A
Tawpna-ah Suakta
13th
SABBATH: GUINEA | Sept. 26
Maria,
29
Maria
in Khrih nusia lo-in upna mah zui veve ahih manin a nu in Maria sih theih
nadingin vaihawm tawntung hi. A tawpna ah a nu in a tuidawn sungah ihmut suahza
khah hi. Maria in tua tui dawnkha ahih manin khua phawk nawn lo a, a sanggam nu
khat in khua-ta khat a om a sanggamte omna ah va puak hi. Maria tapa kum 5 a
pha khat in zui hi.
Maria nu in sumhau mahmah khat hi. Huang
gol mahmah khat nei-in, inn hoih tampi zong nei hi. Huangkim khempeuh ki-um
khin a, kongcing kikoih hi. Maria in tua huang sung inn sung khatah tawh
kikalhcip-in kikoih hi. A nu in Nigeria dawisa mi khat sumguai-in Maria in
Jesuh a nusiat ding sawl hi.
Maria in dawisa pa tungah, “Ka si zongin
cihmah hun-in Jesuh ka nial ngei kei ding hi. Biakinn ah ka kikhop theih loh
hangin Jesuh mah ka bia veve ding hi. Jesuh in mun khempeuhah om hi,” ci hi.
Dawisa pa in, “ Na nu in tam veipi thah
ding hong sawl hi. Ahi zongin na suakta den hi. Jesuh sangin vanglian zaw khat
ka nei hi, ci-in dawng kik hi. Dawisa pa in na vui pawl khat leh tui hel-in
Maria dawnsak hi. Tua khit ciangin a pumpi tungah zut khat nei hi.
Jesuh
nial ding maw, si zaw ding, ci-in pulaak hi. Maria in cihmahin Jesuh ka nial
ngei kei ding hi. A nu in dawisa pa tawh kipawl-in, ni khat Maria maitang na tui khat theh hi.
Maria maitang khempeuh bawkgawp a, a zingciangin si luangkhia hi. Maria tapa Mark in a nu in bang tuak hiam cih thei lo-in lungmang mahmah hi.
Mark
in a nu maitang khempeuh bawkgawp amuh ciangin kap hi. Ahi zongin nitak lup
ding sial-in a nu tawh thungen khawm hi.
Maria sanggam nu Hadja in zong thungen dingin sawl hi. Hadja zong thukim-in ahi
zongin a nu muhna-ah thungen ngam lo hi.
“Jesuh
aw, hehpihna tawh ka nu damsak in” ci-in thungen hi. Kha 7 a cin khit ciangin
Maria in tha bei-in zawmgawp a, lampai zo nawn lo hi. A sa-te mut tawh kibangin
uih gimnam hi. Hadja zong lunghimawh-in Maria lawmte Adventist thu-um mi khat
va ko hi.
“Maria
a si ding hi ta hi, hehpihna tawh thu hong ngetsak un, ci-in ngen hi. A lawm in
Maria tawh kiho dingin ngen a, Maria in tua bangin a pau zo ding hi lo hi. A
lawm nu in maan zaih-in, na nu bawl-in hih bangin a piang hi, si leh deih hi,
ci-in pulaak hi.
Maria lawm in a pawlpi mite tungah pulaak-in
thungetsak uh hi. Guinea gam sung a om Adventist thu-um mi khempeuh in Maria
adingin thungen ciat uh hi. Ni 4, 5 khit ciangin Maria lawmnu in Hadja hopih
kik a, Maria adingin hamsa lua ding hi, a suahtak theih nadingin vaihawmsak in,
ci-in gen hi. Sum a kisam bangbang kei ma’n hong khak ning ci-in Maria suahtak
nadingin kikum uh hi.
Maria lawm Adventist thu-um nu in Guinea Adventist makaipipa Jacob Gbale tungah
za sakin, Conakry khuapi zuan dingin mawtaw leh sum kisam vaihawmsak uh hi.
A
nu in vai tuamtuam tawh a vak khiat kalin Hadja in mawtaw khat cial-in Conakry
khuapi zuan dingin Maria pusuahkhiat pih hi.
Maria leh Mark in biakinn huang sungah
giak dingin a tun madeuh-un, biakinncing pa in hai kungtungah gul eng gol
mahmah khat mu-in a lawmte a sap kal-in tua gul taimang hi.
Maria
in gim khin mahmah hi. Upa-te leh sia pa in sathau zut-in thungetsak uh hi. Tua
bangin thu a ngetsak laitakun Maria in khuaphawk lo-in sual tungah khia suk hi.
A khuaphawk hun ciangin a tunna mun lamdangsa-in a pumpi khempeuh thaaksa hi.
Lupna tungah lumsak hithiat kik uh a, tua bangin a lup laitak mahin mel
tuamtuam nei gul khat kongkhak panin hong lut ding kithawi thawi hi. Tua gul
pen a zan ni-a hai kung tung pan a
taikhia gul mah hi. Tua gul in pi 3 bang
sau ding a, that dingin a zon uhleh kua
vang sung khatah lut-in , pawlpi mite in meitui sungsuk uh a, mei tawh hal uh
hi. Tua gul zong hong pusuak khia-in
Michel in a khe tawh tuancil gawp a, gul lutang suzan hi.
Tua zawh a sawt lo-in a mi kithei lo khat
in Maria phone-in hopih hi. Maria in a phone sang ngam lo hi. Ahi zongin a
phone ging tawntung ahih manin, hih pen thupi khat hinteh ci-in Maria in dawng
hi. Hadja in hopih hi-in, Maria tungah “
A hun lap lian hangh eey, tu-in ahihleh dam niteh, ci-in pulaak hi. Maria in
bang hangin maw, ci-in dong hi.
Hadja in “Ambulance ging na za hiam, ci-in
dong hi. Maria in ka nu bangci a hia, ci-in dong hi. Hi lo, Nigeria dawisa pa inn tung nihna pan
khia-in a lu leh suang kitat, si pah hi, ci-in gen hi. A zingsang ciangin Maria cibawkte damdam-in
hong kiam pah hi.
Maria in Jesuh a upna hangin a nuam mahmah
inn, mawtaw leh a sai hoih mahmah nusia hi. A nu in Maria sih ding vaihawm den hi. Tua hangin Mark leh Maria bu kawikawi
uh hi. Ahi zongin Jesuh a itna uh lian zaw hi. Maria in amipihte lakah Pasian
thugen dingin thungen hi. A mipihte zong Pasian thu-um mi suak dingin deihsak
hi. Jesuh hong itna kei kia bekin theih ding hoih lo hi, ci hi.
Guinea gamah Seventh-day Adventist thu-um
mite in hamsatna lianpi tawh kidim uh hi. Suakta takin Pasian bia thei lo uh
hi. Bawlsiatna thuak uh hi. Mark leh Maria adingin thungetsak in.
Tu quarter Sabbath 13na sumpi in Guinea gam Conakry khua-a sanginn adingin kipuak ding hi. MUC in Sawbua sanginn adingin kipuak ding hi.
Nung Sabbath-in kizaksaksa om bangin tu-ni
Sabbath in quarter cinh Sabbath hi. Sumpi khiatngei a zah thum khia ciat ni.
