Oct. 3, 2020
Kizopna
kamciam
Sandra in Andre tawh kiho uh hi. Andre
pen Khristin a suah sawt nai lo hi.Sawm-ah khat pen ngahna tungtawn a piak hi
ven, sumpi pen koi bangin khen ding cih pen a telcian lo mi tampi om hi, ci-in
kiho uh hi.
“ Mi tampi in Pasian deihna bangin
nungta nuam uh hi napi, amau leh amau kimuang lo uh hi. I deihna nial a, Topa
deihna bangin nuntak ding kamciam nei inla, thasaan in (2Kor. 9:7). Koi bangin
kamciam ding i hiam?
Na khempeuhah Topa masak ding mungtup
nei in. Pasian gam leh Ama dikna a zong masa mite in kitangsapna khempeuh uh
ngah ding uh hi (Matt. 6:33). Topa
tungah anpal piakna in na khempeuh sangin Topa masak zawkna hi (Pau. 3: 9,10).
Manmanin pia in. Mihing lungsim in
siatna tawh kidim hi (Jer. 17:9), i ngaihsutna muanhuai lo hi (Pau.
14:12). Sawlzawh thu-in piak ding sangin
piaknopna lungsim tawh piakna in thupha hi zaw hi. Na ngah thupha khempeuh in
Topa tung pan ahihna phawk inla, sawm-ah khat leh sumpi in hih thu pulaak hi
(Pau. 3:9).
Zuih ding thu om bangin: Ngahna khempeuh lak pan sawm-ah khat
(Thuhilhkikna 16:17; 1Kor. 16:2) Topa aa hi. Tua bangin gamta lehang tam lua,
tawm lua cih om lo hi.
A Hun: Na ngah hun hunin sawm-ah khat
leh sumpi khia in.
Thuuman:
Topa biakpiakna-ah sawm-ah khat leh sumpi paipih in. Na ngahna om bangin
sawm-ah khat leh sumpi ah a citak mi na hi hiam?
Thungetna:
Topa aw, tuni-a kote biakpiakna hong sang in.
Nangma tungah citakin a hanciam thu-um mite hong hisak in. Amen.
