ka mangta
ding hi” ci-in thungen hi.
A innkuanpihte tawh kiho thei lo hi.
Sum lah nei nawn lo, zato ah ni nih sung zatui zaha lah ngah lo-in omcip hi. A
tawpna-ah taw-tal khia-in taxi khat sam-in inn ciah hi.
Damsiang
A sanggamnu khat in nurse hi-in tua in a
liammate bawlsak hi. A damna dingin thungen uh a, “ Topa aw, sih nading panin
ka nuntakna hong kepsak hi. Damsiangin, lampai theihna kong piak kik leh sum
tawh kimawlna ka khawl ding hi. Nangma nasem-in ka om ding hi; ka zawng a ka
hau ahi zongin sumtan kimawlna ka nusia ding hi,” ci-in Topa tungah kiciamna
nei hi.
Tu-in Christophe kum 44 cingkhin a, innza
zut nasem hi. Olno takin sum kitana sum ngahna sangin nasem a sum thalawhna in
manpha zaw hi, ci-in pulaak hi.
Tuma
kum 3 lai-in Sababth 13na sumpi in Anglique omna Libreville khua-ah kipuak ngei
khin hi. Tu quarter sumpi in Guinea gam leh Liberia gamah kipuak ding hi.
MUC in Sawbua sanginn adingin kipuak ding
hi.
