Kawlgam pan ko (8) bang
Bangkok ah March kha (13-19) sung stewardship convention ka va kah uh a, (19)
ni Yangon ka tung kik uhhi.
Ka tun ma un Union ulian
te’n, nong tun uh ciang kaal nih sung zum hongkahkei un ci in lai hong khak hi.
Kei zong tua nipan kipan tu ni dong mah zum kah lo, koi mah pai lo in inn ah ka
om hi.
Cimlua, sun khua lum lua,
pangka nuai ah tutphah zal tawh tu in ka ih mut leh ka khanlawh ciang bukkhuh,
ka gawl hong na in zan ciang ka ci hongsa hi. Ka cisa (100) hongpha a hih man
in galkap zato nasem male nurse khat kiangah huhna kangen a, zatang hongpia a
hih man in a nuam tuam pah hi.
A zing nitak ciang, Union
President pa’n phone hongsam a bang ci nadam hiam hong ci in hoih veng e sia ka
cih leh, aw tua a hih leh hoih ei ci hi na pi’n a dendeuh ciang phone hongsam
leuleu in, ka kikup uh leh (Kua teng tawh kikum hiam thei lo) zato ah na si
kisit sak limlim le teh hoih in teh hong ci a hih man in, kei zong a zingciang
ka veng zato ah pai in kakilak hi.
Cisa hongteh hang cisa om
lo a hih man in, na ci asat khak zenzen leh naneek ding ci in para tang guk tawh
hong ciah sak hi. Ka zum vua ka ulian te un na sisit in hong ci a corona virus
om maw omlo theinuam ka cih leh sisit na zum ah va dawp ve vua hong ci in, Sia
aw letmat hongat sak ve kacih leh, virus sign om tatak te bek kisit hi hongci
in letmat hongat sak lo hi.
Ka nupa un FDA zum (Ka
inn mai vua sisit na zum) ah vapai in sisit nuam ung ka cih uh leh hong
kigualsak in, ka lut tum ciang nang bang sit nuam, na letmat koiah hong ci a,
ke’n letmat neilo ka cih leh laidal khat hongpia in, hiah na sitnot thu at oo
hong ci hi. Kei zong corona virus om maw om lo kasit nuam ka cih leh kalai dal
siamah khat in la in a khan sung a siavuan khat valak hi.
Tua siavuan pa hongpusuak
in nang aa ding kisam lo hi. Na pumpi tung ah corona virus sign omlo hi. Zato
pan siavuan te’n hongsawl te bek kisit hi hong ci a, lungkim tak in ka ciah hi.
Union President pa’ kiang
ah report kapiak kik a leh naveng te’ kiangah gen oo hong ci mai. Ke’n lah kua
te’ tung gen ding thei lo. Ka veng kapam leh kalawm kagual, ka nasep pih Pastor
tampi tak ka kimkapam ah om in, corona virus nei hi ci in muntuam tuam ah thu
na puak ngeingai uh hi. Tua zong leitung mi ihhih man in a hi mah ci ni.
Hi bang natna gilo a nei
a hong kimu hi na pi tuni ciangdong Pastor khat beek hongpai a thu hongnget sak
om nai lo hi. Tua zong natna kalawhkhak ding laulua uh hi cimai ni.
Tu hun ciang in thu
kingetsak nuam mahmah peuhleng US pan Kawlgam cina te zong thu kingetsak thei
hi. AUS pan Kawlgam a cina te zong thu kingetsak thei hi. A phone uhtawh thu
hongngetsak dinguh sang in online ah post nuam zaw uh hi in teh.
Pastor Khual in coronavirus
ngah ta hi ci in ka veng lapaam in online ah kawllai tawh post hi cih thu ka
zak ciang in,Kadam ding sang in ka mindai ding hong kideih zaw cih ka mu khia
hi.
Topa’ kei hong it taktak
kapawlpi sung kanasep pih te’ lak ah khat zong a om loh hang, nang hongit lai
na hih man in ka lung dam. Na min than na hong hisak lai ta in.
Pastor Khual.
