Thungetna
leh Bawlsiatna
GUINEA
| August 15
Maimouna
Bangoura, 29
Ka teenna uh Conakry khuapi, Guinea
gam, ka inn mai-uah Seventh-day Adventist thu-um mi khat tawh kimu-in ka kiho
uh in Adventist thu ka zak masak penna uh hong suak hi. Tua pa in laihawm khat
hong pia-in tua lai sung a nawl khatah “ Jesuh” cih min kigelh ka mu hi. Sim
nai lo-in ka pasal Alpha pia in, ci-in ka sawl hi. Tua laihawm in French lai
tawh kigelh hi. Ka pasal in French sim
thei lo ahih manin kei hong pia kik hi.
“ Sim dih ve” hong ci hi. Ke’n zong
sim lo-in, “ Kei Khristian hi keng; hih
bang lai ka lawng kei ding hi, ci-in lei-ah ka khia suk hi. Innkong honpi-in
inn sung ka tum suk hi. Khristian thu limlim ka za nuam kei hi. Tham lo-in nitak thunget hun hi ta, tua pa leh ka pasal
in kiho ka uh ciangin thungen thei lo liangin ka heh hong suak mahmah hi. Ka
pasal kiangah, thungetna-ah hel ding bang na nei hiam, ci-in dong hi.
Ka pasal in “ nasep khat ka muh nading,
ci-in thungetsak dingin pulaak hi. Alpha
in (electric) mei tawh kisai siamna nei khat hi. Sum ngah napi, bei baih lua hi, ci-in pulaak
hi. Ka zi in a naupaai lel mahmah hi. “
Thu hong ngetsak in,” hong ci-in tua Adventist thu-um pa kiang ka pulaak hi.
Zato ka om sungin zong siavuan siamahte in na ta nungta nawn lo hi, hong ci uh
hi. Nausuak khia nai lo, ka sungah naungek nungta nawn lo ahihna hong gen uh
hi. Ka pasal tungah hih thu-teng ka pulaak hi. Tua Adventist thu-um mipa tungah
thungen dingin ka pulaak a, ama’n zong thungenin “ Topa aw, naungek suakkhia
sak in. Ahi zongin Nangma deihna bangin piangzaw ta hen,” ci-in thungen hi.
A thunget a man khit ciangin form tungah a
kisamteng gelhkhia-in min gelhna munah ama min Tranqulle Fassinadouno leh a
phone number gelh hi. A gelh khit ciangin Alpha pia-in “na zi in ni khat ni
ciangin hih lai kigelhte hong simkhia ding hi, ci hi. A pai-khiat khit phetleh
tua lai balkek-in niinbung sungah ka paai hi. A thunget bel ka deih hi. Ahi
zongin ama upna Khristian zuih ding pen ka lungtung zo lo hi. Nuamtakin ka
ihmuh theihloh kha tampi pha khin a, ahi zongin tua zan a kipan ihmut nuamtakin
ka ihmu thei hi. Ka ci-bawkte kiam-in,
siluang zong hong khawl hi.
Zato ka tun ciangin siavuan siamahte in
naupaai hongsa kha uh hi. A taktakin kei pen naupaai ka hi kei hi. Tua ciangin
ka taneu Anthony a cina hi. Zatui pawlkhat lei-in ka piak uh hangin noptuam lo
hi. Ahi zongin Tranqulle thu hong ngetsak ciangin ka natnate a damlam ka phawk
kik hi. “ Bang hangin tua hong lai piakte paai khia ka hiam? ci-in kei le kei
ka kimawhsak hi. Tua laidal tungah ama phone number om a, tun amah ka hopih
theih nading om lo hi. A zingsang
ciangin kongkhak hong kikiu a, kong ka honleh Tranqulle hong hawh na hi bilbel
hi. “ Nuamsam ing, ee, nang hong hawh thei, na phone number deih ing ka cih
laitak hi ven, ka ta cina in thu hong ngetsak in, ci-in ka thuum hi.
Tranqulle in ka tapa ading thu hong
ngetsakin, tua nitaklam mahin ka tapa zong
a natna panin damna hong ngah thei hi. Alpha tawh lamdang kasa uh hi.
Ahi zongin biakinn ah kikhawm ding ka ut nai tuan kei hi. Tranqulle hong
thungetsaknate ka phawk kikkik hi. Kha khat khit ciangin biakinn ah kikhawm
dingin ka pai hi. Thugenpa thugen in ka lungsim hong bun mahmah a, tua a kipan
Sabbath ni sial-in ka kikhawm hi.Ka lawmte in Alpha ngaihsutna man nawn lo hi;
mihai hi,” ci-in a gen uh ciangin Alpha zong Sabbath ni kikhawm nuam nawn lo
hi.
Tawl khat khit ciangin Sabbath ni sialin
inn pan paikhia-in biakinn ah kikhawm dingin pai pusuak khia hi. Ka pasal
tungah hih thu a na kigen ciangin ka pasal zong heh-in inn ka tunteh ka pasal
in hong sat hi. Ahi zongin bang bang thuak taleng ka nunzia ding ka theih tel
hi. Tranqullte in Global Mission nasem masa pawl hi-in, Lai Siangtho thusinna
laibu honkhat hong pia hi. Thukham 10 tawh kisai thu ka sin uh a kipan ni 7 ni
Sabbath tawlnga dingin ka khentat hi. Alpha
in hong sat veve hi. Pau ding ci leng ka kam hong betsak hi. Biakna thu mahmah
gen ding hong phal lo hi. Nupa kikhen ding
bek vaihawm-in, inn sung kisam bangmah hong vaihawm nawn lo hi. Amah kia
tuam lup den hi. Ahi zongin nisim-in ama ading thu ka ngen hi.
Ka deih mahmah Lai Siangtho mun khat in John
14:1 “ Note lungmang kei unlam, lunghimawh kei un. Kei hong um unla, Pasian
zong um un.” Ka pasal hong bawlsiatna ka thuak hangin lungnopna khat ka nei
veve hi.Bang hang hiam cihleh Khrih ka nei hi. Thu nong ngetsak uh diam? Topa
tawh hi leh na khempeuh tungah zawhna kingah ding hi. Ni khat ni ciangin ka pasal in Khrih um-in
Khristian hong suak dingin lametna ka nei hi.
Tu quarter Sabbath 13na sumpi in
Maimouna-te teenna, Guinea gam, Conakry khua ah sanginn adingin kipuak ding hi.MUC
in Sawbua sanginn adingin kipuak ding hi.
